मूक चेलाकू 24:25 - Korwa Bible

²⁵ भगवानराः ओंगोल इया जियाः लगा अरू अनँयग आँयगते ओंगोल बुझावकियानखन जियाः लगा अरू दरवाःआ हना फड़ियावराः बदीरे पउलूस कता उदुःगेःआ। हनमेला पेलिकस मुरुके बोरोनेनखने कताया, “निनिन मिनाः बगरायना। नुँहू सलाव जुवाःमे। एटाः बेला अरूयिंग एचे राःमेता।”

मूक चेलाकू 24:25 ပူးပေါင်းရင်းမြစ်များ

मती ओजाःतेरा भगवानराः नपाय सरवन 22:5

मनदो टिवा एमेत होड़कू सेवकियाकूराः बड़रा लंदा अगीकू इकातेड। मी होड़ अनँयग दोहोड़ अगीय सेनेडा अरू एटाः होड़ अनँयग फेरवइत लगाय सेनेडा।

एहुना 16:8

सुद बिरुवा वेग दो चउंदीसरिकुःआ होड़कू एचेरे कसूर बदीरे अरू बेगर गारबारतेःआ जीव जियाः बदीरे अरू फड़ियावराः बदीरे सताय कताय उदुःवाकूता।

मूक चेलाकू 10:42

अले जमा होड़कू एचेरे परसार उदुःगे लगा अरू जीयत इदनकुःआ हँकुःआ होड़कू अरू गोएगतो होड़कू फड़ियावकू लगा भगवान ईसूय सुनावकेरा, माःआन होड़कू एचेरे सेतावकेडकूखन कता उदुःवाकू लगा अलेय हुकुमवारा।

मूक चेलाकू 17:13

तिसलूनिकारिकुःआ एहूदाकू पउलूस बिरिया सहररे भगवानराः सरवने परसारगेतना माःआनकू अयूमतेरा दो हँकू हंडाकू सेनेडा अरू पउलूस बदीरे होड़कूकू एचे जुमावतेडखन कड़ीगकू रेमा।

मूक चेलाकू 17:2

पउलूस मड़ंगरेय एचेतेरा हनन इया पेय हपता वरी लोड़ोनराः दिनरे एहूदाकू सुदा भगवानराः नियमकूनते हँकूय चेडगोड ञवना।

मूक चेलाकू 17:32

हँकुःआ होड़कू गोएगतो होड़कू जियाव रिमुःता माःआनकू अयूमतेरा दो, अदोम होड़कू लंदावाःआ। मनदो अदोमकू कतातेरा, “नाःआ कता अले तोनोंग दिन आम अते अरूले अयुमेता।”

मूक चेलाकू 2:37

नाःआ बड़राकू अयुमेःआ दो हँकुःआ होड़कूराः जीव कोड़-बिड़ावनेनखन पतरस अरू एटाः मूक चेलाकू एचेरेकू कतातेड, “वपक बोपोहकूताले, अले करा इयाले करजुः?”

मूक चेलाकू 24:15

अरू भगवान नपाय होड़कू अरू बेलूर होड़कू गोएग गुराः तयोमरेय जियाव रेमकूता, हना नँकुःआ होड़कू इया ईंग हों भगवान एचेरेयिंग असरागोड ञवनतना।

मूक चेलाकू 24:26

हाँय पउलूस अते ढिबुवा गोः लगाय ओंगलेःआ। हनालगा हाँय अरू एचे राः घड़ीन हाँय सुदाय बड़रागोड ञवना।

मूक चेलाकू 26:28

हनते अगरिपा राजा पउलूस एचेरेय कतातेरा, “गुन लकन बेलाते ईंग मसी होड़ बड़ाँवगींग लगाम ओंगलेतना जा?”

मूक चेलाकू 9:6

दो हाँय कता कुदातेरा, “आम संतावगेयतना हाँयग ईसू हवे ईंग। नुँहू आम रिमुःमे अरू सहर अगीम सेन अरू हंडा आमके एएचे इदा हना आम एचेरेयिंग कतायता।”

रूमी 12:1

हनालगा ईंगरिकुःआ अजी बोपोहकूतिंग, भगवान अबूय मयावारा हना कता उहियारकेडपेखन अपे एचेरे गोड़न पइयन घड़ीनिंग असेयतना। अपे अँननपेराः देह भगवान ननायगुःता हना सुद अरू जीयत बलिदान इया जमालेःआपे जिमागोड। नाःआ भगवान सेवाराः सताय लूर हवे।

रूमी 14:12

हनन इया अबू जमाकू भगवान मड़ंगरे अँननबूराः बदीरे आभा एएमे पराःता।

रूमी 2:16

ईंग अपे एचेरे सरवनिंग कता उदुःतेरा हनन इया फड़ियावराः हना दिनरे, भगवान ईसू मसीते, जमा होड़कूराः जीवरे इदा, हना ओकोत कताकूने फड़ियावता।

1 कुरिंती 4:5

दो परबू अरीने कुदा वेग वरी, अपे तोनोंगीग अलोपे फड़ियावगेय। हनाँय अंदरारे ओकोत इदा हना कताकून मरसलरेय एचे उदुःगोडता अरू होड़कूराः ओंगोलकूने एचे उदुःगोडता। हना तयोमते भगवान मेमेड होड़ अँननकूराः बुता इयाय भल-भलायकूता।

2 कुरिंती 5:10

अरू ईसू मसी अबू जमाकूय फड़ियावता। हना दिन अबू नाःआ देहरे दोहोन मेलाबू एचेकेरा हना नपाय सहे बेलूर बुताकूनराः इमान पवाः लगा हाँयराः गदी मड़ंगरे अबू जमाकू चड़ाँन पराःता।

2 कुरिंती 6:2

भगवान नाःआ इया अनँयगराः कागदरेय कताकेरा, “ईंग तोल दोहोतेरा हनानाः बेला अपे मयावाडखनिंग अयूमतेरा, अरू सडावराः दिनरे अपेयिंग संघरावातेरा।” दो अपे ईंगपे अयूम, दोहोत बेला ननानाः हवे अरू सडावराः दिन तिनिसिंग इदा।

गलातिया 3:22

मनदो भगवानराः सरवन नाःआ इया कतायता, जमा होड़कू कसूरगोड ञवनताकू, अरू ईसू मसी एचेरेकू बिसवासगेता, हँकुःआ होड़कूराः जीव-जहन भगवान आँयगराः जबान इयाय नपायगेता।

गलातिया 5:23

सुधा होड़कू अरू जमा बरानाः ओंगोल समझाः होड़कूबू बड़ाँःता। नाःआ इयाःआ लूर-नेवन बदलारे, तोंनोंगाः नियमकून कोवानेःआ।

2 तिमुतियूस 4:1

दो तिमुतियूस, जीयत होड़कू अरू गोएगतो होड़कूय फड़ियावता हनाँयग ईसू मसी अरू भगवान ईंगरीग हिदइतदारकिन बड़ाँवकियानखन ईसूराः कुदा वेग अरू राइज बदीरे उहियारकेडमेखन नाःआ हुकुमिंग ओवामतना।

तितूस 1:8

मनदो हाँयग मूक होड़ नेत-नेवारकू लगा इदा अरू नपाय बुता एचेगे लगा मंजूरे दोहोन। हाँय सताय, सुद अरू ओंगोल समझावीग होड़ दोहोन लगा इदा अरू तुड़ेंग-तपेग होड़ अलोय होयाः।

इबरानी 12:21

हँकू अयूमतेरा अरूकू ञेलतेरा हना अते हँकू मुरुककू बोरोयान अरू मोसेस होंय कतातेरा, “ईंग बोरते मुरुकिंग कलपाःआ।”

इबरानी 3:13

अपे सगर दिन कता बहाल होड़ेंगगोड ञवन, जेमहा तोनोंगीग कसूररे अलोय बझाः अरू जीव अलो कटकटगुः।

इबरानी 4:1

हनालगा भगवान जबानकेरा हना लोड़ोन अबू अटकार अवेय लगा हन नुँहू वरी सलाव वेगतना। दो अबू अते तोनोंगीग होड़ हना लोड़ोन मेरेय अटकार अवेगे अते सवासिती दोहोन लगा इदा।

इबरानी 6:2

अरू बतिसमा बदीरे अरू तिःई खेपा बदीरे अरू गोएगतो अते जियाव रिमुः बदीरे अरू ओरो टुटीगनेना हना डंड बदीरे चेडतो इया नेव अनउर अहाबू गडाय।

इबरानी 9:27

होड़कू मिनी तुरहाकू गुनुजुःता अरू हना तयोमरे भगवान हँकूय फनड़ियावकूता,

एकूब 2:19

आम बिसवासगेतना जा भगवान मिनीटोंग इदानिया? नपाय। हना कता भूतकू हों बिसवासगेतना अरू एकलाः घड़ीनकू बोरता, माःआन।

1 पतरस 3:15

मनदो अपे ईसू मसी अँननपेरीग परबू हवे माःआन अकूसपे मनावगेय। अरू तोनोंगीग अपे जीवरे इदा हना असरा बदीरेय होंबरे दो, जमा बेला अँननपे अपे हुडिंग ओंगोलकियानखन, एटाःकू मान मरजइत घड़ीन कता कुदागे लगा, सपड़ावतोपे दोहोन।

2 पतरस 1:6

अरू कनहूनदारपे दोहोन मेला अपेराः जीव ओंगोल समझाव घड़ीनपे दोहोगे, अपे ओंगोल समझाव घड़ीन जीवपे जियाः मेला अपे जमा बेला सहाव घड़ीनपे दोहोन। अरू सहाव घड़ीन दोहोन मेला भगवानराः ओंगोल इयापे दोहोन।

1 एहुना 3:10

नपाय मेरेय एचेयता अरू अनँयग बिसवास वपक बोपोहकू मेरेय अलार-दुलारकूता हाँयग होड़ भगवानरीग लँइग ना लवे। ननन अते अबू सुदीगोडता इये भगवानरीग लँइग हवे अरू इये कलउरीग लँइग हवे, माःआन।

1 एहुना 3:7

ने ईंगरिकुःआ लइंकू इया होड़कू, अपे तोनोंग बेला तोनोंगीग होड़ अलोय अडिग अवेपे। ईसू मसी नपाय इदानिया अरू नपाये एचेयता हनाँयग होड़ ईसू मसी इया नपाय होड़ हवे।