मूक चेलाकू 18:22 - Korwa Bible

²² हाँय कइसरिया सहररेय सोदोरनेन दो हाँय एरुसलेम सहरराः कलसियारिकुःआ होड़कू सुदा जुमावनेनखने सलामतेडकुःआ। हनते हाँय अंतकिया अगी तोराय।

मूक चेलाकू 18:22 ပူးပေါင်းရင်းမြစ်များ

मूक चेलाकू 10:1

कइसरिया सहररे मी होड़ बेगर एहूदा होड़ दोहोना। हाँयराः ञाव दोहोना कुरनेलियूस। हाँय रूमी देसराः मी सव सइना होड़कूराः इतालिका ञावराः गउदारीग हातपात होड़े दोहोना।

मूक चेलाकू 10:24

एटाः दिन हँकू कइसरिया सहररेकू सोदोरनेना। कुरनेलियूस अनँयगरिकुःआ जइत सगाकू अरू निकता सउंगताकू राःतेडकूखन पतरस अरू आँयग सुदाकू वेगा हँकुःआ होड़कूय तंगीःआ।

मूक चेलाकू 11:11

दो हननमेला कइसरिया सहर अतेकू वारतेडकुःआ हँकुःआ पेनेय होड़कू, ईंग दोहोना हना ओड़ाःरेकू वेग चड़ाँनेना।

मूक चेलाकू 13:1

अंतकियाराः कलसियारे तोनोंग तोनोंग भगवानराः बड़रा कता होड़कू अरू चेडदार होड़कू होंकू दोहोना। हँकूराः ञाव दोहोना बरनाबास, निगर माःआन एटाः ञाव दोहोना हाँयग सिमोन, कुरेनरीग लुकियूस, हरदोस सुदा मिनी सउंगताकिन दोहोना हाँयग मनाहेम अरू साहूल।

मूक चेलाकू 14:26

मड़ंगरे अंतकियारिकुःआ बिसवासी होड़कू पउलूस अरू बरनाबास, परसार बुता लगा सेनेन मेला हँकिन लगा भगवान एचेरेकू अरजीःआ। हना बुता हँकिन चबातेडखन अतलिया अते हँकिन जहाजते अँननकिनराः सिरिया छतरराः अंतकिया सहर अगीकिन कुदा सेनेडा।

मूक चेलाकू 15:23

हँकू हँकिन तिःईरे नाःआ चिठीकू एमे ओतोंगगोडतेरा। अले अपेरिकुःआ वपक बोपोहकू, ईसूरिकुःआ मूक चेलाकू अरू कलसियारिकुःआ अगुवा होड़कू, अंतकिया सहर, सिरिया सहर अरू किलिकिया छतररिकुःआ बेगर एहूदा बिसवासी होड़कू लगा अले अगीते मसी सलाम।

मूक चेलाकू 15:30

दो हँकुःआ चइरगोटोंग होड़कू, कलसियारिकुःआ होड़कू वारतेडकुःआ अरू हँकू अंतकिया सहर तोराकू। हंडा सेनेडखन हंडाकुःआ बिसवासी होड़कू एचेरेकू जुमावनेन अरू हँकू हना चिठीकू एमेवातेडकुःआ।

मूक चेलाकू 15:35

अरू पउलूस अरू बरनाबास अंतकियारेकिन दोहोना। हँकिन हंडा परबूराः सरवन एटाः होड़कू सुदाकिन परसार उदुःतेरा अरूकिन चेडतेडकुःआ।

मूक चेलाकू 15:4

हँकिन एरुसलेमकिन सोदोरनेन दो कलसियारिकुःआ बिसवासी होड़कू, ईसूरिकुःआ मूक चेलाकू अरू कलसियारिकुःआ अगुवा होड़कू हँकिनकू नेत-नेवारतेडकिना। दो हँकिन हँकू एचेरे भगवान अँकूतेय एचेतेरा हना जमाकूनकिन कता उदुःतेरा।

मूक चेलाकू 23:23

हनते हाँयग मरंग हातपात होड़ आँयगरिकुःआ मी सव सइनाकूरिकिनाः बारगोटोंग हातपात होड़किन राःतेडखने हुकुमवातेडकिन, “बार सव सइना होड़कू, सतरगोटोंग घोड़ा सलाव होड़कू अरू बरछा साबतो बार सव होड़कू कइसरिया सहररे तिनिसिंग खर-बियाड़ी रइत सेन लगापे सपड़ाव दोहोका।

मूक चेलाकू 25:1

कइसरियारे सोदोरनेनखन पेय दिन तयोमरे पिसतूस हंडा अते एरुसलेम अगी तोराय।

मूक चेलाकू 25:9

पिसतूस एहूदा मूक होड़कू एचे बहालकू लगा पउलूस एचेरेय कतातेरा, “आम बदीरे जाः बड़रा इदा हना ईंग फड़ियावगे लगा एरुसलेमरे सेन लगाम चहाःतना जा?”

मूक चेलाकू 8:40

मनदो भगवानराः सुद बिरुवा असदोद सहररे पिलिपे गोः सोदोरतिरिया अरू हाँय कइसरिया सहर अरीन सुदुरुः वरी जमा सहरकूनरे भगवानराः नपाय सरवन होड़कू एचेरे परसार उदुःवा घड़ीने सेना।