मूक चेलाकू 20:27 - Korwa Bible

²⁷ हनालगा ईंग कता उदुःगेतना, तोनोंगीग होड़ बेगर बिसवासतेय गोएग जुवाः दो, हाँयराः जिमेवारी ईंगराः ओरो दोहोनेना।

मूक चेलाकू 20:27 ပူးပေါင်းရင်းမြစ်များ

मती ओजाःतेरा भगवानराः नपाय सरवन 28:20

ईंग अपेयिंग हुकुमवारा हना जमा कताकून मनाः लगा हँकूपे चेडकू। अयुमेपे, नाःआ जूग अरीन टुटीगगुः वरी, ईंग सगर सइट अपे सुदायिंग दोहोनता।”

लूका 7:30

मनदो फरीसी होड़कू अरू नियम चेडदार होड़कू एहुनाराः बतिसमा मेरकू गोःगाड अते, भगवानराः हिछाकू टड़ावगोतेड।

एहुना 15:15

तोनोंगीग बेगारी होड़ आँयगरीग मालिकराः ओंगोल मेरेय सुदीयता। हनालगा ईंग अपे नुँहू वरीते बेगारी होड़कू माःआन ओरोयिंग कतावातेडपेःआ। ईंग अपांग एचेरेयिंग अयूमकेरा, हना जमा कताकून अपेयिंग कता उदुःवाडपेःआ। हनालगा ईंग अपे ईंगरिकुःआ सउंगताकू माःआनिंग कतावापेता।

मूक चेलाकू 13:36

दाऊद आँयग जूगरिकुःआ होड़कू भगवानराः ओंगोल इया सेवातेडकूखने गोएगनेना अरू हाँयराः मुरदा दो सेयायना।

मूक चेलाकू 2:23

भगवान मड़ंगरेय ओंगोल दोहोतेरा हना ओंगोल अरू बुइद इया नाँयग होड़ अपे एचेरेय जिमातिरिया अरू बेगर एहूदाकूराः संघराते अपे हाँय कुरूसरेपे ठोंकाव गोएग एंडागोतेडीग।

मूक चेलाकू 20:20

अपे नाःआ होँपे सुदीयतना, अपे लगा नफा दोहोना हना कताकून परसार उदुः अते मेरिंग रोंकावगाड। मनदो जमा होड़कू तलारे अरू ओड़ाः ओड़ाः सेनेवाडखनिंग चेडगोड ञवना।

मूक चेलाकू 20:35

ईंग एचेतेरा, हना बुताकूनते जमा बुताकून मुरुक मिहनइत घड़ीनपे एचेय लगा अरू गरीब होड़कू संघरावाकू लगायिंग उदुःवाडपेःआ। परबू ईसू कतातेरा, गोगोः अते एएमे लगा ननपाय इदा, हना कता होँपे उहियारगोड ञवन।”

1 कुरिंती 11:23

परबू ईंगे चेडतेरा हनानाः कता अपेयिंग चेडतना। परबू ईसूकू एचे साबा हनानाः रइत हाँय रुटी तिःईरेय साबतेरा,

2 कुरिंती 4:2

मनदो ओनोक दनंगकू एचेयता हना गियुः इयाःआ बुताकूनले अड़ाः एंडागोतेरा। अले चलहू होड़कू इया मेरले सलाःता अरू भगवानराः सरवनरे एटाः तोनोंगाः सरवन मेरले मेसायता। मनदो अले बदीरे भगवान सुनुदीबाःगोडता, हँकू जमा होड़कू एचेरे ईंगराः सताय सरवनकू कता उदुःगेता, माःआन। नाःआते अले बदीरे जमा होड़कू अँननकूराः इंदरीरेकू सुदीबाःगोडता, हँकू भगवान ननायगुः जुकूर इदानकुःआ, माःआन।

गलातिया 4:16

ईंग अपे एचेरे सतायिंग कता उदुःगोड ञवना, दो ईंग अपेरीग मुदइ होड़िंग बड़ाँवयना जा?

इपीसी 1:11

भगवान अनँयग ओंगोल अरू हिछा इया जमाकूने एचेगोड ञवनता। हनन इया हाँय ईसू मसीते अबू सुनावकेडखन इताडदारकू बड़ाँःबू लगा मनाड़ंगतेय ओंगोल दोहोकेरा।

1 तिसलूनिका 2:4

मनदो भगवान लुंबाड़ दोहोकेडकूखन नपाय सरवन कता उदुःगे लगाय जिमावाडकुःआ हँकुःआ होड़कू इयाले कतातेरा। हनालगा होड़कू एचे ननायकू लगा कोवान, मनदो अबूराः ओंगोले जासता हाँयग भगवान ननायगेय लगाले कतायतना।