मूक चेलाकू 26:10 - Korwa Bible

¹⁰ अरू एरुसलेमरे हनानाःयिंग एचेतेरा। मरंग पुजउरी होड़कू अते हातपात पवावनेनखन मुरुक बगरा बिसवासी होड़कू जेहेलरेयिंग एचे सींगतेडकुःआ। अरू हँकुःआ होड़कूकू ञेड एंडाःआ बेला ईंग हों नाःआ कतारे हँकू बदीरेयिंग रायनेना।

मूक चेलाकू 26:10 ပူးပေါင်းရင်းမြစ်များ

मूक चेलाकू 7:58

हनते हँकू हाँय हना सहर अते बहरीकू ओर उडुंगतिरिया अरू हाँय चोटरे दिरिकून हाँय तेके गोजेय लगाकू तेकेया। दो हंडा मी होड़ डिंघा होड़ दोहोना। हाँयराः ञाव दोहोना साहूल। दो इसतपनूस चोटरे दिरिकू तेकेःआ हँकुःआ होड़कू, हाँयग साहूल एचेरे हँकूराः सेरमो तुसिंगतो सोनहेकू जिमाःतेरा।

मूक चेलाकू 8:1

साहूल हंडाय दोहोना अरू इसतपनूसराः गुजुःरे राययाने। हनमेला एरुसलेम सहरराः कलसियारिकुःआ होड़कू लगा संताव बुँहड़ीयान। अरू ईसूरिकुःआ मूक चेलाकू अड़ाःतेडखन जमा बिसवासी होड़कू एहूदिया छतर अरू समरिया छतररेकू ञीर सितिर-बितिरयान।

मूक चेलाकू 8:3

अरू साहूल दो कलसियारिकुःआ होड़कू लाय एंडाकू लगाय बुँहड़ीतेरा अरू ओड़ाः ओड़ाः बोल घड़ीन हाँय बिसवासी होड़कू, मरदकू अरू अइमीकू, एचे उडुंगकेडकूखन जेहेलरेय एचे सींगकुःआ।

मूक चेलाकू 9:21

हाँय ईसू, भगवानरीग बेटात हवे माःआन अरजी ओड़ाःकूनरेय परसारगे लगा ओहेने बुँहड़ीगोतेड। हाँयराः परसारकू अयूमतेरा हँकुःआ होड़कू बयावनेनखनकू कता होड़ेंगा, “ईसूराः ञावरेकू बिसवासतेरा एरुसलेम सहररिकुःआ होड़कूय ञेड एंडातेरा अरू मरंग पुजउरीकूते चिठी एचे ओजाःतेडखन नंडाकुःआ होड़कू एचे साबकू लगाय वेजेडा हाँयग होड़ ननाँय हवे माःआन अले मेरले बिसवास अवेयता।”

मूक चेलाकू 9:26

साहूल एरुसलेम सहररेय सोदोरनेन दो हाँय चेलाकू सुदा मेसान लगाय कुरनिसतेरा। मनदो नाँय सतायरे चेला हवे माःआन हँकू मेरकू बिसवासगाड। हनालगा हँकू हाँयकू बोरोवाया।

मूक चेलाकू 9:32

पतरस तोनोंग दिनरे एटाः एटाः गाँवकूनरे सेन मेला, हाँय लुदा गाँवरिकुःआ बिसवासी होड़कू एचेरेय सेनेडा।

मूक चेलाकू 9:41

दो पतरस हाँयराः तिःईरे साबतिरिगखने एचे चड़ाँतिरिया। हनते हाँय रंडियाहीनकू अरू बिसवासी होड़कूय राःतेरा अरू हाँयग तबीता जीयते जिमावातेडकुःआ।

1 कुरिंती 15:9

भगवानराः कलसियारिकुःआ होड़कूयिंग संतावतेरा। हनालगा ईंग ईसूरीग मूक चेला कतान जुकूर कोवायिंगा अरू हाँयरिकुःआ जमा मूक चेलाकू अते हुनुडिंग इदानिंगा।

गलातिया 1:13

ईंग अजी बोपोहकूतिंग, अपे नपायतेपे सुसुदीतना, मड़ंग ईंग एहूदा धरम इयायिंग सलाःआ। हनमेला ईंग भगवानराः कलसियारिकुःआ होड़कूयिंग संतावा, अरू लाय एंडाकू लगा मुरुकिंग कुरनिसगेःआ।

इपीसी 1:1

ने अजी बोपोहकूतिंग, ईंग पउलूस, भगवानराः हिछाते ईसू मसीरीग मूक चेला हवे। इपीसी सहररे ईसू मसी एचेरे बिसवासगे इयाकू दोहोनता भगवानरिकुःआ सुद होड़कू, अपे लगा नाःआ चिठीयिंग ओओजाःतना।

उदुःतो कताकून 17:6

हाँयग अइमी, ईसूराः सताय कताकू कताया, हँकुःआ भगवानरिकुःआ सुद होड़कूय ञेड एंडातेरा अरू हँकूराः बलंगी ञूतेडखन बुनूलतोयिंग ञेलतिरिया। ईंग हाँयिंग ञेलतेड दो मुरुकिंग बयावयान।