मूक चेलाकू 18:12 - Korwa Bible

¹² गलियो, अकाया छतररीग मरंग हातपात होड़े बड़ाँवनेन मेला, एहूदाकू पउलूस बदीरे मिनीनेनखन हाँय कोट कछेरीरेकू अगूतिरिया।

मूक चेलाकू 18:12 ပူးပေါင်းရင်းမြစ်များ

मती ओजाःतेरा भगवानराः नपाय सरवन 27:19

पिलातूस गदीरे फड़ियावगे लगाय दुड़ुःआ हनमेला आँयगरीग अइमी हाँय एचेरे मीटोंग सरवने वारतेरा, “हाँयग सुधिया होड़राः जीवरे तोनोंगाः अलोम एचे। हाँय बदीरे ईंग मीटोंग सपनायिंग ञेलकेरा अरू हनाते नुँहू वरी ईंगराः जीव ओंगोल कुंभलाःतना।”

एहुना 19:13

नाःआ कता अयूमतेडखन पिलातूस ईसू बाहरीय अगूतिरिया। हंडा दिरि दूर ञावराः मीटोंग ततेर दोहोना, अरू इबरानी भासीरे गबबाता माःआनकू कतावाता। हंडा हाँय फड़ियावगे लगा गदीरेय दुड़ुःनेना।

मूक चेलाकू 13:12

दो हना डुगुरीग मरंग हातपात होड़ सेरगियूस-पउलूस परबू ईसूराः चेडतो बदीरेय बयावयान। हनालगा हाँय नाःआ जमाकून ञेलतेडखन भगवानराः सरवनरेय बिसवासतेरा।

मूक चेलाकू 13:50

मनदो एहूदाकू हना सहररिकुःआ मरंग मरंग होड़कू अरू भकतीनकू दोहोना अदोम गिरहत अइमीकू, पउलूस अरू बरनाबास बदीरेकू एचे रीसवाकुःआ। हँकुःआ होड़कू पउलूस अरू बरनाबास बदीरे कड़ीगकू एचे रेमतेरा अरू हँकूराः सिमान अतेकू एचे उडुंगगोतेडकू।

मूक चेलाकू 13:7

हाँय हना डुगुराः मरंगीग हातपात होड़ सिरगियूस पउलूसरीग सउंगताय दोहोना। हाँयग मरंगीग हातपात होड़ मुरुक कनहूनदार होड़े दोहोना अरू हाँय बरनाबास अरू साहूल अते भगवानराः सरवन अयूम लगा हँकिने एचे राःतेरा।

मूक चेलाकू 13:8

दो हाँयग जादो होड़ हँकिने घंटावतेरा अरू हाँयग मरंग हातपात होड़ भगवानराः सरवन बिसवासगे अते रोंकावगेय लगाय चहाःआ।

मूक चेलाकू 14:19

हना तयोमरे अंतकिया अरू इकुनियुम अतेकू वेगनेना हँकुःआ एहूदाकू अँकूराः बड़राते लिसितरारिकुःआ होड़कूकू कता बहकावगोतेडकू। हनते हँकू पउलूस दिरितेकू तेके ञेडतिरिया अरू नाँय गोएगयनाय माःआनकू ओंगोलतेड अरू हँकू पउलूस सहर अते बाहरीकू ओर उडुंगतिरिया।

मूक चेलाकू 14:2

मनदो ईसू एचेरे मेरकू बिसवासगाड हँकुःआ एहूदाकू, बेगर एहूदाकू एचेरे बिसवासी होड़कू बदीरे बेलूर बेलूर कतावाडकूखनकू एचे रीसवाकुःआ।

मूक चेलाकू 17:13

तिसलूनिकारिकुःआ एहूदाकू पउलूस बिरिया सहररे भगवानराः सरवने परसारगेतना माःआनकू अयूमतेरा दो हँकू हंडाकू सेनेडा अरू पउलूस बदीरे होड़कूकू एचे जुमावतेडखन कड़ीगकू रेमा।

मूक चेलाकू 17:5

मनदो तोनोंग एहूदाकू इराते पेरेगनेनखन तोनोंग तोनोंग बेलूर होड़कूकू एचे जुमावतेरा अरू जमा सहररे कड़ीगकू एचे रेमतेरा। अरू आसोन ञावीग होड़राः ओड़ाः अगीकू सेनेडा अरू पउलूस अरू सिलास होड़कू तलारे अगूकिन लगाकू ओंगलेःआ।

मूक चेलाकू 18:11

दो पउलूस हना सहररे मी बरिस छो महिना वरीय दोहोना अरू भगवानराः सरवने कता उदुःतेरा।

मूक चेलाकू 18:27

अपोलोस अकाया छतर सेन लगाय ओंगलेःआ दो इपीसी सहररिकुःआ बिसवासी होड़कू हाँयकू कता बहालगोतेडीग अरू अकायारिकुःआ बिसवासी होड़कू हाँयकू नेत-नेवारगेय लगा चिठीकू ओजाः इदीतेरा। हाँय हंडाय सोदोरनेना दो भगवानराः मयातेकू बिसवासतेरा हँकुःआ अकाया छतररिकुःआ बिसवासी होड़कू लगा मुरुक संघरा होयानेना।

मूक चेलाकू 19:21

नाःआ जमाकून होयानेन तयोमरे पउलूस मकिदुनिया राइज अरू अकाया छतर पारनेनखन एरुसलेम सेन लगाय ओंगोल रायनेना। हाँय कताया, “हंडा सेनेकियानखन ईंगके रूमी सहर हों सेन लगा इदा।”

मूक चेलाकू 25:10

दो पउलूस कतातेरा, “ईंग रूमी देसराः कोट कछेरीरे चड़ाँत इदानिंगा। अरू ईंगराः फड़ियाव ननंडा होयाः लगा इदा। अरू ईंग एहूदाकू बदीरे तोनोंगाः गारबार मेरिंग एचेगरा। हना नपायतेम सुदीयतना।

रूमी 15:26

मकिदुनिया राइजरिकुःआ अरू अकाया राइजरिकुःआ बिसवासी होड़कू अँनकूराः आन-धानते एरुसलेमरिकुःआ गरीब बिसवासी होड़कू संघरावाकू लगा बहालते बिहिरीकू उतराववाडकुःआ।

रूमी 16:5

हँकिन ओड़ाःरेकू जुमाःता हँकुःआ जमा बिसवासी होड़कू ईंग अगीतेपे सलामगोडकू। इपेनितूस ईंगरीग दुलार सउंगता हवे। हाँय आसिया राइजरे जमाकू अते मड़ंग, ईसू मसी एचेरेय बिसवासकेरा। अपे हाँयपे सलामगोड।

1 कुरिंती 16:15

ने ईंगरिकुःआ अजी बोपोहकूतिंग, अपे सुसुदीतना अकाया देसरे इसतपनूसराः ओड़ाःरिकुःआ होड़कू मड़ंग ईसू एचेरेकू बिसवासतेरा। हँकू भगवानरिकुःआ सुद होड़कू संघरावा लगा मुरुक सपड़ावतोकू दोहोनता।

2 कुरिंती 1:1

ने अजी बोपोहकूतिंग, भगवानराः हिछा इया ईसू मसीरीग मूक चेला इदानिंगा ईंग पउलूस, अबूरीग बिसवासी बोहोबू तिमुतियूस सुदा, अपे कुरिंती सहररे इदानकुःआ, भगवानराः कलसियारिकुःआ होड़कू लगा, अरू अकाया देसरे इदानकुःआ भगवानरिकुःआ एटाः सुद होड़कू लगा हों नाःआ चिठी ईंग ओओजाःतना।

2 कुरिंती 11:10

मसीराः सताय कता इयायिंग कतायतना। हनालगा ईंग ननन इयायिंग भल-भलायगुःता हना कता बदीरे जमा अकाया देसरिकुःआ होड़कू अते तोनोंगीग ईंगराः आह ओरोकू रिपूट अवेतेरा।

2 कुरिंती 11:26

कइन तुरहा सेन वेगरे ईंग लगा नईकूनराः सिकिसता, इनिग होड़कू अते सिकिसता, ईंगरिकुःआ जइत सगा होड़कू अते सिकिसता, बेगर एहूदाकू अते सिकिसता, सहररे सिकिसता, टयंगाब ततेररे सिकिसता, समुंदररे सिकिसता अरू लबरा बिसवासी होड़कू अते सिकिसता होयानेना।

2 कुरिंती 9:2

अपे संघरावाकू लगा ओसताज इदानपेःआ हनायिंग सुसुदीतना। अरू ईंग मकिदुनिया राइजरिकुःआ बिसवासी होड़कू एचेरे अपे बदीरे नपायिंग कताकेरा, कोनालोम वरीते अकाया राइजरिकुःआ होड़कू संघरावाकू लगा ओसताज इदानकुःआ, माःआन अरू अपे ओसताज इदानपे अते हँकू होंकू ओसताजयना।

1 तिसलूनिका 2:14

ने अजी बोपोहकूतिंग, हनन इया अपे हों ईसू मसी एचेरेकू बिसवासतेरा हँकुःआ एहूदिया छतररे भगवानराः कलसियारिकुःआ बिसवासी होड़कूरिकुःआ ञेल सिखात होड़कूपे बड़ाँवयना। हनालगा अपेरिकुःआ जइत सगा होड़कू, एहूदाकू हंडाकुःआ बिसवासी होड़कूकू एचे कटसियातेडकुःआ, हनन इया अपे होंकू एचे कटसियातेरा।

1 तिसलूनिका 2:16

भगवान होड़कूय सडावता, हना सरवन बेगर एहूदाकू एचेरे अले कता उदुःगे अते, हँकुःआ होड़कू अलेकू रोंकावता। हँकुःआ होड़कू मुरुककू कसूरतेरा अरू कसूररेकू तीलयान। अरू हनालगा भगवान हँकू सुदा मुरुक रीसतो इदानिया।

एकूब 2:6

अपे गरीब होड़कूराः जीवपे एचे बेग-हताकेरा। मनदो गिरहत होड़कू ना लवे जा अपेकू सिकिसतापेता अरू कोट कछेरीरेकू गोः इदीपेता?