मूक चेलाकू 25:10 - Korwa Bible

¹⁰ दो पउलूस कतातेरा, “ईंग रूमी देसराः कोट कछेरीरे चड़ाँत इदानिंगा। अरू ईंगराः फड़ियाव ननंडा होयाः लगा इदा। अरू ईंग एहूदाकू बदीरे तोनोंगाः गारबार मेरिंग एचेगरा। हना नपायतेम सुदीयतना।

मूक चेलाकू 25:10 ပူးပေါင်းရင်းမြစ်များ

मती ओजाःतेरा भगवानराः नपाय सरवन 27:18

पिलातूस सुसुदीःआ, नँकुःआ होड़कू ईसू इरातेकू एचे साबतिरिया।

मती ओजाःतेरा भगवानराः नपाय सरवन 27:19

पिलातूस गदीरे फड़ियावगे लगाय दुड़ुःआ हनमेला आँयगरीग अइमी हाँय एचेरे मीटोंग सरवने वारतेरा, “हाँयग सुधिया होड़राः जीवरे तोनोंगाः अलोम एचे। हाँय बदीरे ईंग मीटोंग सपनायिंग ञेलकेरा अरू हनाते नुँहू वरी ईंगराः जीव ओंगोल कुंभलाःतना।”

मूक चेलाकू 23:29

हनाते ईंग सुदीगोतेडिंग हँकू अँकूराः नियम बदीरेकू अड़ा-चउकीःआ अरू हाँय ञेड एंडाय लगा अरू जेहेलरे एचे सींगगेय इयाःआ तोनोंगाः गारबार मेरेय एचेगाड।

मूक चेलाकू 25:17

हँकू ईंग सुदा नंडाकू वेजेडा दो हाँय फड़ियावगेय लगा मेरिंग कुबेरगाड। मनदो एटाः दिन फड़ियावगेय लगा गदीरेयिंग दुड़ुःनेना अरू हाँयग होड़ ईंग मड़ंगरे अगूगेय लगायिंग हुकुमतेरा।

मूक चेलाकू 25:25

मनदो ईंग सुदीगोतेडा, नाँय हना इया तोनोंगाः गारबार मेरेय एचेगरा। अरू हाँय अनँयग आँयगते कइसर मरंग राजा एचेरे एचे फड़ियावगुः लगाय असेतेरा। दो हाँय मरंग राजा एचेरे वारगेय लगायिंग ओंगोलतेरा।

मूक चेलाकू 25:6

हँकू सुदा एरुसलेमरे आठ दस दिन दोहोनेनखन हाँय कइसरिया अगी तोराय। अरू हंडा सोदोरनेनखन एटाः दिन कोट कछेरी ओड़ाःरे दुड़ुःकियाखन पउलूस अगूय लगा अगुरा होड़कूय हुकुमवातेरा।

मूक चेलाकू 26:31

हनते हँकू एटाः अगी उडुंगनेनखनकू कता होड़ेंगा, “नाँयग होड़ गुजुः इया सहे जेहेलरे सींगगेय इया मेरेय जनाःतना।”

मूक चेलाकू 28:18

ईंग गुजुः इयाःआ तोनोंगाः कसूर मेरिंग एचेगरा, हनालगा हँकू ईंग जासतेडखन अड़ाःगींग लगाकू चहाःआ।

2 कुरिंती 4:2

मनदो ओनोक दनंगकू एचेयता हना गियुः इयाःआ बुताकूनले अड़ाः एंडागोतेरा। अले चलहू होड़कू इया मेरले सलाःता अरू भगवानराः सरवनरे एटाः तोनोंगाः सरवन मेरले मेसायता। मनदो अले बदीरे भगवान सुनुदीबाःगोडता, हँकू जमा होड़कू एचेरे ईंगराः सताय सरवनकू कता उदुःगेता, माःआन। नाःआते अले बदीरे जमा होड़कू अँननकूराः इंदरीरेकू सुदीबाःगोडता, हँकू भगवान ननायगुः जुकूर इदानकुःआ, माःआन।