मूक चेलाकू 17:17 - Korwa Bible

¹⁷ हनालगा हाँय एहूदाकूराः अरजी ओड़ाःरे एहूदाकू अरू भगवानकू मान मरजइतता हँकुःआ बेगर एहूदाकू सुदा भगवानराः सरवने कता उदुः ञवना अरू सगर दिन हाँय बजाररे जुमाःतो होड़कू एचेरे भगवानराः सरवने कता उदुःतेरा।

मूक चेलाकू 17:17 ပူးပေါင်းရင်းမြစ်များ

मरकूस 16:15

हनते ईसू हँकू एचेरेय कतातेरा, “अपे नाःआ जमा चउंदीसरिकुःआ होड़कू एचेरे सेनेकियानखन नपाय सरवनपे परसारगोड।

लूका 12:3

अपे अंदरारेपे कताकेरा हना बड़रा मरसलरेकू अयुमेता। अरू अपे ओड़ाः छिनारे जहड़नेनखनपे कताकेरा हना बड़रा सड़ुम चोटतेकू परसारगेता।

मूक चेलाकू 10:2

हाँय अरू आँयग ओड़ाःरिकुःआ जमा होड़कू भगवान मान मरजइत घड़ीनकू जागा। हाँय ससंघरा लगा दोहोना हँकुःआ गरीब होड़कूय संघरावाःआ अरू भगवान एचेरे सगर दिने अरजीःआ।

मूक चेलाकू 13:16

दो पउलूस चड़ाँनेना अरू हाँय अनँयग तिःईते होड़कू उदुःवाडखने कताया, “ने इसराएल होड़कू अरू भगवानपे मान मरजइतगेता हँकुःआ बेगर एहूदाकू, अपे ईंगपे अयूम।

मूक चेलाकू 13:43

तयोमरे अदोम एहूदाकू अरू भगवानकू मान मरजइतता हँकुःआ बेगर एहूदाकू, एहूदा धरमरेकू बोलोनेना हँकुःआ होड़कू पउलूस अरू बरनाबासराः तयोम तयोमकू ओतोंग वेगा। दो हँकिन हँकू सुदाकिन बड़रानेन अरू कता-बहालतेडकूखनकिन कतातेड, “भगवान अपेय मयावारा, हनालगा हाँय एचेरेपे बिसवासगोड ञवन।”

मूक चेलाकू 13:50

मनदो एहूदाकू हना सहररिकुःआ मरंग मरंग होड़कू अरू भकतीनकू दोहोना अदोम गिरहत अइमीकू, पउलूस अरू बरनाबास बदीरेकू एचे रीसवाकुःआ। हँकुःआ होड़कू पउलूस अरू बरनाबास बदीरे कड़ीगकू एचे रेमतेरा अरू हँकूराः सिमान अतेकू एचे उडुंगगोतेडकू।

मूक चेलाकू 8:2

भगवानकू मनवेयता हँकुःआ होड़कू इसतपनूसकू तीलतेरा अरू हाँय लगा मुरुककू फिकीरावयान।

मूक चेलाकू 9:20

हनते साहूल तोनोंग दिन दिमसकूसरिकुःआ चेलाकू सुदाय दोहोना।

2 तिमुतियूस 3:2

हनमेला होड़कू अँनकू अँकू दुलारगुःता, लुभिया अरू बड़वार होड़कूकू होयाःता, जमाकू अते मरंगकू ओंगलुःता, एटाः होड़कूकू ओपताता अरू अँननकू एंगा अपाराः कताकू टड़ावगोडता, बेगर मयातेकुःआ अरू मइलाल जीव होड़कू होयाःता।

2 तिमुतियूस 3:5

हँकुःआ होड़कू धरमराः भेसरेकू दोहोनता, मनदो भगवानराः जंगर ओरोकू मनावनेना। हनन इयाकुःआ होड़कू अते तोनोरेम दोहोन।