मूक चेलाकू 28:15 - Korwa Bible

¹⁵ दो हंडाकुःआ बिसवासी होड़कू अले बदीरेकू अयूमतेरा दो हँकू अपियूसराः बजार अरू पेय धरमसाला ञावराः ततेर वरी अले सुदा जुमाः लगाकू वेजेडा। हँकू ञेलतेडखन पउलूस भगवाने जागतेरा अरू हाँयराः जीव बड़ियाड़यान।

मूक चेलाकू 28:15 ပူးပေါင်းရင်းမြစ်များ

एहुना 12:13

दो हँकू किता डइड़ साबतेडखन हाँय सुदा जुमाः लगाकू सेनेडा। अरू मुरुक सटीतेकू कताया, “होसनना! परबूराः ञावतेय वेगता हाँयग होड़राः जीव भगवान भलावाय, इसराएलरीग राजाराः जीव भगवान भलावाय।”

मूक चेलाकू 1:15

दो मी दिनरे अंदांज मी सव बीस बिसवासी होड़कू मिनीरेकू जुमावनेना। अरू हँकू तलारे पतरस चड़ाँनेन

मूक चेलाकू 10:23

दो पतरस हँकू आँयग सुदा हना रइत दोहोन लगा ओड़ाः पेंदारेय राः अदेरतेडकुःआ। एटाः दिन हाँय हँकू सुदाय सेनेडा अरू जोपा सहर अते तोनोंग तोनोंग बिसवासी होड़कू हों हाँय सुदाकू सेनेडा।

मूक चेलाकू 10:25

पतरस हाँय ओड़ाःरेय बोलोयान दो कुरनेलियूस तबेरनेनखन पतरसे परनामतेडा।

मूक चेलाकू 11:1

ईसूरिकुःआ मूक चेलाकू अरू एहूदिया छतररिकुःआ जमा बिसवासी होड़कू अयूमकेरा बेगर एहूदाकू हों भगवानराः सरवन अयूमकेडखनकू मनेवाडा।

मूक चेलाकू 11:12

दो भगवानराः सुद बिरुवा ईंग एचेरेय कताया, बेगर जाः घड़ीन हँकू सुदाम सेन, माःआन। नँकुःआ छोनो बिसवासी होड़कू ईंग सुदा सेनेडखन कुरनेलियूसराः ओड़ाःरेले सोदोरनेन।

मूक चेलाकू 12:17

पतरस हँकुःआ होड़कू कलेकालकू दोहोन लगा तिःईतेय रोंकावतेडकुःआ। हनते हँकू एचेरेय कतातेरा, भगवान ईंग करा उड़ी जेहेल अतेय एचे उडुंगकिरिंगा। हनते हाँय कतातेड, “नाःआ कताकून एकूब अरू एटाः बिसवासी होड़कूपे कता उदुःवा।” हना तयोमरे हाँय हना अते एटाः अगी तोराय।

मूक चेलाकू 21:5

मनदो अले सेनराः बेला होयानेन दो अले हंडातेले सेनेडा। जमा चेलाकू अरू अँकूरिकुःआ एपेराकू अरू लइंकू सहरराः बहरी वरी अले सुदाकू वेजेडा। अरू समुंदर धरीरे उकुड़ोमनेनखनले अरजीतेरा।

मूक चेलाकू 28:14

हंडा अले बिसवासी होड़कू सुदाले जुमावनेना अरू हँकू कतातेड अते अले हँकू एचेरे सात दिनले दोहोना। अरू हनन इया अले रूमी सहर अगी तोराले।

रूमी 15:24

हनालगा ईंग इसपान देस अगींग सेन मेला, होया अवेन दो अपे सुदायिंग जुमाःता। तोनोंगमिन दिन अपे सुदा नपायते दोहोकियानखन मड़ंग अगी ईंग सेन मेला अपे ईंगपे संघरा अवेवायिंगता।

2 कुरिंती 2:14

भगवान ईसू मसीते जमा बेला अबू बहालतेय एचे जितावबूता। अरू हाँय नपाय महकता हना सुनुम इयाःआ मसीराः कनहून, अबूते होड़कूय एचे सुदीगोडकूता। हनालगा भगवानिंग धनियाबादता।

गलातिया 4:14

ईंग अलपाहानेन मेला अपे लगा बोझा इयायिंग दोहोना। हनते हों अपे ईंग हुडिंग मेरपे ओंगोलवागडिंग अरू मेरपे एरंगवागडिंगा। मनदो अपे ईंग भगवानरीग बराहील सहे इनीसू मसी इया ईंगपे नेत-नेवारतिरिंगा।

1 तिसलूनिका 3:7

ने अजी बोपोहकूतिंग, एटाः होड़कू अले कटसियावाडखनकू संतावलेतना। मनदो अपेराः बिसवास बदीरे अले मुरुक बहालरे इदानलेःआ।

इबरानी 13:3

जेहेलरे सींगतोकू दोहोनता हँकुःआ होड़कू अपे, अले हों सींगतो इदानलेःआ, माःआन ओंगोलकेडखन उहियारगोड अरू अले अँननले संतावतो इदानलेःआ माःआन ओंगोलकेडखन संतावतोकू दोहोनता हँकुःआ होड़कूपे उहियारगोड ञवन।