मूक चेलाकू 20:38 - Korwa Bible

³⁸ पउलूस मड़ंग हँकू एचेरेय कतातेरा, अपे ईंग अरू ओरोपे ञेल अवेतिरिंगा, माःआन। हना कता अयूमतेडखन हँकूराः जीव मुरुक हुडिंगयान। हनते हाँय जहाज वरी नपायतेकू पइड़घाव इदी अटूतिरिया।

मूक चेलाकू 20:38 ပူးပေါင်းရင်းမြစ်များ

मूक चेलाकू 15:3

कलसियारिकुःआ बिसवासी होड़कू हँकिनकू वारगोतेड। अरू हँकिन फिनिका छतर अरू समरिया छतर पारनेनखन एरुसलेम अगीकिन सेना अरू सेनेन दूरराः कलसियारिकुःआ बिसवासी होड़कू एचेरेकिन कता उदुःतेरा, बेगर एहूदाकू हों ईसू एचेरेकू बिसवासतेरा, माःआन। नाःआ कता अयूमकेडखन जमा बिसवासी होड़कू बहालयानकू।

मूक चेलाकू 20:25

नुँहू ईंग सुदीयतना ईंग भगवानराः राइज बदीरे अपे एचेरेयिंग परसार उदुःतेरा अपे अते तोनोंगीग होड़, ईंग अनउर ओरोपे ञेल अवेतिरिंगा।

मूक चेलाकू 21:16

कइसरियारिकुःआ तोनोंग तोनोंग बिसवासी होड़कू हों अले सुदाकू सेनेडा। सइपरासरीग मी होड़ होड़ हंडाय दोहोना। हाँयराः ञाव दोहोना मनासोन। हाँय मुरुक बरिस वरीते ईसूरीग चेलाय दोहोना। अरू मनासोनराः ओड़ाःरे अले रोंकाः लगा हँकुःआ बिसवासी होड़कू अलेकू गोःतेडलेःआ।

मूक चेलाकू 21:5

मनदो अले सेनराः बेला होयानेन दो अले हंडातेले सेनेडा। जमा चेलाकू अरू अँकूरिकुःआ एपेराकू अरू लइंकू सहरराः बहरी वरी अले सुदाकू वेजेडा। अरू समुंदर धरीरे उकुड़ोमनेनखनले अरजीतेरा।

मूक चेलाकू 25:26

मनदो नाँय बदीरे कइसर मरंग राजा एचेरे तोनोंग इयाःआ ओजाःगे लगा ईंग एचेरे कोवानेःआ। हनालगा अपे जमाकू मड़ंगरे बिसेक, ने अगरिपा राजा, अनम मड़ंगरे नाँय ईंग अगूकिरिया, जेमहा आम जासकिरिगखन नाँय बदीरे कहिसाः ईंग ओजाःगे लगायिंग पवाः।

1 कुरिंती 16:11

हाँय हुडिंग अहापे ओंगलेय। अपे सुदा दोहोकियानखन हाँय ईंग एचेरेय कुदा वेगता। हनलगा अपे हाँय अहाल बहालतेपे पइड़घावगोडेय। तिमुतियूस एटाः बिसवासी होड़कू सुदा ईंग एचेरेय कुदा वेगता। हनालगा ईंग हाँयिंग टोहातना।

गलातिया 6:10

हनालगा अबू जमाकू सुदा होया अवेन हनामिन, बिसेक बिसवासी होड़कू संघरागोड ञवन लगा इदा।