मूक चेलाकू 24:5 - Korwa Bible

⁵ अले नाँयग होड़ सिकिसता एमे होड़ अरू चउंदीसरिकुःआ जमा एहूदाकू बहकावतोले ञेलकिरिया अरू नाँय नासरी ञावराः गारबारतेःआ गउदारीग अगुवा होड़ हवे।

मूक चेलाकू 24:5 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:25

मनदो चेला चेडदारतेन सुदा अरू तोनोंगीग सेवकिया आँयगरीग मालिक सुदा बरोबइरगुः दो हाँय संतोकगे लगा इदा। हँकुःआ होड़कू, ओड़ाः मालिकतुकू दरहा माःआनकू कतावायता दो, ओड़ाःरिकुःआ एटाः होड़कू चिला लगा मेरकू ओपताकेःआ?

मती ओजाःतेरा भगवानराः नपाय सरवन 2:23

हनते हाँय नसरत सहररेय सेनेडखन हंडाय बसावनेना। मड़ंगरे भगवानराः बड़रा कता होड़कू कतातेरा, “हाँय नसरतरीग होड़ माःआनकू कतावायता,” हनन इया नाःआ होयाकिया।

मरकूस 1:24

“ने नसरेतरीग ईसू! आम अले चिला लगाम कटसियालेतना? आम अले लाय एंडाले लगाम वेगकिया जा? ईंग सुसुदीतिनिंग आम इये हवे। आम भगवानरीग सुद होड़ हवे।”

लूका 23:19

(बराबा एरुसलेम सहररे बलवादनेनखन तोनोंग तोनोंग होड़कूकू ञेड एंडातेरा। हनलगा हाँय जेहेलरे सींगतोय दोहोना।)

लूका 23:2

हँकू ईसू बदीरे पिलातूस एचेरेकू कताया, “नाँयग होड़ अलेरिकुःआ होड़कूय बहकावता। नाँय कतायता रूमी देसरीग राजा एचेरे मलगुजारी अलोपे एमेय अरू अनँयग बदीरेय कतायता, ईंग मसी अरू राजा हवे, माःआन।”

लूका 23:25

अरू हँकू असेतेरा हनन इया, होड़कूय बलवादा अरूय ञेड एंडातेडकुःआ अते जेहेलरे सींगतोय दोहोना हाँयग होड़ पिलातूस अड़ाःगोतेडीग। अरू हँकूराः हिछा इया सइनाकू एचेरे ईसूय जिमागोतेडीग।

लूका 23:5

मनदो हँकू अरूकू कताया, “नाँयग होड़ एहूदिया राइजरिकुःआ जमा होड़कू नाँयराः बड़रातेकू बहकाःतना। नाँय बहकाव बहकाव गलील छतर अते मरंग सहर एरुसलेम वरी होंय सोदोरयना।”

मूक चेलाकू 15:5

दो मड़ंगरे फरीसी होड़कूरिकुःआ गउदारेकू दोहोना हँकुःआ बिसवासी होड़कू अते अदोम होड़कू कताया, बेगर एहूदाकू बिसवासरे वेग लगा इदान दो हँकू मड़ंगरे एचे खतनान लगा इदा अरू मोसेस एमेतेरा हना जमा नियमकून हँकू मनावगे लगा इदा, माःआन।

मूक चेलाकू 21:28

अरू खिररी घड़ीनकू कताया, “ने इसराएल देसरिकुःआ होड़कू, अलेपे संघरावा। नाँयग होड़ जमा देसरिकुःआ होड़कू एचेरे अबू एहूदाकू बदीतेडखन अरू अबूराः नियम अरू भगवान ओड़ाः बदीतेडखने चेडकूतना। हनाते हों कोवान, नाँय बेगर एहूदाकू भगवानराः ओड़ाःरे अगूतेडकूखने एचे सात-भाड़गोतेडा।”

मूक चेलाकू 22:22

बेगर एहूदाकू बदीरे पउलूस कताया, हना वरीते होड़कू हाँयराः बड़राकू अयूमतेरा। हना तयोमरे हँकू खिररी घड़ीनकू कताया, “नाँयग होड़ ञेड एंडागेय लगा इदा। नाँय नाःआ चउंदीसरे दोहोन जुकूर कोवाया।”

मूक चेलाकू 24:14

मनदो ईंग नाःआ कता आम मड़ंगरेयिंग मनाव जुवाःतना, ईंग ईसूराः दूर इया, मोसेसराः नियमकून अरू भगवानराः बड़रा कता होड़कूराः कागदकूनरे ओजाःतो इदा हना जमाकून ईंग बिसवास घड़ीन अलेरिकुःआ खुटिपरिया होड़कूरीग भगवानिंग जागतना। नाःआ दूररिकुःआ होड़कू बदीरे नँकुःआ होड़कू गारबारतेःआ गउदा माःआनकू कतावातना।

मूक चेलाकू 24:4

नननलगा आम अरू हलकइनमे लगा मेरले चहाःतना अरू ईंग आम एचेरेयिंग असेयता, मयावाडमेखन ईंगराः कता गुनमिन अयूमयामे।

मूक चेलाकू 25:7

हँकू पउलूसकू अगूतेरा दो एरुसलेम अतेकू वेजेडा हँकुःआ एहूदा मूक होड़कू पउलूसराः चइरो गतर चड़ाँनेनखन मुरुक बगरा जाः बड़रा हाँय बदीरेकू कता उदुःतेरा। मनदो हँकू आभा मेरकू पुराव अवेगाड।

मूक चेलाकू 26:5

हँकू ईंग मुरुक बरिसतेकू सुदीगींगतना अरू हँकू ओंगोलकेःआ दो ईंग बदीरे कता उदुः अवेकेःआकू, अलेराः नियम इया जिनियाः लगाकू कुरनिसगेतना हँकुःआ कटकट फरीसी होड़कू अते मी होड़ ईंग दोहोना।

मूक चेलाकू 28:22

अले सुदीयतना नाःआ गारबारतेःआ गउदारिकुःआ होड़कू बदीरे जमा ततेररिकुःआ होड़कू मिरिस-मिरिसता। मनदो नँकुःआ होड़कू बदीरे आम एचेरे चिला ओंगोल इदा, हना आम अते अयुमे लगाले चहाःतना।”

मूक चेलाकू 5:17

हनते मूक पुजउरी अरू आँयग सुदाकू दोहोना हँकुःआ सदूकी गउदारिकुःआ होड़कू, मूक चेलाकू मुरुककू इरावाकुःआ।

मूक चेलाकू 6:13

हँकू लबरा हिदइतदारकू हाँय बदीरेकू एचे चड़ाँतेडकुःआ अरूकू कतातेरा, “नाँयग होड़ भगवानराः ओड़ाः अरू मोसेस एमेतेरा हना नियम बदीरे ओपता घड़ीने कतागोड ञवनतना।

1 कुरिंती 11:19

अपे तलारे बेगराव हटिंग मेर होयाः दो करा इयापे सुदी अवेय, भगवानराः ओंगोलरे सताय होड़कू इये इये इदानलेःआ, माःआन?

1 कुरिंती 4:13

अलेकू बदीतान दो हँकू सुदा सुधियाले बुतुड़ुता। नुँहू वरी अले होड़कू लगा जोम एरांगतो इया अरू सेया खरसी इया इदानलेःआ।

1 पतरस 2:19

भगवानराः ओंगोलपे सुदीकेड अते, अपे अनभनिया कटसियापे सहाव दो अपेराः जीव भगवान लगा भल-भलाय इदा।