मूक चेलाकू 4:33 - Korwa Bible

³³ हँकुःआ मूक चेलाकू परबू ईसू गोएगतो होड़कू अतेय जियाव रेमकिया हना कता बदीरे मुरुक जंगरते हिदइतकू उदुःगोड ञवना। दो भगवान हँकुःआ जमा बिसवासी होड़कू मुरुके मयावातेडकुःआ।

मूक चेलाकू 4:33 ပူးပေါင်းရင်းမြစ်များ

मरकूस 16:20

हनते चेलाकू जमा देसरे सेनेवाडखन नपाय सरवन होड़कूकू परसार उदुःवातेरा। परबू ईसू हँकू जमा एचेगे लगा डीड़े एमेवाकुःआ। अरू हँकू बयाव जुवाः इयाःआ बुताकूनकू एचेःआ अते परबूराः सरवन सताय हवे माःआने उदुःगेःआ। आमीन!]

लूका 2:52

ईसू कनहूनरेय बडेनेना अरू आँयग जीव बड़ियाड़यान। भगवान अरू एटाः होड़कूराः ओंगोलरे हाँय नपाये दोहोना।

एहुना 1:16

अरू हाँय उडु-बुडूत होयानेन अते अबू जमाकूराः जीवरे मुनुरुक मयाबू पवावनेना।

मूक चेलाकू 1:22

एहुना ईसू बतिसमाय एमेवातिरिया हना बेला वरीते ईसू अबू अते सेरमो देस अगी भगवान रेम गोःयाया हना वरी अले सुदाय दोनोहोना। हाँय एटाःकू एचेरे ईसू गोएगनेन तयोमरे जियाव रेमकिया, हना कता अले सुदा हिदइत उदुःगे लगा इदा।”

मूक चेलाकू 1:8

मनदो सुद बिरुवा अपे एचेरेय वेगता अरू जंगरपे पवाःता। हनते अपे एरुसलेम सहररे, एहूदिया छतररे, समरिया राइजरे अरू चउंदीसराः जमा देसरे ईंगरिकुःआ हिदइतदारकूपे बड़ाँःता।”

मूक चेलाकू 2:47

हँकुःआ बिसवासी होड़कू भगवानकू जागा अरू जमा इसराएल होड़कूराः ओंगोलरे नपायकू दोहोना। भगवान सडावकेडकुःआ, हँकुःआ होड़कू बिसवासी होड़कू सुदा परबू दिनो-दिने एचे मेसातेडकुःआ।

मूक चेलाकू 4:30

आम अले जंगरमे ओवाले, जेमहा आमरीग सुद सेवादार ईसूराः ञावते होड़कूले नपाय अवे अरू ञेनेल ञेलरेकू नपाय जुवाःता हना बयाव जुवाःआ बुताकूनले एचे अवेय।”

1 तिसलूनिका 1:5

ईसू मसीराः नपाय सरवन अले अते अँननलेराः आहराः बड़रा एकला मेरपे अयूमकेरा, मनदो हान सुद बिरुवाराः जंगरते अरू पका-निका बिसवासते दोहोना। अपे नाःआ होँपे सुदीयतना, अले अपे तलारेले दोहोन मेला अपेके नफा होयाः लगाले जियावनेना माःआन।

इबरानी 2:4

चिनहाकूनते अरू बयाव जुवाः इयाःआ बुताकूनते अरू एटाः एटाः इयाःआ ञेनेल ञेलरे नपाय जुवाःता हना बुताकूनते, अरू अनँयग हिछा इया होड़कूय हटिंगवातेरा हाँयग सुद बिरुवाराः दहिनकूनते भगवान, हाँयराः सरवन सताय हवे माःआन हिदइते उदुःबाःगोतेडा।