मूक चेलाकू 16:6 - Korwa Bible

⁶ भगवानराः सुद बिरुवा आसिया राइज सेन अते रोंकावतेडकुःआ। हनालगा पउलूस अरू आँयगरिकुःआ सउंगताकू पिरगिया अरू गलातिया छतरतेकू सेनेडा।

मूक चेलाकू 16:6 ပူးပေါင်းရင်းမြစ်များ

लूका 1:2

नाःआ कताकून बुनुँहड़ी वरीतेकू ञेञेला अरू भगवानराः सरवनकू चेडतेडकुःआ हँकुःआ होड़कू अतेबू अयूमकेरा।

मूक चेलाकू 10:19

पतरस हना दरसन बदीरे ओओंगोलरेय दोहोना दो सुद बिरुवा हाँय एचेरेय कताया, “अयुमेमे, पेनेय होड़कू आमकू ञामतना।

मूक चेलाकू 11:12

दो भगवानराः सुद बिरुवा ईंग एचेरेय कताया, बेगर जाः घड़ीन हँकू सुदाम सेन, माःआन। नँकुःआ छोनो बिसवासी होड़कू ईंग सुदा सेनेडखन कुरनेलियूसराः ओड़ाःरेले सोदोरनेन।

मूक चेलाकू 16:7

दो हँकू मूसिया छतरराः सिमान वरीकू सोदोरनेन दो हँकू बितुनिया छतर सेन लगाकू कुरनिसतेरा। मनदो ईसूराः बिरुवा हँकू सेने अतेय रोंकावगोतेडकू।

मूक चेलाकू 18:23

पउलूस अंतकिया सहररे तोनोंग बेला वरीय दोहोना। हनते हाँय अंतकिया अते गलातिया छतर अरू पिरगिया छतररेय सेना अरू जनामा बिसवासी होड़कू बिसवासरेय एचे बड़ियाड़गोतेडकू।

मूक चेलाकू 19:10

नाःआ इया बार बरिस वरी होयानेना अरू आसिया राइजरिकुःआ मुरुक बगरा एहूदाकू अरू बेगर एहूदाकू परबूराः सरवनकू अयूमतेरा।

मूक चेलाकू 20:16

होनायाःकून करे पिंतिकूसतराः दिन अते मड़ंग ओहेन एरुसलेम सुदुरुः लगा पउलूस ओंगोलतेरा। हनालगा हाँय आसिया राइजरे दोहोन अते इपीसी सहर जहाजते सेने पार लगाय ओंगोल दोहोतेरा।

मूक चेलाकू 20:28

हनालगा अपे अँननपेराः जीवपे अगुरागे अरू अपेराः आड़रे इदानकुःआ हँकुःआ होड़कू होँपे तिहाकू। भगवान अनँयग बेटातराः बलंगीतेय किजाकेडकुःआ भगवानराः कलसियारिकुःआ होड़कू नपाय अगुवा होड़कू इयापे तिहाकू।

मूक चेलाकू 20:4

बिरिया सहररीग पिरूसरीग बेटात सोपतरोस, अरिसतरकूस, तिसलूनिका सहररीग सिकंदूस, दिरबेरीग गायूस, आसिया राइजरिकिनाः तुकिकूस अरू तुरोपिमूस, अरू तिमुतियूस, हँकू जमाकू हाँय सुदाकू सेनेडा।

मूक चेलाकू 21:27

सात दिन होनोयाः बेला आसिया राइजरिकुःआ तोनोंग तोनोंग एहूदाकू पउलूस भगवानराः ओड़ाःरेकू ञेलतिरिया। हँकू जमा होड़कू पउलूस बदीरे कड़ीगकू एचे रेमा अरू हाँयकू साबतेरा,

मूक चेलाकू 6:9

दो लिबिरतीन ञावराः अरजी ओड़ाःरिकुःआ होड़कू अरू कुरेन सहर, सिकंदिरिया सहर, किलिकिया छतर अरू आसिया राइजरिकुःआ एहूदाकू हाँय बदीरेकू घंटावतेरा। नँकुःआ होड़कू इसतपनूस सुदाकू अड़ा-चउकीःआ।

मूक चेलाकू 8:29

दो सुद बिरुवा पिलिप एचेरेय कताया, “आम हनानाः रंत अगीम सेन अरू मिनी जुदाबा सेन।”

रूमी 16:5

हँकिन ओड़ाःरेकू जुमाःता हँकुःआ जमा बिसवासी होड़कू ईंग अगीतेपे सलामगोडकू। इपेनितूस ईंगरीग दुलार सउंगता हवे। हाँय आसिया राइजरे जमाकू अते मड़ंग, ईसू मसी एचेरेय बिसवासकेरा। अपे हाँयपे सलामगोड।

1 कुरिंती 12:11

सुद बिरुवा मिनीटोंग इदा अरू नाःआ जमा दहिनकून हनाँयग सुद बिरुवा एमेवाकूता। मनदो हाँयग सुद बिरुवा तोनोंगीग एमेवा लगाय चहाःता, हनाँयग होड़ लगा दहिनकूने एनेमेगोडता।

1 कुरिंती 16:1

नुँहू ईंग भगवानरिकुःआ सुद होड़कू अपेराः पुंजी पसर अते संघरावाकूपे लगायिंग ओजाःगेतना। नाःआ बदीरे गलातिया देसराः कलसियाकूनरिकुःआ होड़कू एचेरेयिंग कतातेरा, हनन इया अपे होँपे एचेय।

1 कुरिंती 16:19

आसिया राइजराः कलसियाकूनरिकुःआ होड़कू अपेकू सलामतना। अपे परबू एचेरेपे बिसवासगेतना। हनालगा अकवीला अरू हाँयरीग अइमी पिरिसकीराः ओड़ाःरेकू दुड़ुःता हँकुःआ बिसवासी होड़कू सुदा अपे हिया घड़ीनकू सलामपेतना।

2 कुरिंती 1:8

दो ईंगरिकुःआ अजी बोपोहकूतिंग, अलिंग आसिया राइजरेलिंग सहावतेरा हना कटसिया बदीरे अपे अनसिनहार अलोपे दोहोन लगालिंग चहाःतना। अलिंग मेरलिंग सहाव अवेय हना इया कटसियाते अलिंग जीव मुरुक ओंगोल कुहकाःआ, अरू गोनेग जुवाःता माःआनलिंग ओंगलेःआ।

गलातिया 1:2

ईंग सुदा इदानकुःआ, हँकुःआ जमा बिसवासी होड़कू सुदा, गलातिया राइजराः कलसियारिकुःआ बिसवासी होड़कू, अपे लगा, नाःआ चिठीयिंग ओजाःगेतना।

गलातिया 3:1

ने गलातियारिकुःआ होड़कू, अपे करा उड़ी नाःआ इयापे बोकोयना? ईसू मसी कुरूसरेय गोएगनेना माःआन अपे सनाताय सतायिंग उदुःवातेडपेःआ। दो अपे करा इया पती ञेडतो इयापे होयायना?

2 तिमुतियूस 1:15

आम सुदीयतना आसियारिकुःआ अदोम बिसवासी होड़कू ईंगकू अड़ाःगोतेडा। पुगलूस अरू हिरमुगनेस, हँकिन हों ईंगकिन अड़ाःगोतेडा।

2 तिमुतियूस 4:10

करेसकेस गलातिया राइज अगी अरू तितूस दलमतिया राइज अगी तोराकिना। अरू देमास नाःआ चउंदीसराः जिनिसकून नपाय मंजूरवातेडखन ईंगे अड़ाःगोतेडिंग अरू तिसलूनिका सहर अगी तोराय।

इबरानी 11:8

बिनिसवासते इबराहीम भगवानराः कताय मनावनेना। हनालगा भगवान हाँय इताडगेय लगाय ओंगोल दोहोतेरा हनानाः देसरे सेन लगाय हुकुमवातेरिया दो इबराहीम, ईंग करा होरिंग सलाःतना, माःआन मेनेरेय सुसुदीःआ। हनारे हों हाँय भगवानराः कता मनावनेनखन सेन लगाय उडुंगयान।

1 पतरस 1:1

ईंग पतरस, ईसू मसीरीग मूक चेला, पुंतूस राइजरे, अरू गलातिया राइजरे, अरू कपादूकिया राइजरे, अरू आसिया राइजरे, अरू बितुनिया राइजरे, दुरीन देसरिकुःआ होड़कू इया सितिर-बितिरकियानखनपे दोहोनता भगवानरिकुःआ सुनावतो होड़कू, अपे लगा नाःआ चिठीयिंग ओजाःगेतना।

उदुःतो कताकून 1:11

“आम ञेलता हना मीटोंग कागदरेम ओजाःगे अरू सातगोटोंग कलसियारिकुःआ होड़कू एचेरेम इदीगोड। इपीसी सहर, इसमुरना सहर, पिरगामून सहर, थायतिरा सहर, सरदीस सहर, पिलादिलपिया सहर अरू लउदिकिया सहररे इदानकुःआ हँकुःआ कलसियारिकुःआ होड़कू एचेरे नाःआ सरवनमे इदीगोड।”

उदुःतो कताकून 1:4

ईंग एहुना, आसिया राइजराः सातगोटोंग कलसियारिकुःआ होड़कू लगायिंग ओजाःगेतना। जूग परियातेय दोहोना, अरू नुँहू इदानिया अरू अरूय कुदा वेगता हाँयग भगवान अपे मयावाडपेखन सलसत एमेवापे लगायिंग अरजीतना। अरू भगवानराः गदी मड़ंगरे इदा हना सातगोटोंग बिरुवा,