मूक चेलाकू 5:2 - Korwa Bible

² अरू हनानियाह अदोम ढिबुवा अँननकिन लगाय हिगारतेरा अरू बनसावतो ढिबुवा मूक चेलाकू एचेरेय जिमागोतेड। नाःआ कता हाँयग अइमी होंय सुसुदीःआ।

मूक चेलाकू 5:2 ပူးပေါင်းရင်းမြစ်များ

मती ओजाःतेरा भगवानराः नपाय सरवन 23:5

अरू हँकू अँनकूराः जमा बुता, होड़कू ञेलले, माःआनते होड़कूकू बुता उदुःवाता। हँकू अँनकूराः अरजी बकसाकून सकड़कू तुलायता अरू हँकूराः अरजी पंछाराः असरा लंबी लंबीकू तुलायता।”

एहुना 12:6

(हाँय नाःआ कता गरीबगोडकू बदीरे ओंगोल दोहोकेडखन मेरेय कतागाड, मनदो हाँय इनिग होड़े दोहोना अरू मूक चेलाकूराः बगली हाँय एचेरे दोहोना। जेमिन ढिबुवाकूनकू सोलोंगा हना हाँय उडुंग इनिगगेःआ।)

मूक चेलाकू 2:44

जमा बिसवासी होड़कू मिनीरेकू जुमाव हड़ाःआ अरू जमा होड़कू अँकू अँकूराः जमा जिनिसकूनकू हटिंग होड़ेंगा।

मूक चेलाकू 4:37

हाँय एचेरे मीटोंग कियारी दोहोना। हना अकिरिंगकेडखन हाँय हना ढिबुवा मूक चेलाकू एचेरेय जिमागोतेड।

मूक चेलाकू 5:1

बिसवासी होड़कू अते मी होड़ दोहोना हनानियाह। हाँयरीग एरातराः ञाव दोहोना सपीरा। हँकिन बना होड़ अँकिनराः मीटोंग कियारीकिन अकिरिंगतेरा।

मूक चेलाकू 5:3

दो पतरस कतातेड, “ने हनानियाह, आम कलउराः ओंगोल इया सलाः लगा आम जीव हाँय एचेरे चिला लगाम जिमातेरा? आम भगवानराः सुद बिरुवा एचेरे चिला लगाम लबराकिया? कियारी अकिरिंगकेडखन अदोम ढिबुवा चिला लगा हिगारकेडखनमे दोहोगोतेडा?

मूक चेलाकू 5:8

दो पतरस हाँय एचेरेय होंबोरतेरा, “ईंगमे उदुःवा, कियारी निनमिनतेबा अकिरिंगकेरा, जा?” दो हाँय कतातेरा, “हाव, निनिन मिनतेलिंग अकिरिंगतेरा।”

पिलिपी 2:3

अपे एटाः होड़कू अते मरंगपे बड़ाँः लगा अरू अपे बड़वारगुः लगा, तोनोंगाः अहापे एचेय। मनदो अपे अँननपे अपे हुडिंग ओंगलुः घड़ीन, एटाः होड़कू अपे अते मरंगपे ओंगोलकू।

1 तिमुतियूस 6:10

ढिबुवाराः ललचीरेय दोहोनता हाँयग होड़, जमा इयाःआ बेलूर बुताकूने एचेगोड ञवनता। नाःआ अते मुरुक होड़कू बिसवासकू अड़ाःगोतेडा अरू हँकूराः जीवरे एटाः एटाः इयाःआ सिकिसता होयायना।