मूक चेलाकू 18:2 - Korwa Bible

² दो हाँय हंडा पुंतूस छतररीग अकिला ञावीग एहूदा होड़ सुदाय जुमावनेना। हाँय आँयग अइमी पिरिसकी सुदा इटली देसराः रूमी सहर अतेय वेजेडा। कइसर मरंग राजा कलाउदियूस जमा एहूदाकू रूमी सहर अड़ाःकेडखन ञीर लगाय कतावातेडकुःआ। हनालगा हँकिन रूमी सहर अड़ाःतेडखन कुरिंती सहररेकिन सेनेडा।

मूक चेलाकू 18:2 ပူးပေါင်းရင်းမြစ်များ

मूक चेलाकू 11:28

हँकू अते मी होड़राः ञाव दोहोना अगबूस। हाँय जमाकू तलारे चड़ाँनेनखन सुद बिरुवा एचे कता इयाय कता उदुःतेरा, “जमा चउंदीसरे कतकाल होयाःता।” (अरू हना कतकाल मरंग राजा कलाउदियूस राइजगेःआ हनमेला होयानेना।)

मूक चेलाकू 18:18

मुरुक दिन वरी पउलूस कुरिंतीरेय दोहोना। हनते हाँय पिरिसकी अरू अकिला सुदा सिरिया देस अगी जहाजरे तोराकू। पउलूस भगवान एचेरे किरिया कसटे जोमतेरा। हनालगा हँकू सेन अते मड़ंग पउलूस एहूदाकूराः रिती-बिधी इया किंकिरिया सहररे आँयगराः ऊबे एचे ईरगोतेड।

मूक चेलाकू 18:26

हाँय बेगर बोरते अरजी ओड़ाःरेय कतागोड ञवना। दो हाँयराः बदीरे पिरिसकी अरू अकिला अयूमतेरा दो हँकिन हाँय अँकिन ओड़ाःरेकिन राःतिरिया अरू भगवानराः दूर अनउर नपायतेकिन कता उदुःवातेडिया।

मूक चेलाकू 2:9

अबू पारथी राइजरिकुःआ, अरू मेदी राइजरिकुःआ, अरू एलाम राइजरिकुःआ, अरू मेसोपोटोमिया राइजरिकुःआ, अरू एहूदिया छतररिकुःआ, अरू कपादूकिया राइजरिकुःआ, अरू पुंतूस राइजरिकुःआ अरू आसिया राइजरिकुःआ,

मूक चेलाकू 27:1

अले जहाजते इटली देस सेन लगा पिसतूस ओंगोल दोहोतेरा, दो पउलूस अरू एटाः तोलतो होड़कू अगुसतूस ञावराः सइना होड़कूराः गउदारीग हातपात होड़ उलियूस एचेरेकू जिमागोतेडकू।

मूक चेलाकू 27:6

दो हंडा सिकंदिरिया सहरराः मीटोंग जहाज इटली देस अगी सेना हना जहाजरे, हाँयग सइनाकूरीग हातपात होड़ अलेय एचे देगतेरा।

1 कुरिंती 16:19

आसिया राइजराः कलसियाकूनरिकुःआ होड़कू अपेकू सलामतना। अपे परबू एचेरेपे बिसवासगेतना। हनालगा अकवीला अरू हाँयरीग अइमी पिरिसकीराः ओड़ाःरेकू दुड़ुःता हँकुःआ बिसवासी होड़कू सुदा अपे हिया घड़ीनकू सलामपेतना।

2 तिमुतियूस 4:19

दो ईंग अगीते अकिला अरू हाँयगरीग अइमी पिरिसकी, अरू उनेसिपुरुसराः ओड़ाःरिकुःआ होड़कू सलामकूमे।

इबरानी 13:24

अपेरिकुःआ जमा मूक होड़कू अरू जमा सुद होड़कू ईंग अगीते मसी सलाम। इतालीया देसरिकुःआ बिसवासी होड़कू अपेकू मसी सलामतना।

1 पतरस 1:1

ईंग पतरस, ईसू मसीरीग मूक चेला, पुंतूस राइजरे, अरू गलातिया राइजरे, अरू कपादूकिया राइजरे, अरू आसिया राइजरे, अरू बितुनिया राइजरे, दुरीन देसरिकुःआ होड़कू इया सितिर-बितिरकियानखनपे दोहोनता भगवानरिकुःआ सुनावतो होड़कू, अपे लगा नाःआ चिठीयिंग ओजाःगेतना।