मूक चेलाकू 24:27 - Korwa Bible

²⁷ दो बार बरिस होयानेन तयोमरे पुरकियूस पिसतूस, पेलिकसराः बदलारे मरंग हातपात होड़े बड़ाँवयान। मनदो पेलिकस एहूदाकू एचे बहालकू लगा पउलूस तोलतो इयाय दोहो ओवातिरिया।

मूक चेलाकू 24:27 ပူးပေါင်းရင်းမြစ်များ

मरकूस 15:15

हनते हँकुःआ होड़कूराः जीव बहालगुः लगा पिलातूस बराबा हँकू लगाय अड़ाःगोतेडीग अरू ईसू गुरुंदते एचे ञेडवडीगखन कुरूसरे ठोंकाव गोएगगे लगा रूमी सइना होड़कू एचेरेय जिमागोतेडीग।

मूक चेलाकू 12:3

नाःआ कता एहूदाकू लगा मंजूरयान हना हरदोस सुदीगोतेड दो हाँय पतरस होंय एचे साबतेरा। पसहा परोब अरू रुटीराः परोब मेलारे नाःआ कता होयानेना।

मूक चेलाकू 23:35

दो हाँय पउलूस एचेरेय कतातेड, “आमकू बदीकेरा हँकुःआ होड़कू वेगता हनमेला आमिंग फड़ियावता।” हनते हाँय हरदोसराः गड़हीरे पउलूस एचे इदीकिडिगखन अगुरा होड़कू हाँय नपायते अगुरागे लगाय हुकुमवातेडकुःआ।

मूक चेलाकू 25:1

कइसरियारे सोदोरनेनखन पेय दिन तयोमरे पिसतूस हंडा अते एरुसलेम अगी तोराय।

मूक चेलाकू 25:14

हँकिन पिसतूस सुदा मुरुक दिन वरीकिन दोहोना। हनमेला पिसतूस पउलूस बदीरे राजाय कता उदुःवातेरा, “पेलिकस तोलतोय अटूडिया मी होड़ होड़ नंडा इदानिया।

मूक चेलाकू 25:4

मनदो पिसतूस कतातेरा, “पउलूस कइसरिया सहररे तोलतो इदानिया अरू ईंग हों हंडा सेन लगा इदा।

मूक चेलाकू 25:9

पिसतूस एहूदा मूक होड़कू एचे बहालकू लगा पउलूस एचेरेय कतातेरा, “आम बदीरे जाः बड़रा इदा हना ईंग फड़ियावगे लगा एरुसलेमरे सेन लगाम चहाःतना जा?”

मूक चेलाकू 26:32

दो अगरिपा पिसतूस एचेरेय कतातेरा, “नाँयग होड़, कइसर मरंग राजा ईंगे फड़ियावगे लगायिंग असेयतना, माःआन अहाय कताकेः दो नुँहू नाँय अड़ाःगोडकेयाबू।”

मूक चेलाकू 28:30

दो पउलूस अनँयग किराया ओड़ाःरे बार बरिस वरीय दोहोना।

गलातिया 1:10

दो ईंग, होड़कू कता ननाय लगा जा भगवान बुता ननायगे लगायिंग चहाःतना? अपे चेले माःआनपे ओंगोलगींगतना, नाँय होड़कू जहंडाव होड़ हवे? ईंग नुँहू वरी होड़कू कता ननाय होड़िंग दोहोकुः दो ईंग मसीरीग सेवकिया होड़ ओरोयिंग दोहोकुःआ।