मूक चेलाकू 18:1 - Korwa Bible

¹ हना तयोमरे पउलूस एतेनस सहर अते कुरिंती सहर अगी तोराय।

मूक चेलाकू 18:1 ပူးပေါင်းရင်းမြစ်များ

मूक चेलाकू 17:15

पउलूस सुदाकू सेनेडा हँकुःआ होड़कू हाँय एतेनस सहर वरीकू पइड़घाव अटूतिरिया अरू हँकू कुदा वेग मेला पउलूस हँकूय कतावातेरा, “सिलास अरू तिमुतियूस ईंग सुदा ओहेनकिन जुमाः लगा अपे हँकिनपे कता उदुःगोडवा।”

मूक चेलाकू 17:16

पउलूस एतेनस सहररे सिलास अरू तिमुतियूसे तंगीःआ मेला, हाँय हना सहररे मुरुक मुरतीकून ञेलतेडखन हाँय जीव मुरुक कुंभलावयान।

मूक चेलाकू 18:8

अरजी ओड़ाःरीग हातपात होड़ किरिसपूस आँयग ओड़ाःरिकुःआ जमा होड़कू सुदा परबू ईसू एचेरेकू बिसवासतेरा। कुरिंतीरिकुःआ मुरुक बगरा होड़कू, पउलूसराः परसारकू अयूमतेरा हँकुःआ होड़कू हों परबू ईसू एचेरे बिसवासतेडखन बतिसमाकू गोःतेरा।

मूक चेलाकू 19:1

अपोलोस कुरिंतीरेय दोहोन मेला, पउलूस गलातिया अरू पिरगिया छतरते इपीसी सहररेय सेनेडा। हाँय हंडा अदोम बिसवासी होड़कू सुदाय जुमावनेना।

1 कुरिंती 1:2

कुरिंती सहररे इदानकुःआ भगवानराः कलसियारिकुःआ होड़कू अपे लगा, नाःआ चिठी ईंग ओओजाःतना। ईसू मसी एचेरेपे बिसवासकेड अते, भगवान अनँयग लगा अपेय एटाःकेडपेःआ अरू परबू ईसू मसीराः ञावतेकू अरजीता हँकुःआ जमा ततेररिकुःआ होड़कू सुदा अनँयगरिकुःआ सुद होड़कूय बड़ाँवकेडपेःआ। हाँयग ईसू मसी हँकूरीग अरू अबूरीग परबू हवे।

2 कुरिंती 1:1

ने अजी बोपोहकूतिंग, भगवानराः हिछा इया ईसू मसीरीग मूक चेला इदानिंगा ईंग पउलूस, अबूरीग बिसवासी बोहोबू तिमुतियूस सुदा, अपे कुरिंती सहररे इदानकुःआ, भगवानराः कलसियारिकुःआ होड़कू लगा, अरू अकाया देसरे इदानकुःआ भगवानरिकुःआ एटाः सुद होड़कू लगा हों नाःआ चिठी ईंग ओओजाःतना।

2 कुरिंती 1:23

भगवान ईंगरीग हिदइतदार बड़ाँवकिडिगखनिंग कतायतना, कुरिंती सहररे अपे एचेरे नुँहू वरीयिंग सेनेकुः दो अपेयिंग डंटाव अदरुजीगोडकेपेःआ।

2 कुरिंती 6:11

ने कुरिंती सहररिकुःआ वपक बोपोहकूतिंग, अले अपे एचेरे जमालेःआले कता उदुःकेरा अरू मिनी जीवतेले अलार-दुलारकेडपेःआ।

2 तिमुतियूस 4:20

इरासतूस कुरिंती सहररेय दोहोयान। तुरपिमूस बेमारीरेय दोहोना, हनालगा हाँय मिलेतूस सहररे ईंग अटूतिडिया।