मूक चेलाकू 22:25 - Korwa Bible

²⁵ दो पउलूस ञेडगेय लगाकू एचे बंगातिडिगखनकू तोलतिडिया दो पउलूस मी सव सइनाकूरीग हातपात होड़ एचेरेय होंबोरतेरा, “मी होड़ रूमी देसरीग थनहिया होड़, बेगर फड़ियावते गुरुंदते ञेडेय दो हना, नियम इया हवे जा?”

मूक चेलाकू 22:25 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:17

अपे बेलूर होड़कू अते सवासितीपे दोहोन। हँकू अपे पंचाइतरेकू जिमापेता अरू अँकूराः अरजी ओड़ाःकूनरे अपे गुरुंदतेकू ञेडपेता;

मती ओजाःतेरा भगवानराः नपाय सरवन 27:54

मी सव सइना होड़कूरीग हातपात होड़ अरू ईसूकू अगुरातेरा हँकुःआ होड़कू ओत डोलोवतो अरू नाःआ जमाकून ञेलतेडखन मुनुरुककू बोरोयान अरूकू कतातेड, “सतायरे नाँय भगवानरीग बेटात दोहोना।”

मती ओजाःतेरा भगवानराः नपाय सरवन 8:8

दो हाँयग हातपात होड़ कताया, “ने परबू, आम ईंग ओड़ाः वेग जुकूर ईंग कोवायिंगा। आम मिनीटोंग कताम कताय दो, ईंगरीग सेवकिया होड़ नपाय जुवाःताय।

मूक चेलाकू 10:1

कइसरिया सहररे मी होड़ बेगर एहूदा होड़ दोहोना। हाँयराः ञाव दोहोना कुरनेलियूस। हाँय रूमी देसराः मी सव सइना होड़कूराः इतालिका ञावराः गउदारीग हातपात होड़े दोहोना।

मूक चेलाकू 16:37

मनदो पउलूस कतातेरा, “अलिंग रूमी देसरिकिनाः थनहिया होड़किन हवे अरू बेगर नपाय फड़ियावते हँकू जमा होड़कू मड़ंगरे अलिंगकू ञेडतेडखन जेहेलरेकू एचे सींगतेडलिंग। दो नुँहू कलेकाल वेगकियानखन एचे अड़ाःलिंग लगाकू ओंगलेतना जा? बुरी, नाःआ इया कोवान। हँकू अँननकू अँकू नंडा वेगकियानखनकू एचे उडुंगलिंग।”

मूक चेलाकू 22:26

दो हाँयग मी सव सइनाकूरीग हातपात होड़ नाःआ कताय अयूमतेरा दो हाँय मरंग हातपात होड़ एचेरे सेनेडखने कताया, “आम चिलाम एचेयतना? नाँयग होड़ रूमी देसरीग थनहिया होड़ हवे।”

मूक चेलाकू 23:17

हनते पउलूस मी सव सइनाकूरीग हातपात होड़ राःकेडखन हाँय एचेरेय कताया, “नाँयग डिंघा होड़ मरंग हातपात होड़ एचेरेम गोःयाडीग। नाँयके हाँय एचेरे तोनोंगाः ककता लगा इदा।”

मूक चेलाकू 23:27

एहूदाकू नाँयग होड़ साबतिडिगखन ञेड गोजेय लगाकू ओंगलेःआ, मनदो हाँय रूमी देसरीग थनहिया होड़ हवे माःआनिंग सुदीकेरा अरू हनालगा ईंगरिकुःआ सइनाकू सुदा सेनेकियानखन हाँयिंग सडावतेरा।

मूक चेलाकू 25:16

मनदो ईंग हँकू एचेरेयिंग कतातेरा, बेगर फड़ियावते तोनोंगीग होड़ डंडियावगे दो रूमी देसराः रिती-बिधी इया कोवानेःआ। डंडियावगेय अते मड़ंग हाँयग होड़ कता कुदाय घड़ीन अनँयग बनसाः लगा दाव एमेवाय लगा इदा, माःआन।

मूक चेलाकू 27:1

अले जहाजते इटली देस सेन लगा पिसतूस ओंगोल दोहोतेरा, दो पउलूस अरू एटाः तोलतो होड़कू अगुसतूस ञावराः सइना होड़कूराः गउदारीग हातपात होड़ उलियूस एचेरेकू जिमागोतेडकू।

मूक चेलाकू 27:3

एटाः दिन सइदा सहररेले उतरावनेना अरू उलियूस, पउलूस एचेरे मयावातेडखन पउलूसरिकुःआ सउंगताकू हाँयकू संघरावा लगा हँकू एचेरेय सेने ओवातिरिया।

मूक चेलाकू 27:43

मनदो सइना होड़कूरीग हातपात होड़ पउलूस बनसावगे लगाय चहाःआ। हनालगा हाँय हँकूय रोंकावगोतेड अरू नाःआ इयाय कतातेरा, “पउराव अवेनतकू, हँकुःआ होड़कू मड़ंग दाःरे डेगा लोजोरकियानखन धरीरेपे पार जुवाः।