मूक चेलाकू 28:14 - Korwa Bible

¹⁴ हंडा अले बिसवासी होड़कू सुदाले जुमावनेना अरू हँकू कतातेड अते अले हँकू एचेरे सात दिनले दोहोना। अरू हनन इया अले रूमी सहर अगी तोराले।

मूक चेलाकू 28:14 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:11

अपे तोनोंगाः सहररेपे बोल दो, हना सहररीग नपाय होड़पे ञामवा अरू हना सहर अते अपे अरीन सेन वरी हाँय सुदापे दोहोन।

एहुना 21:23

नाःआ कता बिसवासी होड़कू एचेरे सितरावयान, नाँयग चेला ओरोय गोएगनेना, माःआन। ईसू हाँय बदीरे मेरेय कतागाड, ओरोय गोएगनेना, माःआन। मनदो ईंग कुदा वेग वरी जिनियते दोहोन लगायिंग चहाः दो आम लगा चिला होयाःता, माःआने कतातेरा।

मूक चेलाकू 1:15

दो मी दिनरे अंदांज मी सव बीस बिसवासी होड़कू मिनीरेकू जुमावनेना। अरू हँकू तलारे पतरस चड़ाँनेन

मूक चेलाकू 19:1

अपोलोस कुरिंतीरेय दोहोन मेला, पउलूस गलातिया अरू पिरगिया छतरते इपीसी सहररेय सेनेडा। हाँय हंडा अदोम बिसवासी होड़कू सुदाय जुमावनेना।

मूक चेलाकू 20:6

मनदो अले रुटीराः परोब तयोमरे पिलिपी अते जहाजरेले सेनेडा अरू पाँच दिन तयोमरे हँकुःआ होड़कू सुदा तरोवास सहररेले जुमावनेना अरू हंडा सात दिनले दोहोना।

मूक चेलाकू 21:4

हना वरीते अले हंडाकुःआ तोनोंग तोनोंग बिसवासी होड़कू सुदाले जुमावनेना अरू हँकू सुदा सात दिन वरीले दोहोना। भगवानराः सुद बिरुवाते हँकू पउलूस एरुसलेम अलोय सेन लगाकू कतातेरा।

मूक चेलाकू 28:13

हना अते अले सेनेन सेन इटली देसराः रेगियूम सहररेले सोदोरनेना अरू एटाः दिन दखिन होरराः होय सलाःआ दो अले हना अते एटाः दिन पुतियूली सहररेले सोदोरयान।

मूक चेलाकू 28:15

दो हंडाकुःआ बिसवासी होड़कू अले बदीरेकू अयूमतेरा दो हँकू अपियूसराः बजार अरू पेय धरमसाला ञावराः ततेर वरी अले सुदा जुमाः लगाकू वेजेडा। हँकू ञेलतेडखन पउलूस भगवाने जागतेरा अरू हाँयराः जीव बड़ियाड़यान।

मूक चेलाकू 28:21

दो हँकू कतातेड, “आम बदीरे एहूदिया छतर अते तोनोंगाः सरवन अले एचेरे मेर सोदोरगना सहे हंडा अतेकू वेजेडा हँकुःआ होड़कू हों आम बदीरे तोनोंगाः बेलूर कता मेरकू कतागाड।

मूक चेलाकू 6:3

हनालगा अजी बोपोहकूताले, अपे अते नपाय लूर-नेवनकुःआ कनहूनदारकू अरू सुद बिरुवाते पेरेगतो सातगोटोंग होड़कूपे ञाम। हँकुःआ होड़कू जोजोम जिनिस हटिंग बुता बुता लगाले एटाःकूता।

मूक चेलाकू 9:30

बिसवासी होड़कू नाःआ कताकू सुदीतेरा दो हँकू हाँय कइसरिया सहर अगीकू गोःयातिरिया अरू हंडा अते अनँयग सहर तरसूस अगी जहाजरेकू वारगोतेडीग।

रूमी 1:13

ने अजी बोपोहकूतिंग, नाःआ कता बदीरे अपे अनसिनहार अहापे दोहोन। एटाः जइत होड़कू बिसवासी होड़कूयिंग बड़ाँवकेरा। हनन इया अपे तलारे हों एचेय लगा ईंग अपे एचेरे घड़ी घड़ी सेन लगायिंग चहाःआ। मनदो नुँहू वरी मेरिंग सेने अवेगना।