मूक चेलाकू 4:26 - Korwa Bible

²⁶ चउंदीसरिकुःआ राजाकू अरू हातपात होड़कू, भगवान अरू आँयग मसी बदीरे कड़ीग लगाकू मिनी जुमूटयना।

मूक चेलाकू 4:26 ပူးပေါင်းရင်းမြစ်များ

लूका 4:18

भगवानराः सुद बिरुवा ईंग एचेरे इदा। हनालगा गरीब होड़कू एचेरे नपाय सरवन कता उदुःगे लगाय भगवान ईंगे एटाःकिडिंगा। तोलतो होड़कू लड़ाकू लगा अरू अंधा होड़कू एचे ञेल लगा अरू संतावतो इदानकुःआ हँकुःआ होड़कू सडाव लगा

मूक चेलाकू 10:38

अरू सुद बिरुवा अरू आँयग जंगर एमेवातेडीगखन भगवान नसरतरीग ईसूय एटाःतिडिया। भगवान ईसू सुदाय दोहोन अते, हाँय एटाः एटाः गाँव सहरकून सेनेडखन नपाय बुताय बुतातेरा अरू भूतकू समसावनेना हँकुःआ होड़कूय नपायगोतेडा।

इबरानी 1:9

आम सताय कताम मंजूरवाता अरू बेलूर कताम हिनइस-बिनइसवाता। हनालगा भगवान, अनमरीग भगवान, बनाहालते सुनावकेडमेखन आमरिकुःआ सउंगताकूताम अते राजाय बड़ाँवकेडमेःआ।”

उदुःतो कताकून 11:15

हनते सात नमाररीग सेरमो देसरीग बराहील मरंग सोहनाईए ओंगतेड दो, सेरमो देसरे मुरुक सटी अरो अयमुःआ। हँकू कतातेरा, “चउंदीसराः राइजकून अबूरीग परबू भगवानराः अरू आँयगरीग मसीराः होयाकिया। अरू हाँय सगर जूग वरीय राइजगोड ञवनता।”

उदुःतो कताकून 12:10

हनते ईंग सेरमो देस अते मीटोंग मुरुक सटी अरोयिंग अयूमतेरा, “दिन रइत अबूरीग भगवान मड़ंगरे बिसवासी होड़कूय ओपताःआ हाँयग ओपता होड़, चउंदीसरेकू तेके लोजोरगोतेडिया। दो हना अते नुँहू अबूरीग भगवान होड़कू सडावगेराः बेला सोदोरयान, अरू हाँयराः जंगरते राइजगे लगाय बुँहड़ीकेरा, अरू भगवानरीग मसी हों हाँयराः हातपाते उदुःकेरा।

उदुःतो कताकून 17:17

हँकुःआ राजाकू मिनी ओंगोलते दोहोन लगा अरू अँनकूराः हातपात जानर एचेरेकू जिमाय लगा भनगवान हमा हँकू जीवरे हना ओंगोले सोलोंगगोतेड। अरू भगवानराः जमा कतत बड़रा अरीन होयाः वरी नाःआ इयाकू एचेगोड ञवनता।