मूक चेलाकू 18:10 - Korwa Bible

¹⁰ हनालगा आम अहम बोर, कलेकाल अलोम दोहोन मनदो होड़कू एचेरे ईंग बदीरेम कता उदुःगे।”

मूक चेलाकू 18:10 ပူးပေါင်းရင်းမြစ်များ

मती ओजाःतेरा भगवानराः नपाय सरवन 1:23

“मी होड़ डिंडा धंगड़ी भरी-पाव जुवाःता, अरू हाँय मी होड़ हेरेल होने हेवेगेयता। अरू हाँयराः ञाव दोहोनता, इमानुएल।” अरू हनाराः मतलोब नाःआ हवे, भगवान अबू सुदा इदानिया, माःआन।

मती ओजाःतेरा भगवानराः नपाय सरवन 10:30

अपेराः बोःराः मेमेडटोंग ऊब हों भगवान गँड़ाव दोहोकेराय।

मती ओजाःतेरा भगवानराः नपाय सरवन 28:20

ईंग अपेयिंग हुकुमवारा हना जमा कताकून मनाः लगा हँकूपे चेडकू। अयुमेपे, नाःआ जूग अरीन टुटीगगुः वरी, ईंग सगर सइट अपे सुदायिंग दोहोनता।”

लूका 21:18

मनदो अपेराः बोःराः मीटोंगाः ऊब हों ओरो रवीगनेना।

एहुना 10:16

नाःआ गुदड़ीरे कोवाकुःआ ईंगरिकुःआ एटाः एटाः भेड़ाकू हों इदानकुःआ। हँकू हों ईंगराः गुदड़ीरे अअगू इदा अरू हँकू हों ईंगराः अरोकू अयूमता। हनते जमाकू मिनीटोंग खुड़हारेकू दोहोनता अरू हँकूरीग मिनीटोंग सरवाहाय दोहोनता।

एहुना 11:52

एहूदाकू एकला लगा कोवान मनदो सितिर बितिरयनाकू हँकुःआ भगवानरिकुःआ जमा होड़कू एचे जुमावकेडखन मिनीगोडकू लगा होंय गुजुःता।

मूक चेलाकू 15:14

सिमोन पतरस अबू एचेरे नपायतेय कता उदुःकेरा, भगवान करा उड़ी मड़ंगरे बेगर एहूदाकू अते अनँयग लगा निकता होड़कू तुलाकू लगा अदोम होड़कू सुनावतेडखन अनँयग दुलारे उदुःवातेडकुःआ।

मूक चेलाकू 15:18

जूग परिया अते होड़कूय एचे सुदीकूता, अरू जमाकूनिंग एचेयता ईंग परबू भगवान नाःआ इयायिंग कतायतना।”

मूक चेलाकू 18:11

दो पउलूस हना सहररे मी बरिस छो महिना वरीय दोहोना अरू भगवानराः सरवने कता उदुःतेरा।

मूक चेलाकू 18:9

मी रइत परबू ईसू पउलूस एचेरे मीटोंग दरसनरेय कतातेरा, “ईंग आम सुदा इदानिंगा अरू तोनोंगीग आम ओरोकू हनी अवेतेडमेःआ। ईंगरिकुःआ चेलाकू बड़ाँः लगा मुरुक होड़कू नाःआ सहररे इदानकुःआ।

रूमी 8:31

भगवान अबू लगा नाःआ इया ननपाये एचेकेरा दो हना बदीरे अबू चेले माःआनबू कतायता? सतायरे, भगवान अबू अगी इदानिया, दो इये अबूय घंटाव अवेबूता?

2 कुरिंती 12:9

मनदो हाँय ईंग एचेरेय कतातेरा, ओरो! ईंगराः जंगर अबड़ावगुःतान मेला उडु-बुडूगोडमेता। हनालगा ईंगराः मया आम लगा होनोया जुवाःता, माःआन। दो ईंग अबड़ाव होड़िंग दोहोन अते, ईंग मुरुक बहालतेयिंग भल-भलायगुःता, जेमहा मसीराः जंगर ईंग जीवरे दोहो ञवन।

2 तिमुतियूस 4:17

मनदो ईसू मसी ईंग सुदाय दोहोना अरू हाँयराः जमा सरवन बेगर एहूदाकू एचेरे परसार उदुःगे लगा हाँय ईंगे संघरावातेडिंगा अरू गुजुःराः दूरतेय बनसावतिरिंगा।

2 तिमुतियूस 4:22

भगवान आम सुदाय दोहोन अरूय मयावाम।