मूक चेलाकू 21:40 - Korwa Bible

⁴⁰ हाँयग मरंग हातपात होड़ पउलूस कता लगाय ओवाय दो पउलूस सीड़हीरे चड़ाँनेनखन होड़कू एचेरे तिःईतेय अकियावतेडकुःआ। हँकुःआ होड़कू कलेकालयानकू दो हाँय हँकू एचेरे अँननकूराः इबरानी भासीरेय कताया,

मूक चेलाकू 21:40 ပူးပေါင်းရင်းမြစ်များ

लूका 23:38

अरू ईसूराः बोःते सेरमो कठवाराः हुडिंग पटरारे नाःआ इया ओजाःतो दोहोना, नाँय एहूदाकूरीग राजा हवे, माःआन।

एहुना 19:13

नाःआ कता अयूमतेडखन पिलातूस ईसू बाहरीय अगूतिरिया। हंडा दिरि दूर ञावराः मीटोंग ततेर दोहोना, अरू इबरानी भासीरे गबबाता माःआनकू कतावाता। हंडा हाँय फड़ियावगे लगा गदीरेय दुड़ुःनेना।

एहुना 19:17

हनते हँकू ईसूकू गोःयाडीग अरू हाँय अनँयग कुरूस रेमतेडखन एरुसलेम सहर अते इबरानी भासीरे गुलगुता माःआनकू कतावाता, हना बोः खुरपीराः ततेर अगीय सेनेडा।

एहुना 19:20

इबरानी, उनानी अरू लतीन भासीकूनरे हना सरवन ओजाःतो दोहोना अरू कुरूसरे ईसूकू ठोंकावतिरिया हना ततेर एरुसलेम सहरते लेनेसानरे दोहोना। हनालगा मुरुक बगरा एहूदाकू हना सरवनकू बछाव अवेना।

एहुना 5:2

एरुसलेमरे भेड़ा ञावराः हता दुवार कुटीरे मीटोंग दाह दोहोना। इबरानी भासीरे नाःआ दाहराः ञाव दोहोना बेत-हसदा। अरू हना दाहराः चइरो गतर पाँचगोटोंग मरंग परछी दोहोना।

मूक चेलाकू 1:19

एरुसलेमरिकुःआ जमा होड़कू नाःआ कताकू अयूमतेरा। हनालगा हँकू अँकू भासीरे हना दोहोड़ अकलदामा माःआनकू कतावातेरा। हना लबदराः मतलोब बलंगीराः दोहोड़ माःआन हवे।)

मूक चेलाकू 12:17

पतरस हँकुःआ होड़कू कलेकालकू दोहोन लगा तिःईतेय रोंकावतेडकुःआ। हनते हँकू एचेरेय कतातेरा, भगवान ईंग करा उड़ी जेहेल अतेय एचे उडुंगकिरिंगा। हनते हाँय कतातेड, “नाःआ कताकून एकूब अरू एटाः बिसवासी होड़कूपे कता उदुःवा।” हना तयोमरे हाँय हना अते एटाः अगी तोराय।

मूक चेलाकू 13:16

दो पउलूस चड़ाँनेना अरू हाँय अनँयग तिःईते होड़कू उदुःवाडखने कताया, “ने इसराएल होड़कू अरू भगवानपे मान मरजइतगेता हँकुःआ बेगर एहूदाकू, अपे ईंगपे अयूम।

मूक चेलाकू 19:33

एहूदाकू, होड़कू मड़ंगरे सिकंदरकू ढोकलाव अगूतिरिया अरू होड़कू हाँय एचेरे तोनोंग तोनोंग हुकुमकू एमेतेरा। हँकुःआ होड़कू कलेकालकू दोहोन लगा अरू तोनोंगाः बड़रा कता कुदा लगा तिःईतेय उदुःवाकुःआ।

मूक चेलाकू 21:35

दो पउलूस सीड़ही वरीकू अगूतिरिया दो होड़कूराः कड़ीग मुरुक होयानेन अरू हनाते सइनाकू हाँय रेम गोःगेय लगा हँकूके परावयान।

मूक चेलाकू 22:2

हाँय इबरानी भासीरे बड़रा लगाय बुँहड़ीतेरा दो जमा होड़कू जपनावयानकू।

मूक चेलाकू 26:14

दो अले जमा होड़कू ओतरेले कसड़यान अरू इबरानी भासीरे ईंग मीटोंग बड़रायिंग अयूमतेरा, साहूल, साहूल, आम चिला लगा ईंगमे संतावगींगतना? पयनारेम तकिनगे दो आम लगा मुरुक कटसिया होयाःता, माःआन।

मूक चेलाकू 6:1

दो हनानाः दिनरे बिसवासी होड़कू मुरुककू बगरागोड ञवना। दो उनानी भासीकू बड़राता हँकुःआ बिसवासी होड़कू इबरानी भासीकू बड़राता हँकुःआ बिसवासी होड़कू बदीरेकू कुरबुराःआ, सगर दिनराः जोजोम जिनिसकूनराः हटिंगरे अलेरिकुःआ रंडियाहीनकू लगा गुन लकनकू हटिंगवाकूतना, माःआन।

उदुःतो कताकून 16:16

हनते हँकू हँकुःआ राजाकू मी ततेररेकू एचे जुमावतेडकुःआ। हना ततेरराः ञाव इबरानी भासीरे हर-मगीदोन माःआनकू कतावाता।

उदुःतो कताकून 9:11

पतालपूरीग बराहील हँकूरीग राजाय दोहोना। हाँयराः ञाव इबरानी भासीरे अबादोन अरू उनानी भासीरे अपुलियोन इदा। (बनर लबदराः मतलोब लाय एंडायीग हवे।)