मूक चेलाकू 2:22 - Korwa Bible

²² ने इसराएल होड़कू, ईंगपे अयूम, अपे तलारे ञेनेल ञेलरे होड़कू नपाय जुवाःता हना बुता, मुरुक बयाव जुवाः इयाःआ बुताकून अरू चिनहाकून नसरत सहररीग ईसूते एचेतेडखन भगवान हाँये लुंबाड़ दोहोकिरिया, हना कता अपे नपायतेपे सुदीयतना।

मूक चेलाकू 2:22 ပူးပေါင်းရင်းမြစ်များ

मती ओजाःतेरा भगवानराः नपाय सरवन 12:28

ईंग भगवानराः जंगरते भूतकूयिंग उडुंगतान दो, भगवानराः राइज अपे तलारे बुँहड़ीकिया।”

मती ओजाःतेरा भगवानराः नपाय सरवन 2:23

हनते हाँय नसरत सहररेय सेनेडखन हंडाय बसावनेना। मड़ंगरे भगवानराः बड़रा कता होड़कू कतातेरा, “हाँय नसरतरीग होड़ माःआनकू कतावायता,” हनन इया नाःआ होयाकिया।

मती ओजाःतेरा भगवानराः नपाय सरवन 9:8

नाःआ कता जमा होड़कू ञेलतेड दो, हँकू मुरुककू बयावयान अरू मनुवाकू नाःआ इयाःआ जंगरे एमेकेरा हाँयग भगवानकू जागतेरा।

लूका 11:20

ईंग भगवानराः जंगरते भूतकूयिंग उडुंगतान दो भगवान आँयगराः राइज अबू तलारेय बुँहड़ीकेरा।”

लूका 18:37

दो हँकुःआ होड़कू हाँय एचेरेकू कताया, “नसरत सहररीग ईसू नाःआ दूरतेय पारतना।”

लूका 24:18

दो हँकिन अते किलियोपास ञावीग होड़ कताया, “एरुसलेमरे मड़ंग दिनरे चिन चिला होयानेना हना कता हंडाकू वेगनेना हँकुःआ होड़कू अते अनम एकला मेरेम अयूमगरा जा?”

एहुना 1:45

दो पिलिपूस, नतनएल सुदा जुमावनेनखन हाँय एचेरेय कतातेरा, “भगवानराः नियम कागदरे मोसेस अरू भगवानराः बड़रा कता होड़कू इये बदीरेकू ओजाःतेरा, हाँयग होड़ सुदाले जुमावनेना। अरू हनाँय हवे नसरत सहररीग उसूपरीग बेटात ईसू।”

एहुना 10:37

ईंग भगवानराः बुता मेरिंग एचेयतना दो ईंग एचेरे अलोपे बिसवासगे।

एहुना 11:47

हनते मरंग पुजउरीकू अरू फरीसी होड़कू अँकूराः मरंग पंचाइत राःतेडखनकू कताया, “अबू नाँय करा इयाबू करजेय? नाँयग होड़ दो मुरुक बयाव जुवाः इयाःआ बुताकूने एचेयतना।

एहुना 12:17

ईसू लाजर गोएगतो अतेय जियाव रेमतेड मेला हाँय सुदाकू दोहोना हँकुःआ होड़कू हना बदीरे होड़कूकू कता उदुःवातेरा।

एहुना 15:24

तोनोंगीग होड़ नुँहू वरी मेरेय एचेगरा हना बुता ईंग हँकू तलारे मेरिंग एचेकेः दो, हँकू एचेरे कसूरराः बोझा ओरो होयाकुःआ। मनदो हँकू ईंग अरू ईंगराः बुताकू ञेलकेरा अरू ईंग अरू ईंग अपांग बनरकू हिनइस-बिनइसवारा।

एहुना 19:19

पिलातूस ईसू बदीरे मीटोंग जाः सरवन एचे ओजाःतेडखन हना कुरूसरेय एचे ठोंकावतेरा। हना सरवन नाःआ इया ओजाःतो दोहोना, नसरेतरीग ईसू, एहूदाकूरीग राजा।

एहुना 3:2

दो हाँय मी दिन, रइत मेला ईसू एचेरे सेनेडखने कताया, “ने गुरुजी, भगवान आम सुदा मेरेय दोहोकुः दो, आम एचेयता हना बयाव जुवाः इयाःआ बुता तोनोंगीग ओरोय एचे अवेतेरा। हनालगा अले सुसुदीतना आम भगवान अगीते अले चेडले लगाम वेगकिया।”

एहुना 4:48

दो ईसू कतातेरा, “अपे बयाव जुवाः इयाःआ बुताकून अरू चिनहाकून मेरपे ञेल वरी अपे ओरोपे बिसवासतेरा।”

एहुना 5:36

“बुता पुरावगे लगा अपांग ईंग एचेरेय जिमाःतेरा अरू नुँहूयिंग एचेयतना, हना बुता पुरावगे लगा अपांग ईंगे वारकेरा। नाःआ ईंग बदीरे हिदइत इया दोहोनता अरू एहुनाराः हिदइत अते मरंग इदा।

एहुना 6:14

ईसूराः बयाव जुवाः इयाःआ नाःआ बुता होड़कू ञेलतेडखनकू कताया, “सतायरे नाँयग होड़ चउंदीसरे वेग लगाय दोहोना हाँयग भगवानराः बड़रा कतायीग होड़ हवे।”

एहुना 6:27

लुलिग जुवाःता हना जोम जिनिसकून लगा एकला अहापे मिहनइतगे, मनदो ओरो लुलिगनेना अरू ओरो टुटीगनेना जीव एमेयता हना जोम जिनिसकून लगा होँपे मिहनइतगे। हना दो मनुवारीग बेटात अपे लगाय एमेवापेता। हना एमे लगा अपांग भगवान हनाँय एकला हातपाते ओवाडिया।”

एहुना 7:31

हनते हों मुरुक होड़कू हाँय एचेरेकू बिसवासतेरा अरूकू कताया, “मसी वेग मेला नाँयग होड़ अते बगरा बयाव जुवाः इयाःआ बुताकूने एचेयता जा?”

एहुना 9:33

अरू नाँय भगवानरीग होड़ अहाय दोहोकुः दो, हाँय कहिसाः ओरोय एचे अवेकेःआ।”

मूक चेलाकू 13:16

दो पउलूस चड़ाँनेना अरू हाँय अनँयग तिःईते होड़कू उदुःवाडखने कताया, “ने इसराएल होड़कू अरू भगवानपे मान मरजइतगेता हँकुःआ बेगर एहूदाकू, अपे ईंगपे अयूम।

मूक चेलाकू 14:27

हंडाकिन सोदोरनेन दो हँकिन जमा बिसवासी होड़कूकिन एचे जुमावतेडकुःआ अरू हँकिनते भगवान एचेतेरा अरू भगवान बेगर एहूदाकू ईसू एचेरे करा उड़ीकू बिसवासतेरा हना जमाकूनकिन कता उदुःतेरा।

मूक चेलाकू 2:19

ईंग सेरमोरे बयाव जुवाः इयाःआ चिहनाकूनिंग उदुःवाकूता अरू ओतरे चिनहाकूनिंग उदुःवाकूता, दो बलंगी, सेंगेल अरू मुरुक सोकोल होया जुवाःता।

मूक चेलाकू 2:43

ईसूरिकुःआ मूक चेलाकू मुरुक बयाव जुवाः इयाःआ बुताकूनकू एचेःआ अरू जमा होड़कू बयावनेनखनकू बोरोयान।

मूक चेलाकू 21:28

अरू खिररी घड़ीनकू कताया, “ने इसराएल देसरिकुःआ होड़कू, अलेपे संघरावा। नाँयग होड़ जमा देसरिकुःआ होड़कू एचेरे अबू एहूदाकू बदीतेडखन अरू अबूराः नियम अरू भगवान ओड़ाः बदीतेडखने चेडकूतना। हनाते हों कोवान, नाँय बेगर एहूदाकू भगवानराः ओड़ाःरे अगूतेडकूखने एचे सात-भाड़गोतेडा।”

मूक चेलाकू 22:8

दो ईंग होंबोरतिरिया, परबू आम इये हवे? हनते हाँय कता कुदातेरा, आम संतावगेयतना हाँयग नसरेतरीग ईसू इनिंग हवे, माःआन।

मूक चेलाकू 24:5

अले नाँयग होड़ सिकिसता एमे होड़ अरू चउंदीसरिकुःआ जमा एहूदाकू बहकावतोले ञेलकिरिया अरू नाँय नासरी ञावराः गारबारतेःआ गउदारीग अगुवा होड़ हवे।

मूक चेलाकू 26:26

ईंग राजा मड़ंगरे बेगर बोरतिंग कतायता, हना कता हाँय होंय सुदीयता। अरू नाःआ कताकून जमाकू मड़ंगरे होयानेना अरू ईंग बिसवासगेतना हना तोनोंगाः कता हाँय अते ओकोत कोवानेःआ।

मूक चेलाकू 26:9

नसरतरीग ईसूराः ञावकू गोःता हँकुःआ होड़कू बदीतेडखन जेमिनिंग एचे अवेयता हनामिन एचेय लगायिंग ओंगोल दोहोबाःकातेरिंगा।

मूक चेलाकू 3:12

पतरस नाःआय ञेलतेड दो हाँय हँकू एचेरेय कतातेरा, “ने इसराएलरिकुःआ होड़कू, नाःआ कताते अपे चिला लगापे बयावयना? अले अँननलेराः जंगरते सहे नपाय जीवते नाँयग होड़ले नपायतेरा माःआन ओंगोलकेडखन चिला लगा अलेपे कियोः-कोबोःवातना?

मूक चेलाकू 3:6

मनदो पतरस कतातेड, “ईंग एचेरे सोना अरू चाँदी कोवानेःआ, मनदो ईंग एचेरे इदा हना ईंग एमेवामतिंग। नसरेतरीग ईसू मसीराः ञावतेम सेन।”

मूक चेलाकू 4:10

दो अपे अरू जमा इसराएलरिकुःआ होड़कू नाःआ कतापे सुदीगे लगा इदा। अपे कुरूसरेपे ठोंकाव गोएगतिरिया अरू भगवान गोएगतो होड़कू अतेय जियाव रेमकिरिया हाँयग नसरतरीग ईसू मसीराः ञावते अपे मड़ंगरे चड़ाँत इदानिया नाँयग होड़ नपाययनाय।

मूक चेलाकू 5:35

हनते हाँय मरंग पंचाइतरिकुःआ होड़कू एचेरेय कतातेरा, “ने इसराएल होड़कू, नँकुःआ होड़कू तोनोंग इया करेगकू अते मड़ंग नपायतेपे ओंगोल बुझावा।

मूक चेलाकू 6:14

नाँय नाःआ इया कततले अयूमकिरिया, नसरतरीग ईसू भगवानराः नाःआ ओड़ाःए रुबगोडता अरू मोसेस एमेकेरा हना नियम अरू रिती-बिधी अते एटाः इयाःआ नियम अरू रिती-बिधीय एमेवाबूता, माःआन।”

2 कुरिंती 12:12

बयाव जुवाः इयाःआ बुताकून अरू चिनहाकून सहाव घड़ीन ईंग अपे तलारेयिंग एचे उदुःतेरा। हना अते अपे सुदीगोतेडपे जा, हाँय हों मी होड़ मूक चेला हवे, माःआन?

इबरानी 2:4

चिनहाकूनते अरू बयाव जुवाः इयाःआ बुताकूनते अरू एटाः एटाः इयाःआ ञेनेल ञेलरे नपाय जुवाःता हना बुताकूनते, अरू अनँयग हिछा इया होड़कूय हटिंगवातेरा हाँयग सुद बिरुवाराः दहिनकूनते भगवान, हाँयराः सरवन सताय हवे माःआन हिदइते उदुःबाःगोतेडा।