मूक चेलाकू 17:15 - Korwa Bible

¹⁵ पउलूस सुदाकू सेनेडा हँकुःआ होड़कू हाँय एतेनस सहर वरीकू पइड़घाव अटूतिरिया अरू हँकू कुदा वेग मेला पउलूस हँकूय कतावातेरा, “सिलास अरू तिमुतियूस ईंग सुदा ओहेनकिन जुमाः लगा अपे हँकिनपे कता उदुःगोडवा।”

मूक चेलाकू 17:15 ပူးပေါင်းရင်းမြစ်များ

मूक चेलाकू 15:3

कलसियारिकुःआ बिसवासी होड़कू हँकिनकू वारगोतेड। अरू हँकिन फिनिका छतर अरू समरिया छतर पारनेनखन एरुसलेम अगीकिन सेना अरू सेनेन दूरराः कलसियारिकुःआ बिसवासी होड़कू एचेरेकिन कता उदुःतेरा, बेगर एहूदाकू हों ईसू एचेरेकू बिसवासतेरा, माःआन। नाःआ कता अयूमकेडखन जमा बिसवासी होड़कू बहालयानकू।

मूक चेलाकू 17:14

दो हंडाकुःआ बिसवासी होड़कू ओहेन पउलूस समुंदर धरीराः छतर अगीकू अगूगोतेडीग। मनदो सिलास अरू तिमुतियूस बिरियारेकिन दोहोयान।

मूक चेलाकू 17:16

पउलूस एतेनस सहररे सिलास अरू तिमुतियूसे तंगीःआ मेला, हाँय हना सहररे मुरुक मुरतीकून ञेलतेडखन हाँय जीव मुरुक कुंभलावयान।

मूक चेलाकू 17:21

(दो एतेनसरिकुःआ होड़कू अरू एटाः देस अते वेगनेनखन हंडाकू दोहोना हँकुःआ होड़कू हों मुरुक बेला वरी नँवा नँवा कताकूनकू अयूम अते अरू कता होड़ेंग अते एटाः तोनोंगाः बुता हँकू मेरकू बुताःआ।)

मूक चेलाकू 17:22

दो पउलूस अरियूपगुसरे पंचाइतरिकुःआ होड़कू तलारे चड़ाँनेनखने कताया, “ने एतेनसरिकुःआ होड़कू, ईंग सुदीयतना, अपे अँननपेरिकुःआ देबी-देवताकूराः सेवा लगा ओसताजतो इदानपेःआ, माःआन।

मूक चेलाकू 18:1

हना तयोमरे पउलूस एतेनस सहर अते कुरिंती सहर अगी तोराय।

मूक चेलाकू 18:5

मकिदुनिया राइज अते सिलास अरू तिमुतियूस वेजेडा दो पउलूस कुंबा तुला बुता अड़ाःतेडखन सरवने परसारगोड ञवना। हाँय एहूदाकू एचेरे ईसू, मसी हवे माःआने कतागोड ञवना।

1 तिसलूनिका 3:1

अले अपे अते एटाःरे दोहोकियानखन मेरले सहाव अवेगाड। हनालगा अले एतेनस सहररे दोनोहोन लगा अँननले अले सलाहनेना।

तितूस 3:12

दो ईंग बेटा, आम एचेरे अरतिमास सहे तुकिकूस वार मेला, ररंगराः बेला ईंग गुदरावगे लगायिंग ओंगलेतना हना निकुपुलिस सहररे आमके तोनोंग इया वेनेग इदा।