मूक चेलाकू 21:24 - Korwa Bible

²⁴ नँकुःआ होड़कूम गोः अरू हँकू सुदा आम हों सुद होयाःराः रिती-बिधीकूनमे एचे। अबूराः रिती-बिधी इया हँकू अँकूराः ऊब होसीड अवेकू लगा आम हँकू बलिदान देगगेराः खरचा होंम एमे। हनाते जमाकू सुदीयता आम बदीरेकू अयूमतेरा हनारे तोनोंगाः सताय कोवानेःआ माःआन। मनदो आम अनम नियम इयाम जियाःतना माःआनकू सुदीयता।

मूक चेलाकू 21:24 ပူးပေါင်းရင်းမြစ်များ

एहुना 11:55

पसहा परोब लेनेसान सुदुरुःआ अरू मुरुक होड़कू अँननकू अँकू सुदगुः लगा परोब अते मड़ंग गाँव डीहकून अते एरुसलेम सहरकू सेनेडा।

एहुना 3:25

दो मी दिन सुदगुः लगा तिःईकून अरू काटकून बुहालराः रिती-बिधी बदीरे एहुनारिकुःआ चेलाकू अरू मी होड़ एहूदा होड़ सुदाकू अड़ा-चउकीयान।

मूक चेलाकू 18:18

मुरुक दिन वरी पउलूस कुरिंतीरेय दोहोना। हनते हाँय पिरिसकी अरू अकिला सुदा सिरिया देस अगी जहाजरे तोराकू। पउलूस भगवान एचेरे किरिया कसटे जोमतेरा। हनालगा हँकू सेन अते मड़ंग पउलूस एहूदाकूराः रिती-बिधी इया किंकिरिया सहररे आँयगराः ऊबे एचे ईरगोतेड।

मूक चेलाकू 21:26

एटाः दिन पउलूस हँकुःआ चइरगोटोंग होड़कू सुदा एहूदाकूराः रिती-बिधी इया सुदगुः लगाकू एचेतेरा। हनते हँकू भगवानराः ओड़ाःरे सेनेडखन पउलूस पुजउरी एचेरेय कतातेड, “अलेराः सुदगुःराः दिनरे निनिन मिन दिन बनसावकिया। नाःआमिन दिन पुरावकेडखन अले जमाकू लगा बलिदानले देगता।”

मूक चेलाकू 24:18

अलेराः रिती-बिधी इया सुदकियानखन नाःआ जमाकूनिंग एने एएमेःआ मेला आसियारिकुःआ अदोम एहूदाकू भगवानराः ओड़ाःरे ईंगकू वेग ञामतेरा। अरू हनमेला ईंग एकलायिंग दोहोना अरू तोनोंगाः हलो-गदोड़ीरे मेरिंग मेसागान।

1 कुरिंती 9:20

ईंग एहूदाकू तलारे दोहोन मेला एहूदाकू इयायिंग बड़ाँवनेना, जेमहा हँकू ईसू एचेरेकू बिसवास अवेय। ईंग मोसेसराः नियमराः आड़रे कोवायिंगा। हनते हों हना नियमकू मनाःता हँकुःआ एहूदाकू तलारे ईंग दोहोन मेला, हँकुःआ होड़कू इयायिंग बड़ाँवनेना, जेमहा हँकू ईसू एचेरेकू बिसवास अवेय।

गलातिया 2:12

हाँयराः गारबार नाःआ दोहोना; एकूबरिकुःआ होड़कू हंडा अरीनकू वेग वरी बेगर एहूदा बिसवासी होड़कू सुदाय जोम-ञूया। मनदो हँकू वेजेड दो हाँय हँकू बोतोरते बेगर एहूदाकू सुदा जोम-ञूय लगाय अड़ाःगोतेड।