मूक चेलाकू 20:33 - Korwa Bible

³³ ईंग तोनोंगीग होड़राः चाँदी, सोना सहे सोनहे लगा मेरिंग अंदूगान।

मूक चेलाकू 20:33 ပူးပေါင်းရင်းမြစ်များ

1 कुरिंती 9:12

ईसूरिकुःआ एटाः मूक चेलाकू अपे अते नफाकू पवाव अवेन दो अलिंग अपे अते अरू बगरा नफा पवाः लगा हातपात इदा। हनते हों अलिंग मेरलिंग हातपातगाड, मनदो अलिंग जमा बरानाः कटसियालिंग सहवेता, जेमहा ईसू मसीराः नपाय सरवन अपे बिसवासगे लगा अलिंग अगीते तोनोंगाः टटी-बेड़ा अहा होयाः।

1 कुरिंती 9:15

मनदो ईंगराः गुजर मसर सलाव लगा नाःआ इयाःआ तोनोंगाः मेरिंग हकतियारगाड। अरू नुँहू वरीते अपे अते नफा पवाः लगा हों नाःआ इया मेरिंग ओजाःगेतना। ईंग इनिंग मिहनइतकेडखन ईंगराः गुजर मसरिंग सलावता हना बदीरे ईंग मेरिंग बड़वार अवेकुः दो ईंग गोनेग जुवाः नपाय इदा।

1 कुरिंती 9:18

दो ईंगराः इमान चिला हवे? ईंग नपाय सरवन बेगर दामतेयिंग परसारगेता अरू सरवन परसारकेडखन हनाराः इमान पवाः लगा अपे एचेरे ईंगराः हकतियार मेरिंग उपयोतगेता। अरू हनानाः ईंगराः इमान हवे।

1 कुरिंती 9:4

ईसूराः सेवा मेला ईंग अरू बरनाबास अपे एचेरे ओरोलिंग जोम ञू अवेतेरा जा?

2 कुरिंती 11:7

ईंग इनिंग हुडिंगकियानखन अपे मरंग बड़ाँवपे लगा अपे एचेरे भगवानराः नपाय सरवन कहिसाः अपे अते बेगर गोःतेयिंग परसारतेरा दो ईंग कसूरगोतेरा जा?

2 कुरिंती 11:9

अरू ईंग अपे एचेरेयिंग दोहोन मेला ईंग लगा हुडिंग बगरा होयानेना दो, ईंग अपे लगा तोनोंगाः बोझा मेरिंग एमेगाड। मनदो मकिदुनिया राइज अतेकू वेजेडा हँकुःआ बिसवासी होड़कू ईंगराः जरुरइतकू एमे पुरावगोतेरा। अरू इनिंग अपे लगा तोनोंग इयाःआ बोझा होयाः अतेयिंग रोंकावनेना अरूयिंग रोनोंकावगोड ञवनता।

2 कुरिंती 7:2

अले बदीरे अपेराः दुलारपे उदुःगोड। अले तोनोंगीगराः कहिसाः मेरले आडगरा, तोनोंगीग सुदा बेलूर मेरले एचेगरा अरू तोनोंगीग मेरले अडिगगरा।

1 तिसलूनिका 2:5

अपे सुसुदीतना अले बोनाव बड़राते सहे लुभिया होड़कू इया बुइद तुलाकेडखन अपे सुदा मेरले कतागाड। नाःआ कता बदीरे भगवान अलेरीग हिदइतदार इदानिया।

1 पतरस 5:2

भगवान अपे एचेरेय जिमाःकेडकुःआ हँकुःआ होड़कू मी होड़ सरवाहा अनँयगरिकुःआ भेड़ाकूय तिहाकूता हनन इया नपायतेपे तिहा हड़ाःकू। तोनोंगीगराः रेनहाते सहे गियू जुवाः इयाःआ नफा पवाः लगा कोवान, मनदो अपे मिनी जीवते भगवान ननाय जुवाः लगा हाँयराः ओंगोल इया हँकूपे तिहागोड ञवन।

3 एहुना 1:7

नँकुःआ होड़कू ईसूराः सेवा लगा अँकू ओड़ाः अते एटाः एटाः देसकू सेनता अरू बेगर बिसवासी होड़कू अते तोनोंग इयाःआ संघरा ओरोकू गोःतेरा।