मूक चेलाकू 21:5 - Korwa Bible

⁵ मनदो अले सेनराः बेला होयानेन दो अले हंडातेले सेनेडा। जमा चेलाकू अरू अँकूरिकुःआ एपेराकू अरू लइंकू सहरराः बहरी वरी अले सुदाकू वेजेडा। अरू समुंदर धरीरे उकुड़ोमनेनखनले अरजीतेरा।

मूक चेलाकू 21:5 ပူးပေါင်းရင်းမြစ်များ

मती ओजाःतेरा भगवानराः नपाय सरवन 14:21

अरू हना दिन जोजोमकुःआ अइमीकू अरू लइंकू अड़ाःकेडखन मनारद मरदकू एकला अंदांज पाँच हजारकू दोहोना।

मरकूस 1:40

एटाः दिन ईसू एचेरे मी होड़ कुड़गा होड़ वेजेडा। दो हाँय उकुड़ोमनेनखन ईसू एचेरे संघरा लगाय असेया, “ने मालिक, आम चहाः दो ईंग नपाय अवेगींगताम।”

लूका 22:41

हनते ईसू हँकू अते गुनहोन तोरेरेय सेनेडा अरू हंडा उकुड़ोमवाडखन नाःआ इयाय अरजीःआ,

मूक चेलाकू 15:3

कलसियारिकुःआ बिसवासी होड़कू हँकिनकू वारगोतेड। अरू हँकिन फिनिका छतर अरू समरिया छतर पारनेनखन एरुसलेम अगीकिन सेना अरू सेनेन दूरराः कलसियारिकुःआ बिसवासी होड़कू एचेरेकिन कता उदुःतेरा, बेगर एहूदाकू हों ईसू एचेरेकू बिसवासतेरा, माःआन। नाःआ कता अयूमकेडखन जमा बिसवासी होड़कू बहालयानकू।

मूक चेलाकू 17:10

रइत होयानेन दो ओहेन तिसलूनिका सहररिकुःआ बिसवासी होड़कू पउलूस अरू सिलास बिरिया सहर अगीकू वारगोतेडकिन। हंडाकिन सोदोरनेन दो हँकिन एहूदाकूराः अरजी ओड़ाःरेकिन सेनेडा।

मूक चेलाकू 20:36

नाःआ जमाकून कता उदुःतेडखन हाँय हँकू सुदा उकुड़ोमनेनखनकू अरजीतेरा।

मूक चेलाकू 20:38

पउलूस मड़ंग हँकू एचेरेय कतातेरा, अपे ईंग अरू ओरोपे ञेल अवेतिरिंगा, माःआन। हना कता अयूमतेडखन हँकूराः जीव मुरुक हुडिंगयान। हनते हाँय जहाज वरी नपायतेकू पइड़घाव इदी अटूतिरिया।

मूक चेलाकू 9:40

दो पतरस जमाकू बाहरीय उडुंगगोतडकू। हनते हाँय उकुड़ोमनेनखन भगवान एचेरेय अरजीतेरा। हनते हाँय मुरदा अगी उलटावनेनखने कताया, “तबीता रिमुःमे!” दो हाँय चिड़गाड़याने अरू पतरस ञेलतेडखने दुड़ुःयान।