मूक चेलाकू 5:26 - Korwa Bible

²⁶ हनारे अगुरा होड़कूरीग हातपात होड़ अदोम अगुरा होड़कू सुदाय सेनेडा। अरूकू ओंगोलतेरा, हँकुःआ होड़कू अबू रेनहाकेडकूखनबू साब अगूकू दो, हंडाकुःआ होड़कू अबू दिरितेकू तेकेबूता, माःआन। हनालगा हँकू मूक चेलाकू रेनहातेडकूखन मेरकू अगूगाडकू।

मूक चेलाकू 5:26 ပူးပေါင်းရင်းမြစ်များ

मती ओजाःतेरा भगवानराः नपाय सरवन 14:5

हरदोस एहुना ञेड गोएगगेय लगाय ओंगलेःआ। मनदो होड़कू, एहुना भगवानराः बड़रा कतायीग होड़ माःआनकू मनेवाया अते होड़कू बोरोवाडखन एहुना तोनोंग इया मेरेय एचेगडीग।

मती ओजाःतेरा भगवानराः नपाय सरवन 21:26

अरू जमा होड़कू एहुना भगवानराः बड़रा कतायीग होड़ माःआनकू मनवेयता। हनालगा हाँय होड़कू अगीते हातपाते पवावकिया, माःआनबू कताय दो, अबू नँकुःआ होड़कूबू बोरोवाता।”

मती ओजाःतेरा भगवानराः नपाय सरवन 26:5

मनदो हँकू कता होड़ेंगा, होड़कू एचेरे तोनोंग इयाराः हलो-गदोड़ी अलो होयाः। हनालगा परोबराः दिनरे हाँय अलोबू एचे सबेय।

मती ओजाःतेरा भगवानराः नपाय सरवन 26:58

पतरस ईसू अते गुनमिन तोनोरे तोरेते हाँय देह दूर मूक पुजउरीराः ओड़ाः राच मिने बोलोनेना। हाँय अगुरा होड़कू सुदा दुड़ुःनेनखन चिला होयाःता हनाय ञेला।

लूका 20:19

मरंग पुजउरीकू अरू नियम चेडदार होड़कू सुदीया, ईसू हँकू बदीरे नाःआ कहड़ीय कताया। हनलगा हँकू हाँय एचे साबगेय लगाकू ओंगोलतेरा। मनदो हँकू होड़कूकू बोरोवातेरा।

लूका 20:6

मनदो मनुवाकू होरते माःआनबू कताय दो जमा होड़कू सुसुदीतनाकू, एहुना भगवानराः बड़रा कतायीग होड़ हवे, माःआन अरू हँकू अबू दिरिकूनतेकू तेके ञेड एंडागोडबूता।”

लूका 22:2

मरंग पुजउरीकू अरू नियम चेडदार होड़कू होड़कूकू बोरोवाःआ। हनालगा हँकू तोनोंग इया ईसू साबकिरिगखन ञेड एंडाय लगा दावकू ञामा।

लूका 22:4

दो जूदा सेनेवाडखन मरंग पुजउरीकू अरू भगवान ओड़ाःराः अगुरा होड़कूरिकुःआ हातपात होड़कू एचेरे ईसू करा इयाय एचे सबेयता हना बदीरेय बुतुड़ुःआ।

मूक चेलाकू 4:21

भगवान हाँयग ठुठा होड़े नपायतेरा अरू हनाते जमा होड़कू भगवानकू जागगोड ञवना। हनालगा हँकुःआ मूक होड़कू हँकिन मेरकू डंडियाव अवेगाड। अरू हँकू हँकिन अरूकू हुड़कावतेडखनकू अड़ाःगोतेडकिन।

मूक चेलाकू 5:13

जमा होड़कू हँकू मुरुक नपाय मरंगकू ओंगोलकुःआ, मनदो हँकू सुदा मेसान लगा मेरकू डीड़गेःआ।

मूक चेलाकू 5:22

मनदो भगवानराः ओड़ाःरिकुःआ अगुरा होड़कू सेनेडखन हँकू मेनेरेकू सेने ञामगाडकू अरू हँकू कुदानेनखनकू कता उदुःतेरा,

मूक चेलाकू 5:24

भगवान ओड़ाःरिकुःआ अगुरा होड़कूरीग हातपात होड़ अरू मरंग पुजउरीकू नाःआ सरवनकू अयूमतेरा दो हँकू बयावनेनखनकू ओंगलेःआ, ओहरे! नंडाकुःआ होड़कू करेगयनाकू?

मूक चेलाकू 5:25

हनते तोनोंगीग होड़ वेगवाडखने कताया, “मन ञेलपे, अपे जेहेलरेपे एचे सींगतेडकुःआ, हँकुःआ होड़कू भगवान ओड़ाःराः राचरे चड़ाँकियानखन होड़कूकू चेडतना।”