मूक चेलाकू 26:16 - Korwa Bible

¹⁶ नुँहू आम रेम चड़ाँनमे। आम ईंग अगीतेम ञेलतेरा अरू आमिंग उदुःवामता, हना जमाकूनराः हिदइतदार अरू ईंगरीग सेवादार बड़ाँः लगा आमिंग सुनावकेरा। हनालगा ईंग आम एचेरेयिंग एचे ञेलयना।

मूक चेलाकू 26:16 ပူးပေါင်းရင်းမြစ်များ

लूका 1:2

नाःआ कताकून बुनुँहड़ी वरीतेकू ञेञेला अरू भगवानराः सरवनकू चेडतेडकुःआ हँकुःआ होड़कू अतेबू अयूमकेरा।

मूक चेलाकू 1:17

हाँय अले मूक चेलाकू अते मी होड़े दोहोना अरू अलेरीग सेवा देंगवा होड़े दोहोना।”

मूक चेलाकू 1:25

दो नँकिन बना होड़ अते ईसूरीग मूक चेलाराः सेवा बुता लगा, इयेम सुनावकेरा, हना अले उदुःवालेमे।”

मूक चेलाकू 20:24

मनदो ईंग ईंगराः जीव इनिंग लगा तोनोंग नपाय इया मेरिंग ओंगोलतना, जेमहा परबू ईसू ईंग एचेरेय जिमाकेरा हना बुता अरू सेवायिंग एचे पुराव अवेय। अरू हना बुता ननानाः हवे। भगवान जमा होड़कूय मयावारा हना नपाय सरवन होड़कू एचेरेयिंग परसार उदुःगे लगा इदा।

मूक चेलाकू 21:19

पउलूस हँकूय सलामतेडा अरू आँयगराः सेवाते भगवान बेगर एहूदाकू तलारेय एचेतेरा हना जमा कताकूने उदुःतेरा।

मूक चेलाकू 22:10

दो ईंग होंबोरतेड, परबू ईंग चिला एचे लगा इदा? परबू कतातेड, आम रिमुःमे अरू दिमसकूस सहररेम सेन। हंडा आम एचे लगा इदा हना ईंग आम एचेरेयिंग एचे कता उदुःगेता, माःआन।

मूक चेलाकू 23:11

एटाः रइत परबू ईसू पउलूस एचेरे चड़ाँनेनखने कताया, “ने पउलूस, ड़ीड़तेम दोहोन! आम एरुसलेमरे ईंगरीग हिदइतदारमे बड़ाँवनेना हनन इया आम रूमी सहररे हों ईंगरीग हिदइतदारमे दोहोनता।”

मूक चेलाकू 26:15

हनते ईंग होंबोरतेड, ने परबू, आम इये हवे? दो परबू कतातेड, आम संतावगेयतना हाँयग ईसू इनिंग हवे।

मूक चेलाकू 6:4

मनदो अले अरजी लगा अरू भगवानराः सरवन होड़कूले चेड लगा लगलेले दोहोनता।”

रूमी 1:5

जमा जइत होड़कू ईसू मसी मनेवाडिगखन बिसवास अवे लगा, भगवान हाँयते अले मयावाडखन मूक चेलाकूय बड़ाँवकेडलेःआ।

रूमी 15:16

बेगर एहूदाकू लगा ईसू मसीरीग मूक चेलाय बड़ाँवकिडिंगा अरू ईंग मी होड़ पुजउरी होड़ इया भगवानराः नपाय सरवनिंग परसार उदुःगेतना, जेमहा हँकू भगवान ननायगुः लगा सुद बिरुवाते सुदकेडकूखन बलिदान इयायिंग जिमा अवेकू।

2 कुरिंती 4:1

भगवान आँयग सेवा लगा अलेय मयावारा। हनालगा अले मेरले अदरुजीनता।

2 कुरिंती 5:18

नाःआ नँवा जुवाःराः बुता भनगवान हमा एचेयतना। अरू हनाँय ईसू मसीते अनँयग सुदाय हेल-मेलगोतेडबुःआ अरू हेल-मेलराः सेवा अलेय जिमावारा।

गलातिया 1:12

ईंग जूग पुटूसरीग ततयिंग अते, सहे तोनोंगीग एटाः होड़ अते, नाःआ सरवन मेरिंग चेडगना। मनदो इनीसू मसी हमा, नाःआ नपाय सरवन ईंगे एचे उदुःवारा।

गलातिया 2:2

भगवान ईंगे कतावातेरा, आम एरुसलेममे सलाव जुवाः, माःआन। हनालगा ईंग हंडा तोरायिंग। हंडाले सोदोरनेनखन, बिसवासी होड़कूरिकुःआ मरंग मरंग मूक होड़कू सुदा, एटाःरेले जुमावनेना। बेगर एहूदाकू एचेरे नपाय सरवन कता उदुःगे लगा ईंगराः मड़ंगःआ अरू नुँहुःआ सेसा-दुरात, सदाःआ अहा होयाः लगा, हना सरवन बदीरे हँकुःआ मूक होड़कू एचेरे एकलायिंग कतातेरा।

इपीसी 3:3

मड़ंगरे नाःआ कता ओकोत दोहोना अरू नुँहू भगवान ईंग एचेरेय एचे उदुःकेरा, अरू हना बदीरे ईंग मड़ंगरे गुनहोनिंग ओजाःतेरा।

कुलूसी 1:23

मनदो मसीरे अपेराः बिसवास निठा अरू बनड़ियाड़गोड ञवन लगा इदा। अरू नपाय सरवनतेपे पवावकिया, हना असरा अपे अहापे अड़गे। अपे अयूमकेरा हनानाः नपाय सरवन चउंदीसरिकुःआ मुरुक होड़कू होंकू अयूमकेरा। अरू ईंग पउलूस ननानाः सरवन परसारगे लगा भगवानरीग सेवकिया होड़िंग बड़ाँवनेना।

कुलूसी 1:25

कलसियारिकुःआ होड़कू एचेरे भगवानराः नपाय सरवन जनामालेःआ कता उदुःगे लगा भगवान ईंगे जिमावारा।

कुलूसी 1:7

अपे नाःआ सरवन, अलिंगरीग दुलार सेवा देंगवा होड़ इपापरास अतेपे चेडकिया। हाँय अलिंग बदलारे अपे लगा मसीरीग बिसवासगेयीग होड़ इदानिया।

1 तिसलूनिका 3:2

हनाते अले अबूरीग बिसवासी वगाबू अरू ईसू मसीराः नपाय सरवनराः परसाररे भगवानरीग सेवकिया होड़ तिमुतियूस अपेराः बिसवास एचे बड़ियाड़गे लगा अरू बिनिसवासरे सलाः लगाय कता बहालवापे लगा अपे एचेरेले वारकिरिया,

1 तिमुतियूस 1:12

ईंग बिसवासगेयीग होड़ ओंगोलवाडिंगखन, परबू ईसू मसी आँयगराः सेवा सेवागे लगा सुनावकिडिंगखन आँयगराः बुता बुतागे लगा जंगरे ओवाडिंगा। हनालगा हाँयिंग धनियाबादतना।

1 तिमुतियूस 4:6

नाःआ कताकून जमा बिसवासी होड़कूम चेडगोड ञवन दो, ईसू मसीरीग नपाय सेवकिया होड़मे बड़ाँःता। आम मनाः घड़ीन दरवामेःआ हना बिसवास अरू सताय सरवनराः कताकूनते आमराः पला दरी होनोयागोड ञवनता।

2 तिमुतियूस 4:5

मनदो तिमुतियूस, जमा बेला ओंगोल समझाव घड़ीन कटसिया सहावकेडखन नपाय सरवन परसारराः बुताम बुता अरू भगवानराः सेवाम सेवा पुराव।