मूक चेलाकू 18:6 - Korwa Bible

⁶ मनदो एहूदाकू हाँय मुरुककू घंटावतिडिया, अरू ओपताय घड़ीनकू कतावाया दो, पउलूस आँयगराः सोनहे मीटोंग चिनहा इया हँकूराः बदीरेय कोटातेडखने कताया, “भगवान अपेय डंडियाता हनाराः जिमेवारी अँननपेराः होयाःता। नुँहू वरीते ईंग बेगर एहूदाकू एचेरे भगवानराः नपाय सरवनिंग कता उदुःता।”

मूक चेलाकू 18:6 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:14

अरू तोनोंगीग अपे मेरकू नेत-नेवारपे अरू अपेराः कता मेरकू अयूमगे दो, हँकूराः सहर सहे ओड़ाः अते अपे उडुंग मेला अपेराः काट अते धुंदराकून कोटा एंडा अटूपे।

मती ओजाःतेरा भगवानराः नपाय सरवन 21:41

हँकू हाँय एचेरेकू कता कुदातेड, “हाँय हँकुःआ बेलूर होड़कू मुरुक कटसिया एमे घड़ीने लाय एंडाकूता। हनते हाँय अंगूरराः बगइचा अनँयग बंटा जोःओकू एमेवायता हँकुःआ एटाः अधियादारकू एचेरेय एमेगोडता।”

मती ओजाःतेरा भगवानराः नपाय सरवन 21:43

हनालगा ईंग अपे एचेरेयिंग कतायतना, भगवानराः राइज अपे अते चलाः एंडा जुवाःता अरू नपाय जोःओकू जोःता हँकुःआ एटाः जइत होड़कू हनाकू पवाःता।

मती ओजाःतेरा भगवानराः नपाय सरवन 22:10

दो सेवकियाकू दोफा दूरकूनरे सेनेकियानखन करेय हेन नपाय होड़कू सहे करेय हेन बेलूर होड़कू हँकू सुदाकू जुमावनेना, हँकुःआ जमा होड़कूकू एचे जुमावतेडकुःआ अरू हना बियाह ओड़ाः गुतिया होड़कूतेकू पेरेगगोतेड।

मती ओजाःतेरा भगवानराः नपाय सरवन 27:25

जमा होड़कू कतातेड, “हाव, नाँयग होड़राः गुजुःराः जिमेवारी अलेराः अरू अलेरिकुःआ लइंकूराः होया जुवाः।”

मती ओजाःतेरा भगवानराः नपाय सरवन 8:11

अरू ईंग अपे एचेरेयिंग कतायतना, मुरुक बगरा होड़कू पुरुब अरू पछिम अते वेगकियानखन अपेरिकुःआ खुटिपरिया होड़कू इबराहीम अरू इसहाक अरू एकूब सुदा सेरमो देसरे जोजोम सरबहारेकू दुड़ुःता।

लूका 22:65

हनन इया हँकू ईसू बदीरे अरू मुरुक ओपता बड़राकू कताःआ।

लूका 9:5

तोनोंग सहररिकुःआ होड़कू अपे मेरकू नेत-नेवारपे दो हँकूराः सहर अते बहरी सेन मेला हँकूराः बदीरे मीटोंग चिनहा इया अपेराः काटराः धुंदरा कोटा एंडा अटूपे।”

मूक चेलाकू 13:51

हनालगा हँकिनाः होड़किन अँकिनराः काट अते धुंदराकून कोटा एंडागोतेडखन इकुनियुम सहर अगी तोराकिन।

मूक चेलाकू 26:11

अरू ईंग मीटोंग अरजी ओड़ाः अते एटाः अरजी ओड़ाः सेनेडखन हँकूयिंग संतावा अरू ईसूराः बदीरेयिंग एचे ओपताकुःआ। हँकू बदीरे ईंगराः रीस मुरुक दोहोना अरू हँकू संतावकू लगा एटाः एटाः राइजराः सहरकूनरे होयिंग सेनेडा।”

मूक चेलाकू 26:20

मड़ंगरे दिमसकूस सहररिकुःआ होड़कू, अरू हनते एरुसलेमरिकुःआ होड़कू, अरू जमा एहूदिया राइजरिकुःआ होड़कू, अरू बेगर एहूदाकू जमाकू अँकूराः जीव कसूर अते भगवान अगी कुदाकेडखन, भगवानराः ओंगोल इयाःआ बुताकूनकू एचेय लगा ईंग परसारगोड ञवना।

मूक चेलाकू 28:28

हनालगा अपे सुदीयापे, भगवान होड़कूय सडावता हना नपाय सरवन नुँहू बेगर एहूदाकू लगा हों इदा अरू हना हँकू बिसवासगेता।”

रूमी 3:29

भगवान एकला एहूदाकूरीग भगवान हवे जा? अरू बेगर एहूदाकूरीग भगवान ना लवे जा? हाव, हाँय जनामा होड़कूरीग भगवान हवे।

1 तिमुतियूस 5:22

तोनोंगीग होड़राः बोःरे ओहेन तिःई खेपाकेडखन मूक होड़ अहाम बड़ाँवगेय। अरू आम तोनोंगीगराः कसूररे अहम मेसान अरू अनम आम सुदमे दोहोन।

2 तिमुतियूस 2:25

अरू घघंटाव होड़कू बेगर रीसते मंदरावकू लगा इदा। होनोयाःकून करे भगवान हँकूराः जीवकून कसूर अतेय एचे कुदायता अरू हँकुःआ होड़कू तयोमरे सनाताय कताकू सुदी अवेयता,

1 पतरस 4:14

भगवानराः अगम मरंग बिरुवा अपे एचेरे इदा। हनालगा अपे ईसू मसी एचेरे बिसवासगेतान अते, होड़कू अपेकू एरंगवाता, दो अपेराः जीव भगवान नपायगोडता।

1 पतरस 4:4

मनदो नुँहू अपेरिकुःआ मड़ंगकुःआ सउंगताकू इया अपे तुड़ेंग-तपेग होड़कू कोवापेःआ। हना अते हँकू मुरुककू बयाव जुवाःता अरू अपे बदीरे ओपता बड़राकू बड़राता।