मूक चेलाकू 20:35 - Korwa Bible

³⁵ ईंग एचेतेरा, हना बुताकूनते जमा बुताकून मुरुक मिहनइत घड़ीनपे एचेय लगा अरू गरीब होड़कू संघरावाकू लगायिंग उदुःवाडपेःआ। परबू ईसू कतातेरा, गोगोः अते एएमे लगा ननपाय इदा, हना कता होँपे उहियारगोड ञवन।”

मूक चेलाकू 20:35 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:8

हसूत होड़कूपे नपायगोड, कुड़गा होड़कूपे नपायगोड, गोएगतो होड़कूपे जियाव रेमगोड अरू होड़कू अते भूतकू एचे उडुंगगोडकूपे। अपे बेगर दामतेपे पवावकिया हना अपे बेगर दामते होड़कूपे एमेगोडवा।

मूक चेलाकू 20:20

अपे नाःआ होँपे सुदीयतना, अपे लगा नफा दोहोना हना कताकून परसार उदुः अते मेरिंग रोंकावगाड। मनदो जमा होड़कू तलारे अरू ओड़ाः ओड़ाः सेनेवाडखनिंग चेडगोड ञवना।

मूक चेलाकू 20:27

हनालगा ईंग कता उदुःगेतना, तोनोंगीग होड़ बेगर बिसवासतेय गोएग जुवाः दो, हाँयराः जिमेवारी ईंगराः ओरो दोहोनेना।

मूक चेलाकू 20:34

अपे अँननपे अपे सुदीयतना ईंग इनिंग तिःईते बुतातेडखन ईंग लगा अरू ईंगरिकुःआ सेवा देंगवा होड़कू लगा हों जियाः जिनिसकूनिंग पुरावतेडकुःआ।

मूक चेलाकू 20:36

नाःआ जमाकून कता उदुःतेडखन हाँय हँकू सुदा उकुड़ोमनेनखनकू अरजीतेरा।

रूमी 15:1

ईंगरिकुःआ अजी बोपोहकूतिंग, अबू बिसवासरे बड़ियाड़ इदानबुःआ। हनालगा अबू अँननबू अबू अलोबू ननायगुः। मनदो बिसवासरे अबड़कू दोहोनता हँकुःआ होड़कू, सहाव घड़ीन संघरावाकू लगा इदा।

1 कुरिंती 9:12

ईसूरिकुःआ एटाः मूक चेलाकू अपे अते नफाकू पवाव अवेन दो अलिंग अपे अते अरू बगरा नफा पवाः लगा हातपात इदा। हनते हों अलिंग मेरलिंग हातपातगाड, मनदो अलिंग जमा बरानाः कटसियालिंग सहवेता, जेमहा ईसू मसीराः नपाय सरवन अपे बिसवासगे लगा अलिंग अगीते तोनोंगाः टटी-बेड़ा अहा होयाः।

2 कुरिंती 11:12

दो ईंग सेसेवातना हनन इयायिंग सेवागोड ञवनता, जेमहा ईंग सुदा अउल-तउलगुः लगा दोंगकू ञामता हँकुःआ होड़कू अलोकू बड़वार अवेन, अले हों पउलूस इयाले सेसेवातना, माःआन।

2 कुरिंती 11:9

अरू ईंग अपे एचेरेयिंग दोहोन मेला ईंग लगा हुडिंग बगरा होयानेना दो, ईंग अपे लगा तोनोंगाः बोझा मेरिंग एमेगाड। मनदो मकिदुनिया राइज अतेकू वेजेडा हँकुःआ बिसवासी होड़कू ईंगराः जरुरइतकू एमे पुरावगोतेरा। अरू इनिंग अपे लगा तोनोंग इयाःआ बोझा होयाः अतेयिंग रोंकावनेना अरूयिंग रोनोंकावगोड ञवनता।

2 कुरिंती 12:13

ईंग एटाः कलसियारिकुःआ होड़कू लगायिंग एचेतेरा हना तोनोंगाः अपे लगा मेरिंग एचेगरा जा? हाव, ईंग अपे लगा मीटोंग कता मेरिंग एचेगरा। ईंगराः गुजर मसर सलाः लगा अपे मेरिंग बोझा ओवागाडपेःआ। दो नाःआ गारबार हवे माःआनपे ओंगलेतान होले हान अपे जीवतेपे बराव एंडागोड।

2 कुरिंती 8:9

अपे सुसुदीतना अबूरीग परबू ईसू मसी मयावाडबुःआ। हाँय सेरमो देसरे गिरहते दोहोन हों हाँय अपे लगाय गरीबयान, जेमहा हाँय गरीबगुः अते अपे भगवान बदीरेपे गिरहत जुवाः।

इपीसी 4:28

इनिगगेःआ हाँयग होड़ अरू अहाय इनिगगे, मनदो नुँहू वरीते हाँय अनँयग तिःईते नपाये बुता जोम, जेमहा हाँय तोनोंग तोनोंग जिनिसकूनराः हुडिंग बगरा इदानकुःआ हँकुःआ होड़कूय संघरा अवेवाकू।

1 तिसलूनिका 4:11

अरू जमाकू सुदा सलसतरेपे दोहोन। अँननपेराः बुतापे ञेल, अरू अले चेडतेपेःआ हना इया अँनपे तिःईतेपे बुता,

1 तिसलूनिका 5:14

ने अजी बोपोहकूतिंग, अले अपे एचेरेले असेयतना कुड़ही होड़कूपे सेताव, पोंकाहा होड़कूराः जीवपे बड़ियाड़गोड, सतवास होड़कूपे संघरावा अरू कटराहा होड़कू इया अहापे होयाः।

इबरानी 13:16

एटाः होड़कू नपायते संघरावाकू लगा अरू हटिंगवाकू लगा अलोपे लिड़िंगे। ननन इयाःआ बलिदानते हमा भगवान ननायगुःता।

इबरानी 13:3

जेहेलरे सींगतोकू दोहोनता हँकुःआ होड़कू अपे, अले हों सींगतो इदानलेःआ, माःआन ओंगोलकेडखन उहियारगोड अरू अले अँननले संतावतो इदानलेःआ माःआन ओंगोलकेडखन संतावतोकू दोहोनता हँकुःआ होड़कूपे उहियारगोड ञवन।

3 एहुना 1:7

नँकुःआ होड़कू ईसूराः सेवा लगा अँकू ओड़ाः अते एटाः एटाः देसकू सेनता अरू बेगर बिसवासी होड़कू अते तोनोंग इयाःआ संघरा ओरोकू गोःतेरा।