मूक चेलाकू 28:22 - Korwa Bible

²² अले सुदीयतना नाःआ गारबारतेःआ गउदारिकुःआ होड़कू बदीरे जमा ततेररिकुःआ होड़कू मिरिस-मिरिसता। मनदो नँकुःआ होड़कू बदीरे आम एचेरे चिला ओंगोल इदा, हना आम अते अयुमे लगाले चहाःतना।”

मूक चेलाकू 28:22 ပူးပေါင်းရင်းမြစ်များ

लूका 2:34

हनते सिमोन उसूप अरू मरियम भलावातेडकिनखन मरियम एचेरेय कतातेरा, “अयुमेमे, नाँयग लँइगते इसराएलरिकुःआ बगरा होड़कूराः जीव लायगुः लगा अरू एटाःकूराः जीव बनसावगुः लगा होयाःता। नाँयग लँइग भगवान अते होड़कू लगा मीटोंग चिनहाय होयाःता अरू मुरुक बगरा होड़कू हाँयकू घंटाता,

मूक चेलाकू 15:5

दो मड़ंगरे फरीसी होड़कूरिकुःआ गउदारेकू दोहोना हँकुःआ बिसवासी होड़कू अते अदोम होड़कू कताया, बेगर एहूदाकू बिसवासरे वेग लगा इदान दो हँकू मड़ंगरे एचे खतनान लगा इदा अरू मोसेस एमेतेरा हना जमा नियमकून हँकू मनावगे लगा इदा, माःआन।

मूक चेलाकू 24:14

मनदो ईंग नाःआ कता आम मड़ंगरेयिंग मनाव जुवाःतना, ईंग ईसूराः दूर इया, मोसेसराः नियमकून अरू भगवानराः बड़रा कता होड़कूराः कागदकूनरे ओजाःतो इदा हना जमाकून ईंग बिसवास घड़ीन अलेरिकुःआ खुटिपरिया होड़कूरीग भगवानिंग जागतना। नाःआ दूररिकुःआ होड़कू बदीरे नँकुःआ होड़कू गारबारतेःआ गउदा माःआनकू कतावातना।

मूक चेलाकू 26:5

हँकू ईंग मुरुक बरिसतेकू सुदीगींगतना अरू हँकू ओंगोलकेःआ दो ईंग बदीरे कता उदुः अवेकेःआकू, अलेराः नियम इया जिनियाः लगाकू कुरनिसगेतना हँकुःआ कटकट फरीसी होड़कू अते मी होड़ ईंग दोहोना।

मूक चेलाकू 5:17

हनते मूक पुजउरी अरू आँयग सुदाकू दोहोना हँकुःआ सदूकी गउदारिकुःआ होड़कू, मूक चेलाकू मुरुककू इरावाकुःआ।

रूमी 1:8

अपेराः बिसवास बदीरे, चउंदीसरिकुःआ मुरुक होड़कू नपायकू कतायतना। हनालगा ईंग ईसू मसीते, मड़ंगरे अपे लगा अबूरीग भगवानिंग धनियाबादगेयतना।

1 कुरिंती 11:19

अपे तलारे बेगराव हटिंग मेर होयाः दो करा इयापे सुदी अवेय, भगवानराः ओंगोलरे सताय होड़कू इये इये इदानलेःआ, माःआन?

1 पतरस 2:12

अपे बेगर बिसवासी होड़कू तलारेपे दोनोहोन मेला, हँकू अपे ओपता घड़ीनकू बड़रातान हों, अपेराः लूर-नेवन नपाय दोहोन लगा इदा। दो भगवान होड़कूय फड़ियावता हना दिन, हँकुःआ होड़कू अपेराः नपाय बुता ञेलकेडखन भगवानकू जागता।

1 पतरस 3:16

अपेराः इंदरी सुदपे दोहोगे। दो अपे ईसू मसी एचेरे बिसवासकेड अते, होड़कू अपे बदीरे ओपता घड़ीनकू कताय हों, अपेराः नपाय लूर-नेवन ञेलकेडखनकू गियू जुवाःता।