मूक चेलाकू 3:16 - Korwa Bible

¹⁶ मड़ंगरे खोड़ाय दोहोना नाँयग होड़पे सुदीयतना अरूपे ञेलेयतना। नाँय ईसू एचेरेय बिसवासकेरा अरूय बड़ियाड़यना। अले ईसू एचेरेय बिसवासकेड अते जमा होड़कू ञेनेलतान मेला नाँयग होड़ जमालेःआतेय नपाययना।

मूक चेलाकू 3:16 ပူးပေါင်းရင်းမြစ်များ

मती ओजाःतेरा भगवानराः नपाय सरवन 14:29

दो ईसू कतातेड, “दबूमे।” दो पतरस डोंगा अते उतरावनेनखन ईसू अगी सुदरुः लगा दाःरेय सेना।

मती ओजाःतेरा भगवानराः नपाय सरवन 9:22

मनदो ईसू उलटावनेनखन हाँयग अइमी एचेरेय कताया, “ने दिदी, अलोम बोर! आम ईंग एचेरेम बिसवासतेरा। हनालगा आम नपाययनाम।” अरू हाँयग अइमी हनन मेलाय नपाययान।

एहुना 14:12

अपे ईंगपे अयूम! मी होड़ ईंग एचेरेय बिसवासगेता दो, ईंग एचेयता हनानाः बुता हाँय होंय एचेयता। ईंग अपांग एचेरेयिंग सेनता। हनालगा हाँयग होड़ ईंग अते हों मरंग मरंग बुताय एचेयता।

एहुना 7:23

मी होड़ लँइग लोड़ोनराः दिनरेपे खतनायता होले भगवानराः नियम मेर टड़ाःता। मनदो ईंग मी होड़ होड़ लोड़ोनराः दिनरे जमा इयायिंग नपायगेयता दो अपे चिला लगा ईंग एचेरेपे रिसुःता?

मूक चेलाकू 14:9

हाँय पउलूस परसारगे मेला दुडुःकियानखन नपायतेय अयुमेःआ। पउलूस हाँय अगी तिंगीड घड़ीने ञेला अरूय सुदीगोतेड, नपाय जुवाः लगा नाँयग होड़ एचेरे बिसवास इदा, माःआन।

मूक चेलाकू 16:18

नाःआ इया मुरुक दिन वरी होयानेना। दो मी दिन पउलूस मुरुके रीसनेन अरू हाँय उलटावनेनखन हाँयग भूत एचेरेय कताया, ईसू मसीराः ञावरे ईंग आम एचेरेयिंग कतायतना, नाँयग धंगड़ीतेम उडुंग जुवाः, माःआन। अरू हननमेला हाँय उडुंगनेना।

मूक चेलाकू 3:6

मनदो पतरस कतातेड, “ईंग एचेरे सोना अरू चाँदी कोवानेःआ, मनदो ईंग एचेरे इदा हना ईंग एमेवामतिंग। नसरेतरीग ईसू मसीराः ञावतेम सेन।”

मूक चेलाकू 3:8

हाँय रेम चड़ाँयाने अरूय दँड़ाःगोडा। हनते हाँय हँकिन सुदाय सेना अरू तुड़ुक घड़ीन भगवाने जागा।

मूक चेलाकू 4:10

दो अपे अरू जमा इसराएलरिकुःआ होड़कू नाःआ कतापे सुदीगे लगा इदा। अपे कुरूसरेपे ठोंकाव गोएगतिरिया अरू भगवान गोएगतो होड़कू अतेय जियाव रेमकिरिया हाँयग नसरतरीग ईसू मसीराः ञावते अपे मड़ंगरे चड़ाँत इदानिया नाँयग होड़ नपाययनाय।

मूक चेलाकू 4:30

आम अले जंगरमे ओवाले, जेमहा आमरीग सुद सेवादार ईसूराः ञावते होड़कूले नपाय अवे अरू ञेनेल ञेलरेकू नपाय जुवाःता हना बयाव जुवाःआ बुताकूनले एचे अवेय।”

मूक चेलाकू 4:7

हँकू पतरस अरू एहुना अँकू मड़ंगरेकू एचे चड़ाँतेडकिनखन हँकिन एचेरेकू होंबोरतेड, “अबा इयेराः ञावते अरू जंगरते नाःआ इयाबा एचेकेरा?”

रूमी 3:22

अरू ईसू मसी एचेरेकू बिसवासगेता हँकुःआ जमा होड़कू भगवान बेगर पाचपटीते आँयगराः ओंगोल इया बेगर गारबार होड़कूय बड़ाँवकूता।

1 कुरिंती 13:2

ईंग भगवानराः बड़रायिंग कता अवे, अरू भगवानराः ओकोत कता अरू कनहून जमालेःआयिंग बुझाव अवेन, अरू पहाड़कून चलाः एंडागे इयाःआ बिसवास ईंग एचेरे इदान हों ईंग एटाः होड़कू मेरिंग दुलार दो, ईंग कही कोवायिंगा।