मूक चेलाकू 17:11 - Korwa Bible

¹¹ बिरिया सहररिकुःआ होड़कू तिसलूनिका सहररिकुःआ होड़कू अते नपाय होड़कूकू दोहोना। नँकुःआ होड़कू भगवानराः सरवन मिनी जीवतेकू अयुमेःआ अरू सगर दिन भगवानराः कागद अते पउलूस कतातेरा हना कता सताय हवे जा कोवान, हनाकू जासतेरा।

मूक चेलाकू 17:11 ပူးပေါင်းရင်းမြစ်များ

मती ओजाःतेरा भगवानराः नपाय सरवन 13:23

अरू नपाय ओतरे लोजोरनेना हना बिहान, सरवन नपायते अयूमकेडखन अँननकूराः जीवरे दोहोकेडखनकू जोःता हँकुःआ होड़कू हवे। तोनोंगीग मी सव मन, तोनोंगीग साठ मन अरू तोनोंगीग तीस मने अदरेता।”

लूका 1:2

नाःआ कताकून बुनुँहड़ी वरीतेकू ञेञेला अरू भगवानराः सरवनकू चेडतेडकुःआ हँकुःआ होड़कू अतेबू अयूमकेरा।

लूका 11:3

अलेराः सगर दिनाः जोम जिनिस मेमेड दिन अले लगाम एमेवाले।

लूका 16:29

दो इबराहीम हाँय एचेरेय कतातेरा, हँकू लगा मोसेस अरू भगवानराः बड़रा कता होड़कूराः सरवन इदा। हना हँकूके अअयूम इदा।

लूका 24:44

तयोमरे हाँय हँकू एचेरेय कताया, “ईंग अपे सुदा दोहोन मेलायिंग कतातेरा, मोसेसराः नियम कागदरे, भगवानराः बड़रा कता होड़कूराः कागदरे अरू सेरेंगकून कागदरे ईंग बदीरे ओजाःतो इदा, हना जमा कता हनन इया होनोयाः इदा।”

एहुना 3:21

मनदो भगवानराः सतायरेय सलाःता हाँयग होड़, भगवान हाँयराः जीवरेय एचेकेरा हना जमा होड़कू सुदी अवेय लगा मरसल अगीय सेनता।”

एहुना 5:39

अपे भगवानराः कागदते तिंगीड घड़ीन चिडुः लगापे कुरनिसगेतना। नाःआ अते अपे ओंगलेता, ननते अले ओरो टुटीगनेना हना जीवले पवाव जुवाःता, माःआन अरू ननानाः कागद ईंग बदीरे हिदइत एमेयता।

मूक चेलाकू 10:33

हनालगा ईंग आम एचेरे होड़कू ओहेनिंग वारतेडकुःआ अरू आम नंडाम वेगकिया दो ननपाय इदा। दो भगवान आम एचेरे अलेय कता उदुःवा लगा तोनोंगाःआय कतातेरा दो हना अयूमगे लगा नुँहू अले जमाकू भगवान मड़ंगरे इदानलेःआ।”

मूक चेलाकू 11:1

ईसूरिकुःआ मूक चेलाकू अरू एहूदिया छतररिकुःआ जमा बिसवासी होड़कू अयूमकेरा बेगर एहूदाकू हों भगवानराः सरवन अयूमकेडखनकू मनेवाडा।

मूक चेलाकू 17:1

हना तयोमरे पउलूस अरू सिलास अंपिपुलिस सहर अरू अपोलोनिया सहर पारनेनखन तिसलूनिका सहररेकिन सोदोरनेना। अरू हना सहररे एहूदाकूराः मीटोंग अरजी ओड़ाः दोहोना।

मूक चेलाकू 2:41

हाँयराः सरवनकू कबुलावयना, हँकुःआ होड़कू बतिसमाकू गोःतेरा अरू हना दिन पेय हजार होड़कू बिसवासी होड़कू सुदाकू मेसानेना।

1 तिसलूनिका 1:6

अपेके मुरुक संताव होयानेना। हनाते हों सुद बिरुवा एमेयता हना बहालते अपे नपाय सरवनपे मनावकेडखन अलेरिकुःआ अरू परबूरिकुःआ ञेल सिखात होड़कूपे बड़ाँवनेना।

1 तिसलूनिका 2:13

अले अपे एचेरेले परसारतेरा हना नपाय सरवन होड़कूराः सरवन इया मेरपे ओंगोलगाड, मनदो भगवान कतातेरा हना सताय सरवन इयापे ओंगोलतेरा अरूपे मनाःआ। हननलगा अपे लगा अले भगवानले धनियाबादगोड ञवनतना अरू भगवानराः नाःआ सरवनरेकू बिसवासगेता अपेराः इंदरीरे बुतागोड ञवनता।

2 तिसलूनिका 2:10

हाँय, सडावकेकुःआ हना सताय सरवन मेरकू दुलारगाड हँकुःआ लायतो होड़कू, जमा बरानाः बेलूर बुताकूनतेय अडिगगोडकूता।

एकूब 1:21

हनालगा अपेराः जमालेःआ लेटाव-पेटाव अरू बेलूर नेवन अपे जीव अतेपे चलाः एंडागोड अरू अँननपे अपे हुडिंग ओंगोलकियानखन भगवान अपे बनसाव लगा अपे जीवरे हुड़ू इयाय रोपाकेरा हना सरवनपे मनाः।

1 पतरस 2:2

बती लइंकू इया अपे हों सुद दूद इया इदा हना भगवानराः सरवन लगापे रोयोँन, जेमहा हना सरवनतेपे बड़ियाड़ इदीन अरू जमालेःआतेपे सडाव जुवाः।