मूक चेलाकू 21:31 - Korwa Bible

³¹ हँकुःआ होड़कू पउलूस ञेड एंडा लगाकू ओंगलेःआ दो, जमा सहररे होड़कू कड़ीगकू रेमतना माःआन रूमी देसरिकुःआ सइनाकूरीग मरंग हातपात होड़ एचेरे सरवन सोदोरनेना।

मूक चेलाकू 21:31 ပူးပေါင်းရင်းမြစ်များ

मती ओजाःतेरा भगवानराः नपाय सरवन 26:5

मनदो हँकू कता होड़ेंगा, होड़कू एचेरे तोनोंग इयाराः हलो-गदोड़ी अलो होयाः। हनालगा परोबराः दिनरे हाँय अलोबू एचे सबेय।

मती ओजाःतेरा भगवानराः नपाय सरवन 27:27

दो मरंग हातपात होड़रिकुःआ सइना होड़कू, ईसू सइना होड़कूराः अपीसरेकू गोयाडीग अरू जमा सइना होड़कू ईसूराः चइरो गतरकू एचे जुमावगोतेड।

मरकूस 14:2

मनदो हँकू कताया, “होड़कू एचेरे तोनोंग इयाराः हलो गदोड़ी अहा होयाः। हनालगा परोबराः दिनरे हाँय अलोबू एचे सबेय।”

एहुना 16:2

हँकू अपे अरजी ओड़ाःकून अतेकू उडुंग एंडागोडपेता। मी बेला निचकाःतना अरू हनमेला हँकू अपेकू ञेड एंडागोडपेता अरूकू ओंगलेता, अले भगवानराः सेवाले सेवातना, माःआन।

एहुना 18:12

हनते हँकुःआ सइना होड़कू अरू अँकूरीग हातपात होड़ अरू भगवानराः ओड़ाःरिकुःआ अगुरा होड़कू ईसू तोलतिरिगखनकू साब गोःयाडीग।

मूक चेलाकू 10:1

कइसरिया सहररे मी होड़ बेगर एहूदा होड़ दोहोना। हाँयराः ञाव दोहोना कुरनेलियूस। हाँय रूमी देसराः मी सव सइना होड़कूराः इतालिका ञावराः गउदारीग हातपात होड़े दोहोना।

मूक चेलाकू 17:5

मनदो तोनोंग एहूदाकू इराते पेरेगनेनखन तोनोंग तोनोंग बेलूर होड़कूकू एचे जुमावतेरा अरू जमा सहररे कड़ीगकू एचे रेमतेरा। अरू आसोन ञावीग होड़राः ओड़ाः अगीकू सेनेडा अरू पउलूस अरू सिलास होड़कू तलारे अगूकिन लगाकू ओंगलेःआ।

मूक चेलाकू 19:40

तिसिंग होयानेना हनाते अबू बदीरे, हँकू कड़ीगकू रेमतेरा माःआन तोनोंगीग लालिसगेराः बोर इदा। अरू अबू हनाराः तोनोंगाः कता ओरोबू कता कुदा अवेतेरा।”

मूक चेलाकू 21:38

दो हाँय कता कुदातेरा, “अरे! आम उनानी भासीम बड़रा अवेनता जा? दो तोनोंग बेला मड़ंगरे मीटोंग कड़ीग रेमनेनखन चइर हजार होड़कू टयंगाब ततेररेकू गोःगेया हाँयग मिसिरी होड़ अनम हवे जा?”

मूक चेलाकू 22:22

बेगर एहूदाकू बदीरे पउलूस कताया, हना वरीते होड़कू हाँयराः बड़राकू अयूमतेरा। हना तयोमरे हँकू खिररी घड़ीनकू कताया, “नाँयग होड़ ञेड एंडागेय लगा इदा। नाँय नाःआ चउंदीसरे दोहोन जुकूर कोवाया।”

मूक चेलाकू 23:17

हनते पउलूस मी सव सइनाकूरीग हातपात होड़ राःकेडखन हाँय एचेरेय कताया, “नाँयग डिंघा होड़ मरंग हातपात होड़ एचेरेम गोःयाडीग। नाँयके हाँय एचेरे तोनोंगाः ककता लगा इदा।”

मूक चेलाकू 24:22

हनते ईसूराः दूररिकुःआ होड़कू बदीरे नपाये सुदीया हाँयग पेलिकस अनँयगराः फड़ियाव रोंकावतेडखने कताया, “सइनाकूरीग मरंग हातपात होड़ लुसियास वेग दो आमराः नाःआ कतायिंग फड़ियावगोडता।”

मूक चेलाकू 24:6

हाँय भगवानराः ओड़ाः सात-भाड़गे लगाय कुरनिसतेरा, मनदो अले हाँयले साबतिरिया। [हाँय अले नियम इयाले डंडियावकेःआ,

मूक चेलाकू 24:7

मनदो सइना होड़कूरीग मरंग हातपात होड़ लुसियास हाँय अले तिःईतेय तोतकाव गोःयाडीग।

मूक चेलाकू 25:23

एटाः दिन अगरिपा अरू बिरनिका फड़ियावगेःआकू हना ओड़ाःरेकिन सेनेडा दो होड़कू मुरुक रीझ-रंगतेकू पइड़घाव अगूतेडकिना। अरू हँकिन सुदा सइनाकूरिकुःआ मरंग हातपात होड़कू अरू हना सहररिकुःआ मरंग मरंग होड़कू होंकू दोहोना। हनते पिसतूस पउलूस अगूगे लगाय हुकुमतेरा।

मूक चेलाकू 26:21

हनालगा एहूदाकू भगवानराः ओड़ाःरे ईंग साबकेडखन, ञेड गोएग एंडायिंग लगाकू कुरनिसतेरा।