मूक चेलाकू 19:9 - Korwa Bible

⁹ मनदो हँकुःआ होड़कू अते अदोम होड़कूराः जीव केटेगयानखन हँकू मेरकू बिसवासगाड अरू ईसूराः दूर बदीरे ओपता घड़ीन होड़कू एचेरेकू कता उदुःतेरा। हनालगा पउलूस अरजी ओड़ाः सेन लगाय अड़ाःगोतेड अरू बिसवासी होड़कू हाँय सुदा गोःतेडखन तरनूसराः चेड ओड़ाःरे सगर दिनकू कता होड़ेंगगोड ञवना।

मूक चेलाकू 19:9 ပူးပေါင်းရင်းမြစ်များ

मती ओजाःतेरा भगवानराः नपाय सरवन 15:14

अपे फरीसी होड़कू अते तोनोरे तोरेपे दोहोन। हँकू अंधा मूक होड़कू इदानकुःआ। तोनोंगीग अंधा होड़ अनंधा होड़ दूरे उदुःवाय दो बना होड़ डोडहारेकिन रेम बोलो जुवाःता।”

मती ओजाःतेरा भगवानराः नपाय सरवन 16:4

नाःआ जूगरिकुःआ बेलूर अरू सनहा-सनही होड़कू सेरमो अते चिनहाकूनकू ञामता। मनदो हँकू एवनाराः चिनहा अते अरू एटाः तोनोंगाः चिनहा ओरोकू पवावनेना।” हनते ईसू हँकू अड़ाःवाडखन एटाः अगीय सलावयान।

मती ओजाःतेरा भगवानराः नपाय सरवन 26:55

हनमेला ईसू होड़कू एचेरेय कतातेड, “अपे ईंग लुलुड़ी होड़ ओंगोलवाडिंगखन ससाब लगा तलवइरकून अरू हापकून साबकेडखनपे वेगकिया जा? ईंग सगर दिन भगवान ओड़ाःरे अपे सुदायिंग दोहोना अरू होड़कूयिंग चेडा। दो अपे हंडा ईंग मेरपे साबगडिंग।

एहुना 12:40

हाँय हँकूराः मेडे अंदरागोतेड, अरू हँकूराः जीवे केटेगगोतेड नाःआते हँकू अँकू मेडते अहाकू ञेल अरू जीवरे अहाकू सुदी अवेय अरू ईंग एचेरे हँकू नपायगुः लगा जीव अहाकू कुदागे। हनालगा हँकू मेरकू बिसवास अवेगाड।

मूक चेलाकू 11:26

हाँय सुदाय जुमावनेन दो अंतकियारे साहूले अगूतेरा। हँकिन मी बरिस वरी हना कलसियारिकुःआ होड़कू सुदाकिन दोहोना, अरू मुरुक होड़कूकिन चेड ञवना। चेलाकू अंतकिया सहररे मड़ंग मसी होड़कू माःआनकू एचे कतानेना।

मूक चेलाकू 14:4

मनदो हना सहररिकुःआ होड़कू बार बंटाकू बेगरावयान, अदोमकू एहूदाकू सुदा अरू अदोमकू ईसूरिकिनाः मूक चेलाकिन सुदा।

मूक चेलाकू 17:4

तोनोंग तोनोंग एहूदाकू अरू भगवानकू मान मरजइतता हँकुःआ बेगर एहूदाकू अरू हना सहररिकुःआ तोनोंग तोनोंग मरंग मरंग अइमीकू हों नाःआ कता बिसवासकेडखन पउलूस अरू सिलास सुदा बिसवासी होड़कूराः गउदारेकू मेसायान।

मूक चेलाकू 19:23

दो हनानाः दिनरे ईसूराः दूरकू साबा हँकुःआ होड़कू लगा मुरुक संताव होयानेना।

मूक चेलाकू 19:30

पउलूस होड़कू मड़ंगरे सेन लगाय चहाःआ, मनदो एटाः बिसवासी होड़कू हाँय मेरकू सेने ओवागडीग।

मूक चेलाकू 20:31

हनालगा सवासितीपे दोहोन। अंदांज पेय बरिस वरी ईंग इयाम घड़ीन दिन रइत अपेयिंग सेतावगोड ञवना।

मूक चेलाकू 22:4

नाःआ दूररिकुःआ होड़कू, मरदकू अरू अइमीकू साबतेडखन जेहेलरेयिंग एचे सींगगोतेडकुःआ अरू हँकूयिंग ञेड गोएग एंडा वरी होयिंग संतावतेडकुःआ।

मूक चेलाकू 24:21

हनमेला ईंग मिनीटोंग कता हँकूराः तलारे चड़ाँकियानखनिंग कतातेरा, गोएगतो होड़कू जियाव रिमुःता हना बदीरे तिसिंग अपे मड़ंगरे ईंगराः फड़ियाव होयाःतना, माःआन।”

मूक चेलाकू 28:22

अले सुदीयतना नाःआ गारबारतेःआ गउदारिकुःआ होड़कू बदीरे जमा ततेररिकुःआ होड़कू मिरिस-मिरिसता। मनदो नँकुःआ होड़कू बदीरे आम एचेरे चिला ओंगोल इदा, हना आम अते अयुमे लगाले चहाःतना।”

मूक चेलाकू 7:51

दो इसतपनूस अरूय कताया, “अपे तुड़ेंग-तपेग होड़कू हवे अरू मुरुक हेहेर होड़कू इदानपेःआ। अपे भगवानराः तोनोंगाः बड़रा अयूम लगा सहे मनाव लगा अपे मेरपे चहाःतना। अपे अपेरिकुःआ खुटिपरिया होड़कू इया इदानपेःआ। अपे सुद बिरुवा भगवानराः बड़रा कता होड़कू एचेरे कतातेरा, हना कतापे एरंगवाःआ।

मूक चेलाकू 9:2

हनालगा हाँय मूक पुजउरी एचेरे सेनेडखने कतातेड, “दिमसकूसराः अरजी ओड़ाःरिकुःआ हातपात होड़कू लगा मीटोंग चिठी ओजाःकेडखन ईंगमे एमेवा जेमहा, हना सहररे ईसू एचेरे बिसवासकेडखन हना दूररेकू सेनता हँकुःआ होड़कू, मरदकू अरू अइमीकू साबकेडखन तोल रहावकेडकूखन एरुसलेम अगींग एचे कुदा अवेकू।”

रूमी 11:7

दो नाःआते चिला होयानेना? इसराएल होड़कू अते मुरुक होड़कू भगवान हँकूय सडावकू लगा तिंगीड घड़ीनकू ञामा, मनदो हँकू मेरकू ञाम अवेगाड। भगवान सुनाव दोहोकेडकुःआ हँकुःआ होड़कू ञाम अवेतेरा। मनदो एटाः होड़कूराः जीव कटकट केटेगयान।

रूमी 9:18

दो भगवान मयावा लगाय ओंगलेयता हनाँयग होड़े मयावाता, अरू भगवान जीव केटेगगे लगाय ओंगलेता हनाँयग होड़राः जीवे केटेगगोडता।

1 कुरिंती 16:9

नंडाकुःआ होड़कू मुरुककू घंटावगिंगतना। हनते हों नंडा परबूराः सेवा लगा ईंगके मुरुक दाव इदा।

1 तिमुतियूस 6:5

नाःआ इया होड़कू अनभनिया कड़ीगकू रेमगोडता। अरू हँकूराः जीव आडतो इदा अरू हँकू मेरकू सुदीयता सताय चिला हवे। हँकू ओंगलेता, धरमराः दूररे मुरुक नफा इदा, माःआन।

2 तिमुतियूस 1:15

आम सुदीयतना आसियारिकुःआ अदोम बिसवासी होड़कू ईंगकू अड़ाःगोतेडा। पुगलूस अरू हिरमुगनेस, हँकिन हों ईंगकिन अड़ाःगोतेडा।

2 तिमुतियूस 3:5

हँकुःआ होड़कू धरमराः भेसरेकू दोहोनता, मनदो भगवानराः जंगर ओरोकू मनावनेना। हनन इयाकुःआ होड़कू अते तोनोरेम दोहोन।

2 तिमुतियूस 4:2

भगवानराः सरवनमे परसार। अरू सगर बेला परसारगे लगा सपड़ावतोम दोहोन। मुरुक सहाव घड़ीन होड़कूम मंदरावकू अरूम डंटावकू अरूम कता बहालवाकू अरू भगवानराः सरवन नपायतेम चेडकू।

इबरानी 3:13

अपे सगर दिन कता बहाल होड़ेंगगोड ञवन, जेमहा तोनोंगीग कसूररे अलोय बझाः अरू जीव अलो कटकटगुः।

2 पतरस 2:12

हँकुःआ होड़कू बोको जानरकू इया बेगर ओंगोलते इदानकुःआ अरू ञेड एंडाकू लगाकू होयाकिया। हँकू मेरकू सुदीयता हनानाः कताकून बदीरे एटाः होड़कूकू ओपताता अरू हँकू पहाड़ जानरकू इयाकू लाय एंडा जुवाःता।

2 पतरस 2:2

अरू मुरुक बगरा होड़कू हों हँकूराः सनहा-सनहिःआ दूरकू साबता, अरू हँकुःआ होड़कू अते, होड़कू सताय दूरकू बदीगेता।

जूदा 1:10

हनारे हों नँकुःआ होड़कू हँकू मेरकू सुदीयता हना कताकून बदीरे हों एरंग बड़राकू बड़राता अरू बोको जानरकू इया बेगर ओंगोलते इदानकुःआ अरू हना कताकूनते हँकू अँननकू अँकू लाय जुवाःता।