मूक चेलाकू 3:13 - Korwa Bible

¹³ इबराहीमरीग भगवान अरू इसहाकरीग भगवान अरू एकूबरीग भगवान अरू अबूरिकुःआ जमा खुटिपरिया होड़कूरीग भगवान, आँयग सेवकिया ईसूय मान मरजइतकेरा। अपे इसराएल होड़कू ईसू ञेड एंडागेय लगा रूमी देसरीग मरंग हातपात होड़ पिलातूस एचेरेपे जिमातिरिया अरू हाँय ईसूय एचे अड़ाःगेय लगाय ओंगोलतेरा, मनदो अपे हाँय मड़ंगरे ईसूपे आड-बेकारवातिरिया।

मूक चेलाकू 3:13 ပူးပေါင်းရင်းမြစ်များ

मती ओजाःतेरा भगवानराः नपाय सरवन 11:27

ईंगरीग अपांग भगवान ईंग एचेरे जमाकूने जिमाकेरा। सनातायते अपात अड़ाःकेडखन तोनोंगीग होड़ बेटात मेरेय सुदीयता, अरू बेटात अड़ाःकेडखन तोनोंगीग होड़ अपात मेरेय सुदीयता। भगवान सुसुदी लगा बेटात सुनावकूता, हँकुःआ होड़कू एकला भगवानकू सुदी अवेता।

मती ओजाःतेरा भगवानराः नपाय सरवन 20:19

अरू बेगर एहूदाकूराः तिःईरेकू जिमागेयता अरू लंदा एरंगवा घड़ीनकू ञेडेयता अरू कुरूसरेकू ठोंकाव गोजेयता। मनदो पेय दिनरेय जियाव रिमुःता।”

मती ओजाःतेरा भगवानराः नपाय सरवन 22:32

ईंग इबराहीमरीग भगवान अरू इसहाकरीग भगवान अरू एकूबरीग भगवान हवे, माःआन। हाँय गोएगतो होड़कूरीग भगवान ना लवे। मनदो जीयत होड़कूरीग भगवान हवे।”

मती ओजाःतेरा भगवानराः नपाय सरवन 27:2

हनते हँकू ईसूकू एचे तोलतिरिया अरू एहूदिया छतररीग मरंग हातपात होड़ पिलातूस एचेरेकू गोःतिरिया।

मती ओजाःतेरा भगवानराः नपाय सरवन 28:18

हनते ईसू हँकू एचेरे सेनेडखने कतातेरा, “सेरमो देस अरू ओतराः जमा हातपात भगवान ईंगे जिमावारा।

मरकूस 15:11

मनदो मूक पुजउरीकू पिलातूस बराबाय एचे अड़ाःगेय लगा हँकुःआ होड़कूकू एचे कतातेरा।

लूका 22:57

मनदो पतरस कताया, “ने दिदी, ईंग मेरिंग सुदीयतना नाँय इये हवे।”

लूका 23:4

हनते पिलातूस मरंग पुजउरीकू अरू एटाः होड़कू एचेरेय कताया, “नाँयग होड़ एचेरे ईंग तोनोंगाः गारबार मेरिंग ञाम अवेयतना।”

लूका 6:37

तोनोंगीग अहापे फड़ियावगेय दो, तोनोंगीग अपे हों ओरोकू फड़ियावतेडपेःआ। तोनोंगीग मेरपे बदीगेय दो, अपे हों ओरोकू बदीतेडपेःआ। एटाःकूराः कसूरपे बराव एंडागे दो, भगवान हों अपेराः कसूरे बराव एंडागोडता।

एहुना 12:16

नाःआ कता मड़ंगरे ईसूरिकुःआ चेलाकू मेरकू बुझावगान। मनदो ईसू जियाव रेमनेनखन सेरमो देस तोराय हना तयोमरे हँकू हाँय बदीरे नाःआ कता भगवानराः कागदरे ओजाःतो इदा अरू होड़कू हाँय लगा नाःआकूनकू एचेतेरा माःआनकू उहियार अगूतेरा।

एहुना 18:40

दो हँकू मुरुक सटीतेकू कतातेड, “नाँय कोवान। अले लगा बराबा अड़ाःगोडेयमे।” अरू हाँयग बराबा लुलुड़ी होड़े दोहोना।

एहुना 19:11

दो ईसू कता कुदातेरा, “भगवान आम हातपात मेरेय ओवाकेःमे दो ईंग एचेरे आमराः कही हातपात ओरो होयाकुःआ। हनालगा आम एचेरे ईंगे जिमाकेरा, हाँयग होड़राः कसूर मुरुक बगरा इदा।”

एहुना 19:12

हना वरीते ईसू अड़ाःगेय लगा पिलातूस मुरुके कुरनिसतेरा, मनदो एहूदाकूरिकुःआ मूक होड़कू मुरुक सटीतेकू कताया, “आम नाँयग होड़मे अड़ाः दो आम कइसर राजारीग सउंगता ना लवे। तोनोंगीग होड़ अनँयग राजा माःआने कतानता हाँय, रूमी राजा कइसररीग मुदइ होड़े दोहोनता।”

एहुना 19:15

मनदो हँकू मुरुक सटीतेकू कताया, “गोनोनोःयायमे! नाँय कुरूसरेम एचे ठोंकावगेय।” दो पिलातूस होंबोरतेरा, “अपेरीग राजा कुरूसरेयिंग एचे ठोंकावगोडेय जा?” दो मरंग पुजउरीकू कतातेड, “कइसर राजा अते एटाः अलेरीग तोनोंगीग राजा कोनोवाया।”

एहुना 7:39

हाँय एचेरेकू बिसवासगेता हँकुःआ होड़कू लगा भगवान एमेयता हाँयग सुद बिरुवाराः बदीरेय कताया। हना बेला वरी भगवान अते ईसू मरंग मान मरजइत अरीने पवाः। हनालगा बिसवासतेराकू हँकुःआ होड़कू लगा सुद बिरुवा अरीने ओवाकुःआ।

मूक चेलाकू 22:14

हनते हनानियाह ईंग एचेरे अरूय कतातेड, अबूरिकुःआ खुटिपरिया होड़कूरीग भगवान आँयगराः ओंगोलमे सुदी लगा अरू आँयगरीग सुद होड़मे ञेल लगा अरू हाँयराः आहते आँयगराः बड़राम अयूम लगा आमे सुनावकेडमेःआ।

मूक चेलाकू 24:14

मनदो ईंग नाःआ कता आम मड़ंगरेयिंग मनाव जुवाःतना, ईंग ईसूराः दूर इया, मोसेसराः नियमकून अरू भगवानराः बड़रा कता होड़कूराः कागदकूनरे ओजाःतो इदा हना जमाकून ईंग बिसवास घड़ीन अलेरिकुःआ खुटिपरिया होड़कूरीग भगवानिंग जागतना। नाःआ दूररिकुःआ होड़कू बदीरे नँकुःआ होड़कू गारबारतेःआ गउदा माःआनकू कतावातना।

मूक चेलाकू 3:12

पतरस नाःआय ञेलतेड दो हाँय हँकू एचेरेय कतातेरा, “ने इसराएलरिकुःआ होड़कू, नाःआ कताते अपे चिला लगापे बयावयना? अले अँननलेराः जंगरते सहे नपाय जीवते नाँयग होड़ले नपायतेरा माःआन ओंगोलकेडखन चिला लगा अलेपे कियोः-कोबोःवातना?

मूक चेलाकू 3:26

भगवान आँयग बेटात ईसू गोएगतो होड़कू अतेय जियाव रेमकिरिया अरू हाँय अपे अँननपेराः कसूर अते जीव एचे कुदाकेडखन अपेराः जीव ननपायगे लगाय वारतिरिया।”

मूक चेलाकू 4:27

सनातायरे हरदोस राजा अरू एहूदिया छतररीग मरंग हातपात होड़ पुंतियूस पिलातूस, बेगर एहूदाकू अरू नाःआ सहर एरुसलेमरिकुःआ इसराएल होड़कू सुदा जुमावनेनखन आम सुनावतेरा आमरीग सुद सेवादार ईसू, एचे ञेड गोएगगेय लगाकू ओंगोलतेरा।

मूक चेलाकू 4:30

आम अले जंगरमे ओवाले, जेमहा आमरीग सुद सेवादार ईसूराः ञावते होड़कूले नपाय अवे अरू ञेनेल ञेलरेकू नपाय जुवाःता हना बयाव जुवाःआ बुताकूनले एचे अवेय।”

मूक चेलाकू 7:32

ईंग आमरिकुःआ खुटिपरिया होड़कूरीग भगवान हवे; इबराहीमरीग, इसहाकरीग अरू एकूबरीग भगवान। दो मोसेस बोतोरतेय कलपाःआ अरू हाँय हना अगी ञेल लगा मेरेय डीड़ अवेगाड।

रूमी 9:5

इबराहीम, इसहाक अरू एकूब हँकूरिकुःआ खुटिपरिया होड़कू हवे अरू जमाकूरीग भगवान ईसू मसी होड़राः सुरइत मुरइतरे, हँकूरीग नइड़-बाँस होड़तेय जनमावनेना। सगर सइट होड़कू हाँयकू जागगोड ञवन। आमीन!

इबरानी 2:9

मनदो अबू ईसूबू ञेलता। दो गुनमिन बेला लगा हाँय सेरमो देसरिकुःआ बराहीलकू अते भगवान हुडिंगे बड़ाँवतिरिया, जेमहा हाँय भगवानराः मयाते जमाकू लगा गुजुःए अटकार अवे। अरू नुँहू हाँय गुजुः सहावतेडखन मान मरजइते पवावकिया अरू मरंगे बड़ाँवयना।

उदुःतो कताकून 1:18

ईंग गोएगनेना, मनदो अयुमेमे सनागर सइट जिनियतिंग दोहोनता। अरू गुजुः अरू पतालपूरराः चभी इनिंग एचेरे इदा।”

उदुःतो कताकून 1:5

अरू ईसू मसी हों अपे मयावाडपेखन सलसत एमेवापे लगायिंग अरजीतना। हाँय बिसवासगेयीग दोहोकियानखन होड़कू एचेरे सताय भगवाने उदुःवातेडकुःआ। हाँय गोएगनेनखन जियाव रेमतो होड़कू अते मड़ंगीगे दोहोना अरू चउंदीसरिकुःआ जमा राजाकूरीग मनारंग राजा हवे। ईसू अबूय दुलारकेडबुःआ अरू कुरूसरे अनँयग बलंगीय तूतेड अते हाँय अबू कसूरराः बोझातेय अजइतकेडबुःआ।