मूक चेलाकू 24:16 - Korwa Bible

¹⁶ हनालगा भगवान अरू होड़कू मड़ंगरे सगर बेला ईंगराः इंदरी सुद दोहोन लगायिंग कुरनिसगोड ञवनता।

मूक चेलाकू 24:16 ပူးပေါင်းရင်းမြစ်များ

मूक चेलाकू 23:1

एहूदाकूराः मरंग पंचाइतरिकुःआ होड़कू एचेरे पउलूस तिंगीड घड़ीन ञेलतेडखने कताया, “ईंगरिकुःआ वपक बोपोहकूतिंग, नुँहू वरी ईंग भगवानराः मड़ंगरे नपाय इंदरीते हाँयराः सेवायिंग सेवाकेरा।”

रूमी 2:15

हँकू उदुःगेता, मोसेसराः नियम अलेराः जीवरे दोहोत इदा अरू अलेराः इंदरी अरू ओंगोल हिदइत उदुःगेता, अले नपाय सहे बेलूर बुताकूनले एचेयता जा, माःआन।

रूमी 9:1

ईंग ईसू मसीरीग हवे अरू सनाताय कता ईंग कतायतना। सुद बिरुवा अगुवाइवायिंतना। हनालगा ईंग जीव कतायतना, ईंग मेरिंग लबरातना, माःआन।

1 कुरिंती 10:32

अरू अपे एहूदाकू, सहे बेगर एहूदाकू, सहे कलसियारिकुःआ बिसवासी होड़कू एचे कसूरकू लगा अलोपे बड़ाँः।

1 कुरिंती 4:4

मनदो ईंगरीग फड़ियावदार भनगवान हवे। अरू ईंग इंदरीरे गुनमिन हों बदीन इया ओंगोल कोवानेःआ। हनते हों ईंग भगवानराः ओंगोलरे बेगर गारबार होड़ मेरिंग बड़ाँव अवेनता।

2 कुरिंती 1:12

अलिंग नपाय इंदरीते बहालगुः घड़ीनलिंग कतायतना, चउंदीसरे, बिसेक अपे सुदा अलिंगराः लूर-नेवन भगवान जुकूर, सुद अरू सताय इदा। अरू अलिंग अँननलिंगराः कनहूनते कोवान, मनदो भगवान मयावाडलिंगा हनानाः अतेलिंग जियाःतना।

2 कुरिंती 4:2

मनदो ओनोक दनंगकू एचेयता हना गियुः इयाःआ बुताकूनले अड़ाः एंडागोतेरा। अले चलहू होड़कू इया मेरले सलाःता अरू भगवानराः सरवनरे एटाः तोनोंगाः सरवन मेरले मेसायता। मनदो अले बदीरे भगवान सुनुदीबाःगोडता, हँकू जमा होड़कू एचेरे ईंगराः सताय सरवनकू कता उदुःगेता, माःआन। नाःआते अले बदीरे जमा होड़कू अँननकूराः इंदरीरेकू सुदीबाःगोडता, हँकू भगवान ननायगुः जुकूर इदानकुःआ, माःआन।

1 तिसलूनिका 2:10

अपे तलारेले दोहोन मेला बिसवासी होड़कू एचेरे अलेराः लूर-नेवन सुद, सताय अरू बेगर गारबारते दोहोना माःआन अँननपे अरू भगवान हों हिदइतदारकू इदानपेःआ।

1 तिमुतियूस 1:19

बिसवास अरू सताय ओंगोलते नपायमे लड़ाइगोड ञवन। अदोम होड़कू सताय ओंगोल अड़ाःकेडखन बिसवास दूर अतेकू बहकावयना।

1 तिमुतियूस 1:5

बिसवासी होड़कू सुद इंदरीते, नपाय ओंगोलते अरू बेगर गारबारराः बिसवासते दुलार होड़ेंग लगाले हुकुमवाकूतना।

1 तिमुतियूस 3:9

भगवान अबूय उदुःवातेरा हना बिसवास बदीराः सताय चेडतो हँकुःआ होड़कू नपाय इंदरीतेकू बिसवास हड़ाःगे लगा इदा।

2 तिमुतियूस 1:3

दो ने तिमुतियूस, दिन रइत उहियार घड़ीन आम लगायिंग अरजीतान मेला, ईंगरिकुःआ अपुयिंग ततायिंगकू इया सुद इंदरीतेयिंग जागगेयता हाँयग भगवानिंग धनियाबादगेयतना।

तितूस 1:15

सुद इदानकुःआ हँकुःआ होड़कू लगा जमा कता सुद इदा, मनदो इंदरी अरू ओंगोल बेनेलूराः नेवनते इदा हँकुःआ बेगर बिसवासी होड़कू अरू बेलूर ओंगोल होड़कू लगा जमा कता बेनेलूर इदा।

इबरानी 10:22

दो हनालगा अबू नपाय ओंगोलते अरू मिनी जीवते बिसवासकेडखन भगवान एचेरेबू सेन। अबूराः इंदरी बेलूर ओंगोलते इरची सुदकेडखन अरू अबूराः देह सुद दाःते एचे बुहालकियानखन हाँय एचेरेबू सेन।

इबरानी 13:18

अले लगापे अरजीगोड ञवन। अले सुनुदीबाःगोतेरा, अलेराः ओंगोल सुद इदा अरू अले जमालेःआरे नपाय लूर नेवनते सलाः लगाले चहाःतना, माःआन।

इबरानी 9:14

मसी, सगर सइट जीयत दोहोनता हाँयग सुद बिरुवाते, भगवान मड़ंगरे बेगर गारबारते बलिदानगुः लगा अनँयग आँयगे जिमायान। दो अबूराः ओंगोल गोएगतो इयाःआ बुताकून अते अबू जीयत भगवानबू सेवा अवे लगा हाँयराः बलंगी चिला लगा अरू मेर सुदकेःबुःआ?

1 पतरस 2:19

भगवानराः ओंगोलपे सुदीकेड अते, अपे अनभनिया कटसियापे सहाव दो अपेराः जीव भगवान लगा भल-भलाय इदा।

1 पतरस 3:16

अपेराः इंदरी सुदपे दोहोगे। दो अपे ईसू मसी एचेरे बिसवासकेड अते, होड़कू अपे बदीरे ओपता घड़ीनकू कताय हों, अपेराः नपाय लूर-नेवन ञेलकेडखनकू गियू जुवाःता।

1 पतरस 3:21

अरू हना दाः बतिसमाराः अउल-तउल इया इदा। ईसू मसी गोएगतो होड़कू अतेय जियाव रेमकिया अते बतिसमाते अपे बनसाव जुवाःता। नाःआ बतिसमाते अपेराः देहराः मइल बुहाल अमिंगगुः लगा कोवानेःआ। मनदो हन बतिसमा अपेराः इंदरी नपायते दोहो ञवन लगा भगवान एचेरे मीटोंग अरजी इया इदा।