मूक चेलाकू 22:17 - Korwa Bible

¹⁷ दो ईंग एरुसलेम सहररेयिंग कुदा वेजेडा अरू भगवानराः ओड़ाःरेयिंग अरजीतेरा। हनमेला ईंग मीटोंग दरसनिंग ञेलतेरा।

मूक चेलाकू 22:17 ပူးပေါင်းရင်းမြစ်များ

मूक चेलाकू 26:20

मड़ंगरे दिमसकूस सहररिकुःआ होड़कू, अरू हनते एरुसलेमरिकुःआ होड़कू, अरू जमा एहूदिया राइजरिकुःआ होड़कू, अरू बेगर एहूदाकू जमाकू अँकूराः जीव कसूर अते भगवान अगी कुदाकेडखन, भगवानराः ओंगोल इयाःआ बुताकूनकू एचेय लगा ईंग परसारगोड ञवना।

रूमी 15:19

ईंग बयाव जुवाः इयाःआ बुता अरू चिनहाकूनिंग एचेय लगा, हाँय सुद बिरुवाराः जंगरे एमेवारिंगा। नाःआ इया एरुसलेम सहर अते इलुरिकूम छतर वरी ईंग ईसू मसीराः नपाय सरवन मुरुक बगरा होड़कू एचेरेयिंग परसार उदुःकेरा।

गलातिया 1:18

पेय बरिस तयोमरे ईंग पतरस सुदा जुमाः लगा एरुसलेम सहरिंग सेनेडा अरू हाँय सुदा हंडा पंदरह दिनिंग दोहोना।

इपीसी 3:3

मड़ंगरे नाःआ कता ओकोत दोहोना अरू नुँहू भगवान ईंग एचेरेय एचे उदुःकेरा, अरू हना बदीरे ईंग मड़ंगरे गुनहोनिंग ओजाःतेरा।

उदुःतो कताकून 1:10

परबूराः दिनरे सुद बिरुवातेयिंग पेरेगयान अरू ईंग तयोम अगी मरंग सोहनाई इया मुरुक सटी मीटोंग अरोयिंग अयूमतेरा,