मूक चेलाकू 20:6 - Korwa Bible

⁶ मनदो अले रुटीराः परोब तयोमरे पिलिपी अते जहाजरेले सेनेडा अरू पाँच दिन तयोमरे हँकुःआ होड़कू सुदा तरोवास सहररेले जुमावनेना अरू हंडा सात दिनले दोहोना।

मूक चेलाकू 20:6 ပူးပေါင်းရင်းမြစ်များ

मूक चेलाकू 12:3

नाःआ कता एहूदाकू लगा मंजूरयान हना हरदोस सुदीगोतेड दो हाँय पतरस होंय एचे साबतेरा। पसहा परोब अरू रुटीराः परोब मेलारे नाःआ कता होयानेना।

मूक चेलाकू 16:10

पउलूस नाःआ दरसन ञेलतेडखन तयोमरेय सुदीगोतेड, मकिदुनिया देसरिकुःआ होड़कू एचेरे भगवानराः नपाय सरवन कता उदुः लगा भगवान अलेय राःतना, माःआन। अरू ओहेन मकिदुनिया देस सेन लगाले सपड़ावनेना।

मूक चेलाकू 16:12

हंडा अले जहाज अते उतरावनेनखन पिलिपी सहर दुनूर दूरले सेनेडा। हना सहर मकिदुनिया राइजराः मीटोंग मरंग सहर दोहोना अरू रूमी देसरिकुःआ होड़कू हंडा मुरुककू दोहोना। अरू अले दो मुरुक दिन वरी हंडाले दोहोना।

मूक चेलाकू 16:8

हनालगा हँकू मूसिया छतर पारनेनखन समुंदर धरीराः तोरोवास सहररेकू सेनेडा।

मूक चेलाकू 20:16

होनायाःकून करे पिंतिकूसतराः दिन अते मड़ंग ओहेन एरुसलेम सुदुरुः लगा पउलूस ओंगोलतेरा। हनालगा हाँय आसिया राइजरे दोहोन अते इपीसी सहर जहाजते सेने पार लगाय ओंगोल दोहोतेरा।

मूक चेलाकू 20:5

नँकुःआ होड़कू अले अते मड़ंगकू सेनेडखन तरोवासरे अलेकू तंगीतेरा।

मूक चेलाकू 21:4

हना वरीते अले हंडाकुःआ तोनोंग तोनोंग बिसवासी होड़कू सुदाले जुमावनेना अरू हँकू सुदा सात दिन वरीले दोहोना। भगवानराः सुद बिरुवाते हँकू पउलूस एरुसलेम अलोय सेन लगाकू कतातेरा।

मूक चेलाकू 21:8

एटाः दिन अले कइसरियाले सोदोरनेना अरू भगवानराः नपाय सरवन परसारीग होड़ पिलिपराः ओड़ाःरेले दोहोना। हाँय एरुसलेमरे ईसूरिकुःआ मूक चेलाकू संघरा एमेवा लगाय सुनावतेडकुःआ हँकुःआ सातगोटोंग सेवकियाकू अते मी होड़े दोहोना।

मूक चेलाकू 28:14

हंडा अले बिसवासी होड़कू सुदाले जुमावनेना अरू हँकू कतातेड अते अले हँकू एचेरे सात दिनले दोहोना। अरू हनन इया अले रूमी सहर अगी तोराले।

पिलिपी 1:1

ने अजी बोपोहकूतिंग, पिलिपी सहररे इदानकुःआ अरू ईसू मसी सुदाकू मिनीयना हँकुःआ जमा भगवानरिकुःआ सुद होड़कू अरू कलसियारिकुःआ मूक होड़कू अरू सेवकियाकू अपे लगा ईसू मसीरिकिनाः सेवादारकिन अलिंग पउलूस अरू तिमुतियूस, नाःआ चिठीलिंग ओजाःगेतना।

1 तिसलूनिका 2:2

अरू अले अपे एचेरे वेग अते मड़ंग पिलिपी सहररिकुःआ होड़कू अले संतावतेडखनकू एचे बेग-हतावातेडलेःआ। मनदो भगवान डीड़े एमेवातेडलेःआ अरू हँकू मुरुककू घंटावतेडलेःआ अते हों अपे एचेरे सेनेडखन भगवानराः नपाय सरवनले उदुःतेरा।

2 तिमुतियूस 4:13

तोरोवास सहररे करापूस एचेरेयिंग अटूकेरा हना झोकोड़ कोटमे अगू दरवा। ईंगराः कागदकून होंम अगूगे अरू हना भेड़ा हेड़ेराः कागदकून जरूरमे अगू दरवा।