मूक चेलाकू 27:17 - Korwa Bible

¹⁷ दो हना जहाज सलावदार होड़कू डोंगा जहाजरेकू रेम बोलोतेरा अरू जहाज टोटाःगुः अते बनसावगे लगा डोरातेकू तोल रहावतेरा। समुंदररे जुमावतो सुरतीस ञावराः बितीलरे जहाज गडावगुः अते बनसावगे लगा अरू जहाज गते-गात सलाः लगा जहाजराः लंगर दाःरेकू सोलोंगगोतेड अरू हँकू जहाज अँननतेकू सेने ओवातेरा।

मूक चेलाकू 27:17 ပူးပေါင်းရင်းမြစ်များ

मूक चेलाकू 27:16

हनते कउदा ञावराः मीटोंग हुडिंग डुगुराः ओधारे सलाःआ अरू मुरुक मिहिनइततेडखन जहाजराः हुडिंग डोंगा टोटाःगुः अतेकू बनसावतेरा।

मूक चेलाकू 27:26

मनदो अबूराः जहाज तोनोंगाः डुगूरे तुकड़ाव जुवाःता।”

मूक चेलाकू 27:29

दो हँकू जहाज चटइनरे तुकड़ाःराः बोतोरते हँकुःआ होड़कू जहाजराः तयोम गतर चइरगोटोंग लंगरकून समुंदररेकू जुवांग लोजोरगोतेड। हनते हँकू अंगुः लगाकू अरजीगोड ञवना।

मूक चेलाकू 27:40

हनालगा हँकू जहाजराः लंगरकूनकू बोंगोरतेडखन समुंदररेकू अड़ाः एंडागोतेड। अरू हनन मेला पतवारकून दाःरे अरूकू सोलोंगगोतेड। हनते जहाजरे तोलतो दोहोनता हना मरंग सोनहे जहाजराः मड़ंग होरकू कलथावगोतेड अरू ओत अगी जहाजकू सलावतेरा।

मूक चेलाकू 27:41

मनदो जहाज समुंदर दाः पेंदाराः टुकूरे हटकावयान अरू जहाजराः मड़ंग गतर सकसावयान। अरू मुरुक सटी हलकोयगगुःआ हना अते जहाजराः तयोम होर टोटाःयान।