मूक चेलाकू 21:21 - Korwa Bible

²¹ मनदो आम बदीरे हँकुःआ एहूदाकू एचेरे तोनोंगीग लालिसकेडखने कताया, हाँय बेगर एहूदाकू तलारेय दोहोनता अरू हँकुःआ एहूदाकू अँकूरिकुःआ लइंकू खतनाकू लगा कोवानेःआ अरू मोसेसराः नियम इया तोनोंगाः रिती-बिधी एचेय लगा कोवानेःआ माःआने चेड उदुःवालेतना।

मूक चेलाकू 21:21 ပူးပေါင်းရင်းမြစ်များ

मूक चेलाकू 16:3

दो पउलूस हाँयग तिमुतियूस आँयग सुदा गोःगेय लगाय चहाःआ। हंडाकुःआ एहूदाकू सुसुदीःआ हाँयग तिमुतियूसराः खतना मेर होयागान अरू हाँयरीग अपात बेगर एहूदा होड़े दोहोना। हनालगा पउलूस तिमुतियूसे एचे खतनातेरा।

मूक चेलाकू 21:22

दो नुँहू अबू चिला एचे इदा? हँकुःआ एहूदाकू सुनुदीगोडता, आम नंडाम वेगकिया माःआन।

मूक चेलाकू 21:28

अरू खिररी घड़ीनकू कताया, “ने इसराएल देसरिकुःआ होड़कू, अलेपे संघरावा। नाँयग होड़ जमा देसरिकुःआ होड़कू एचेरे अबू एहूदाकू बदीतेडखन अरू अबूराः नियम अरू भगवान ओड़ाः बदीतेडखने चेडकूतना। हनाते हों कोवान, नाँय बेगर एहूदाकू भगवानराः ओड़ाःरे अगूतेडकूखने एचे सात-भाड़गोतेडा।”

मूक चेलाकू 28:17

पेय दिन तयोमरे पउलूस रूमी सहररिकुःआ एहूदाकूरिकुःआ मूक होड़कूय एचे राः जुमावतेडकुःआ। दो हँकू जुमावनेन दो हाँय हँकू एचेरेय कतातेरा, “ने वपक बोपोहकूतिंग, ईंग अबूरिकुःआ होड़कू बदीरे अरू अबूरिकुःआ खुटिपरिया होड़कूराः रिती-बिधी बदीरे तोनोंगाः गारबार मेरिंग एचेगरा। हनारे हों हँकू एरुसलेमरे ईंगकू साबतेडखन रूमी देसरिकुःआ होड़कू एचेरेकू जिमागोतेडिंगा।

1 तिसलूनिका 2:16

भगवान होड़कूय सडावता, हना सरवन बेगर एहूदाकू एचेरे अले कता उदुःगे अते, हँकुःआ होड़कू अलेकू रोंकावता। हँकुःआ होड़कू मुरुककू कसूरतेरा अरू कसूररेकू तीलयान। अरू हनालगा भगवान हँकू सुदा मुरुक रीसतो इदानिया।