मूक चेलाकू 26:20 - Korwa Bible

²⁰ मड़ंगरे दिमसकूस सहररिकुःआ होड़कू, अरू हनते एरुसलेमरिकुःआ होड़कू, अरू जमा एहूदिया राइजरिकुःआ होड़कू, अरू बेगर एहूदाकू जमाकू अँकूराः जीव कसूर अते भगवान अगी कुदाकेडखन, भगवानराः ओंगोल इयाःआ बुताकूनकू एचेय लगा ईंग परसारगोड ञवना।

मूक चेलाकू 26:20 ပူးပေါင်းရင်းမြစ်များ

मती ओजाःतेरा भगवानराः नपाय सरवन 3:2

“भगवान अपे एचेरे राइजगे लगाय बुँहड़ीकेरा। हनालगा अपे कसूर अते जीवपे कुदा।”

मती ओजाःतेरा भगवानराः नपाय सरवन 3:8

सींग दूब नपाय जोःओ जोःता, हना इया कसूर अते जीव कुदाकेडखन अपे नपाय जीवपे जियाः।

मती ओजाःतेरा भगवानराः नपाय सरवन 4:17

दो हना वरीते ईसू परसारगे लगाय बुँहड़ीतेरा अरूय कतातेड, “भगवान अपे एचेरे राइजगे लगाय बुँहड़ीकेरा। हनालगा अपे कसूर अते जीवपे कुदा।”

मती ओजाःतेरा भगवानराः नपाय सरवन 9:13

ईंग बेगर गारबार होड़कू राः लगा कोवान, मनदो कसूर होड़कू राः लगायिंग वेगकिया। अपे भगवानराः कागदरे ओजाःतो इदा हना कता नपायतेपे चिडुः, ईंग बलिदान मेरिंग चहाःतना, मनदो होड़कू सोगागोड होड़ेंगकू लगायिंग चहाःतना।”

मरकूस 6:12

दो हँकू, मूक चेलाकू सेनेवाडखनकू परसारगोतेड, अपे कसूर अते जीवपे कुदा, माःआन।

लूका 1:16

अरू हाँय इसराएल होड़कूराः जीव अँकूरीग परबू भगवान अगीय एचे कुदाकूता।

लूका 13:3

ईंग अपे सुदायिंग कतायतना, नान इया कोवान। अपे हों कसूर अते जीव मेरपे कुदागे होले अपे हों नान इयापे लाय जुवाःता।

लूका 13:5

ईंग अपे एचेरेयिंग कतायतना, अपे कसूर अते जीव मेरपे कुदाय होले अपे हों नान इयापे लाय जुवाःता।”

लूका 15:10

दो ईसू कताया, “अपे ईंगपे अयूम, नान इया भगवान अगी कसूर अते जीवे कुदाता हाँयग होड़ बदीरे सेरमो देसरिकुःआ बराहीलकू बहालगुःता।

लूका 15:7

अपे ईंगपे अयूम, ननन इया कसूरते केड़ेत तोनोंगीग होड़ भगवान अगीय कुदा वेगता दो, सेरमो देसरे हाँय लगा मुरुककू बहालगुःता। कसूर अते भगवान अगी जीव कुदाराः जरूरी मेर दोहोनता हँकुःआ निनयानबेगोटोंग बेगर गारबार होड़कू अते हाँय लगा सेरमो देसरे मुरुककू बहालगुःता।

मूक चेलाकू 11:18

नाःआ कता हँकुःआ होड़कू अयूमतेरा दो हँकू कलेकालयान अरू भगवान जागवाडखनकू कताया, “नपाय इदा। भगवान बेगर एहूदाकू कसूर अते जीव कुदाकेडखन ओरो टुटीगनेना हना जीवकू पवाः लगाय दहिनवाडकुःआ।”

मूक चेलाकू 15:19

एकूब अरूय कताया, “दो ईंगरिकुःआ वपक बोपोहकूतिंग ईंग नाःआ कतारे नाःआ फड़ियाविंग एमेयतना। भगवानकू मनेवाता हँकुःआ बेगर एहूदाकू लगा बोझाबू एमेयता दो हना नपाय कोवानेःआ।

मूक चेलाकू 17:30

नानाः लगा होड़कू अनसिनहारकू दोहोना हना बेला भगवान मेरेय उहियारगाड। मनदो नुँहू हाँय चउंदीसरिकुःआ जमा होड़कू कसूर अते जीवकू कुदा लगाय हुकुमगेतना।

मूक चेलाकू 2:38

दो पतरस कता कुदातेरा, “अपे कसूर अते जीवपे कुदा। अरू अपे जमा होड़कू ईसू मसीराः ञावते बतिसमापे गोः। दो अपेराः कसूर भगवान बराव एंडायता अरू भगवान अगीते सुद बिरुवापे पवाःता।

मूक चेलाकू 20:21

ईंग एहूदाकू अरू बेगर एहूदाकू एचेरे हों हँकू अँकूराः कसूर अड़ाःतेडखन भगवान अगी जीवकू कुदागे लगा अरू परबू ईसू एचेरेकू बिसवासगे लगायिंग कता उदुःवातेडकुःआ।

मूक चेलाकू 26:17

अनमरिकुःआ एहूदाकू अते अरू बेगर एहूदाकू अते आमिंग बनसावगोड ञवनता अरू ईंग बेगर एहूदाकू एचेरेयिंग वारमेतना,

मूक चेलाकू 26:19

दो अगरिपा राजा, सेरमो देस अतेयिंग पवावनेना हना दरसन ईंग कहियो मेरिंग टड़ावगाड।

मूक चेलाकू 3:19

हनालगा भगवान अगी अपे कसूर अते जीवपे कुदा, दो हाँय अपेराः जमा कसूरकूने बराव एंडागोडता अरू भगवान अगीते अपेराः जीव अहाल-बहाल जुवाःता,

मूक चेलाकू 9:15

मनदो परबू हनानियाह एचेरेय कतातेरा, “नाँय एटाः एटाः देस अगी बेगर इसराएल होड़कू अरू हँकूरिकुःआ राजाकू मड़ंगरे अरू इसराएल होड़कू एचेरे ईंगराः ञावते परसारगे लगायिंग सुनावकिरिया। हनालगा आम हाँय एचेरेम सेन।

मूक चेलाकू 9:35

लुदा गाँव अरू सारोन सहररिकुःआ मुरुक बगरा होड़कू नाःआ ञेलतेडखन परबू एचेरेकू बिसवासतेरा।

रूमी 2:4

भगवान आम सहाव घड़ीने मयावामतना दो हना आम हुनुडिंगमे ओंगलेतना जा? भगवान ईंग मयावाडखन ईंगराः कसूर अते जीव कुदागे लगा दोंगे ओवायिंगतना, माःआन आम मेरेम बुझाःता जा?

2 कुरिंती 3:16

मनदो हाँय तोनोंग बेला परबू अगी जीवे कुदा दो पनाता रेडतो इया इदा हना भगवान चलाः एंडागोडताय।

2 कुरिंती 7:10

तोनोंगीग होड़राः जीव भगवान अगीते हुडिंग जुवाःतान दो हना हाँयराः जीव बदलावगोडता अरू हाँय सडाव जुवाःता। हनते अरू हाँयके पसताः मेर पराःता। मनदो चउंदीसरिकुःआ होड़कू अगीते तोनोंगीग होड़राः जीव हुडिंग जुवाःतान, मनदो अनँयगराः कसूरकून मेरेय कबुलाःतान दो हाँय गुनुजुःए पवाःता।

इपीसी 4:17

ने अजी-बोपोहकूतिंग, अयुमेपे! परबू ईंग एचेरेय एमेकेरा, हनानाः हातपातते अपे एचेरेयिंग कतायतना, सताय भगवान मेरकू सुदीयता अरू बेगर लूरराः ओंगोल इयाकू जियाःतना हँकुःआ होड़कू इया अपे अलोपे जियाः।

1 तिसलूनिका 1:9

हँकू अँननकू कतायतना, पउलूस अरू सउंगताकूतेन हँकू एचेरेकू सेनेड मेला, हँकू नपायतेकू नेत-नेवारतेडकुःआ, माःआन। हँकू अले एचेरे अपे बदीरे नाःआ होंकू कता उदुःगेता, हँकूराः जीव बदलावयना अरू जीव मेर दोहोनता हना मुरतीकून अड़ाःकेडखन जीयत अरू सताय भगवानकू मनवेयतना,

उदुःतो कताकून 16:11

हँकू अँनकूराः पीरा अरू पुड़सूड़ते सेरमो देसरीग भगवानकू सती-सरापा। हनते हों हँकू अँनकूराः कसूर अते भगवान अगी जीव मेरकू कुदागाड।

उदुःतो कताकून 2:21

हाँय कसूर अते जीवे कुदा लगा दोंगिंग ओवातिरिंगा। मनदो हाँय बेलूर बुता अड़ाःगे लगा मेरेय चहाःतना।

उदुःतो कताकून 2:5

हनालगा अपे उहियारगुःपे करतेपे कसड़किया, अरू जीव कुदाकेडखन मनाड़ंग इयाःआ बुताकूनपे बुता। अपे जीव मेरपे कुदाय दो ईंग अपे एचेरे सेनेकियानखन अपेराः ढिबरी अपे अतेयिंग चलाः एंडागोडता।

उदुःतो कताकून 3:3

दो अपे अयूमकेरा अरूपे चेडकिया हना कताकून उहियार घड़ीनपे मनाः अरू कसूर अते भगवान अगी जीवपे कुदा। अपे बेरेडतो मेरपे दोहोन दो ईंग इनिग होड़ इयायिंग सोदोर जुवाःता, अरू अपे कहियो ओरोपे सुदी अवेतेरा, ईंग तुमिस अपे एचेरेयिंग सोदोर जुवाःता।