मूक चेलाकू 3:23 - Korwa Bible

²³ हाँयराः कता मेरकू मनाःता, हँकुःआ होड़कू कहियो ओरो भगवानरिकुःआ होड़कू सुदा ओरोकू दोहोनेना।

मूक चेलाकू 3:23 ပူးပေါင်းရင်းမြစ်များ

मरकूस 16:16

नाःआ सरवनकू बिसवासकेडखन बतिसमाकू गोःता, हँननकुःआ होड़कू भगवान सडावकूता। मनदो मेरकू बिससवासगेता, हँकुःआ होड़कू भगवान डंडियाकूताय।

एहुना 12:48

ईंग आड-बेकारकेडखन ईंगराः कता मेरेय मनाःता हाँयग होड़ फड़ियावगेय लगा मी होड़ फड़ियावदार इदानिया। ईंग कता उदुःतेरा हनानाः कताते टुटीगगुः दिनरे हाँयराः डड़ियाव होयाःता।

एहुना 8:24

अपे ईंगपे अयूम! ईंग हवे, माःआनिंग कतातेरा हना कता अपे मेरपे बिसवासगे दो कसूर अरू गारबारतेपे गोएग जुवाःता। हनालगा ईंग मड़ंगरे अपे एचेरेयिंग कतातेरा, कनासूर कसूररेपे गोएग एंडा जुवाःता।”

मूक चेलाकू 2:41

हाँयराः सरवनकू कबुलावयना, हँकुःआ होड़कू बतिसमाकू गोःतेरा अरू हना दिन पेय हजार होड़कू बिसवासी होड़कू सुदाकू मेसानेना।

इबरानी 10:39

दो अबू कुदाकियानखन लाय एंडन होड़कू कोवाबुःआ, मनदो अबू दो बिसवासकेडखनकू बनसाव जुवाःता हँकुःआ होड़कू हवे।

इबरानी 12:25

भगवान अपेय कता उदुःवाता हना कता नपायपे अयूम ठुड़ावगे। चउंदीसरे होड़कूय सेतावतेरा हाँयगराः कता मेरकू मनावगान, हँकुःआ होड़कू मेनेरकू बनसावगान। दो सेरमो देस अते अबूय सेतावतना हाँयराः कता मेरबू अयूम ठुड़ावगे दो, अबू बनसाव अवेनता जा?

इबरानी 2:3

भगवान अबूय सडावता हना मुनुरुक मरंग सरवनबू आड-बेकारवा दो, करा इयाबू बनसाव अवेनता? नाःआ सडावराः सरवन मड़ंगरे परबू ईसू कतातेरा, अरू हाँय अतेकू अयूमतेरा हँकुःआ होड़कू हना सरवन सताय हवे माःआनकू पनकियाबाःगोतेरा।

उदुःतो कताकून 13:8

चउंदीसराः बुँहड़ीन अते मड़ंग भगवान मुरुक होड़कूराः ञाव ञेड एंडात भेड़ा होनराः जीवराः कागदरेय ओजाः दोहोकेरा। अरू हना कागदरे ञाव ओजाःतो कोवानेःआ, हँकुःआ जमा होड़कू हाँयग जानरकू जागता।

उदुःतो कताकून 20:15

अरू तोनोंगीग होड़राः ञाव जीवराः कागदरे ओजाःतो मेर दोहोगान, हँकुःआ होड़कू सेंगेलराः हुडिंग समुंदररेकू रेमगे बोलोगोतेडकू।