मूक चेलाकू 23:21 - Korwa Bible

²¹ मनदो चालीसगोटोंग अते बगरा होड़कू ओकोकियानखन हाँय ञेड एंडाय लगाकू ततंगीतना। हनालगा आम हँकूराः कता इया अहम एचेय। हँकू किरिया कसट जोमकेडखनकू कताकेरा, हाँय अरीनबू ञेड एंडाय वरी तोनोंगाः ओरोबू जोम ञूतेरा, माःआन। अरू हँकू असरातना, हाँय अबूराः ओंगोल इयाय एचेयता, माःआन।”

मूक चेलाकू 23:21 ပူးပေါင်းရင်းမြစ်များ

लूका 11:54

अरू हँकू ईसू एचेरे झुरा-झार सवालकून होंबोर घड़ीन हाँय अनँयग बड़रारे बझावगेय लगा दोंगकू ञामा।

मूक चेलाकू 20:19

एहूदाकू बुइदकून तुलातेडखन ईंगकू संतावतेरा, हनायिंग सहावतेरा अरू ईंग इनिंग हुडिंग ओंगोलकियानखन अपे लगा मुरुक इयाम घड़ीन परबूयिंग सेवातेरा।

मूक चेलाकू 23:22

दो हाँयग मरंग हातपात होड़ हाँयग डिंघा सेतावतिडिगखने कतावाया, “आम तोनोंगीग एचेरे अलोम कताय, ईंग मरंग हातपात होड़ एचेरे हँकूराः बुइद बदीरेयिंग कताकेरा, माःआन।”

मूक चेलाकू 25:3

हँकुःआ होड़कू पउलूस दूनूररेकू एचे ञेडगेय लगाकू ओंगलेःआ। हनालगा हँकू पिसतूस एचेरेकू कताया, “अले मयावाडलेखन आम पउलूस एरुसलेम सहररे एचे अगूगेय।”

रूमी 9:3

होया अवेन दो भगवान ईंग सती-सरापतिरिंगखन ईसू मसीतेयिंग एटाः जुवाः, जेमहा हँकुःआ होड़कू हों ईसू मसीराः दुलारकू सुदी अवे।

2 कुरिंती 11:26

कइन तुरहा सेन वेगरे ईंग लगा नईकूनराः सिकिसता, इनिग होड़कू अते सिकिसता, ईंगरिकुःआ जइत सगा होड़कू अते सिकिसता, बेगर एहूदाकू अते सिकिसता, सहररे सिकिसता, टयंगाब ततेररे सिकिसता, समुंदररे सिकिसता अरू लबरा बिसवासी होड़कू अते सिकिसता होयानेना।