मूक चेलाकू 25:11 - Korwa Bible

¹¹ गुजुः इयाःआ तोनोंगाः गारबारिंग एचेकेरा दो गुजुः अते बनसाः लगा मेरिंग चहाःतना। मनदो नँकू ईंगकू जाःतना हना कताकून अते तोनोंगाः कता सताय मेर दोहोना दो तोनोंगीग ईंग हँकू तिःईरे ओरोकू जिमा अवेतिरिंगा। दो नुँहू कनइसर मरंग राजा ईंग फड़ियावगींग लगायिंग असेयतना।”

मूक चेलाकू 25:11 ပူးပေါင်းရင်းမြစ်များ

मूक चेलाकू 16:37

मनदो पउलूस कतातेरा, “अलिंग रूमी देसरिकिनाः थनहिया होड़किन हवे अरू बेगर नपाय फड़ियावते हँकू जमा होड़कू मड़ंगरे अलिंगकू ञेडतेडखन जेहेलरेकू एचे सींगतेडलिंग। दो नुँहू कलेकाल वेगकियानखन एचे अड़ाःलिंग लगाकू ओंगलेतना जा? बुरी, नाःआ इया कोवान। हँकू अँननकू अँकू नंडा वेगकियानखनकू एचे उडुंगलिंग।”

मूक चेलाकू 18:14

पउलूस तोनोंग इया कता लगाय ओंगलेःआ दो, हाँयग गलियो एहूदाकू एचेरेय कताया, “अपे ईंग एचेरे नाँयग होड़राः तोनोंग मरंग कसूर सहे गारबारपे कताय दो, ईंग अपेराः कता अयूम लगायिंग दोहोनता।

मूक चेलाकू 22:25

दो पउलूस ञेडगेय लगाकू एचे बंगातिडिगखनकू तोलतिडिया दो पउलूस मी सव सइनाकूरीग हातपात होड़ एचेरेय होंबोरतेरा, “मी होड़ रूमी देसरीग थनहिया होड़, बेगर फड़ियावते गुरुंदते ञेडेय दो हना, नियम इया हवे जा?”

मूक चेलाकू 25:10

दो पउलूस कतातेरा, “ईंग रूमी देसराः कोट कछेरीरे चड़ाँत इदानिंगा। अरू ईंगराः फड़ियाव ननंडा होयाः लगा इदा। अरू ईंग एहूदाकू बदीरे तोनोंगाः गारबार मेरिंग एचेगरा। हना नपायतेम सुदीयतना।

मूक चेलाकू 25:12

हनते पिसतूस आँयगरिकुःआ सलाहदार होड़कू सुदा सलाहनेनखन पउलूसे कतातेरा, “आम कइसर मरंग राजा एचेरे फड़ियावमे लगाम असेकेरा। हनालगा ईंग आम हाँय एचेरे रूमी सहरिंग वारमेता।”

मूक चेलाकू 25:21

मनदो पउलूस कइसर मरंग राजा हाँय फड़ियावगे लगाय असेतेरा। दो हाँय कइसर मरंग राजा एचेरे रूमी सहर अगी, अरीनिंग वारगेय वरी तोलतोय दोहो ओवागेय लगायिंग हुकुमतेरा।”

मूक चेलाकू 25:25

मनदो ईंग सुदीगोतेडा, नाँय हना इया तोनोंगाः गारबार मेरेय एचेगरा। अरू हाँय अनँयग आँयगते कइसर मरंग राजा एचेरे एचे फड़ियावगुः लगाय असेतेरा। दो हाँय मरंग राजा एचेरे वारगेय लगायिंग ओंगोलतेरा।

मूक चेलाकू 26:32

दो अगरिपा पिसतूस एचेरेय कतातेरा, “नाँयग होड़, कइसर मरंग राजा ईंगे फड़ियावगे लगायिंग असेयतना, माःआन अहाय कताकेः दो नुँहू नाँय अड़ाःगोडकेयाबू।”

मूक चेलाकू 28:19

मनदो एहूदाकू ईंग अड़ाःगींग लगा मेरकू ओवागडकू। दो कइसर मरंग राजा ईंग फड़ियावगींग लगा ईंगके अअसे परावयान। मनदो ईंगरिकुःआ होड़कू बदीकू लगा तोनोंगाः कता ईंग एचेरे मेर दोहोगान।

1 तिसलूनिका 2:15

हँननकुःआ एहूदाकू भगवानरिकुःआ बड़रा कता होड़कू अरू परबू ईसू मसीकू ञेड एंडातेरा। अरू हँनकुःआ होड़कू अले होंकू एचे ञीरगोतेडले। अरू हँननकुःआ एहूदाकू जमा होड़कूकू घंटावता अरू भगवान हँकू सुदा बहाल कोवाया।