मूक चेलाकू 16:26 - Korwa Bible

²⁶ दो असाका हना ततेरराः ओत डोलावनेना अरू जेहेलराः नेव हों हिलावयान। हनमेला जेहेलराः जमा दुवारकून गीगयान अरू जमा होड़कूराः सिकिड़ी हों लड़ायान।

मूक चेलाकू 16:26 ပူးပေါင်းရင်းမြစ်များ

मती ओजाःतेरा भगवानराः नपाय सरवन 28:2

दो ओहेन हंडा ओत मुरुक डोलाःआ अरू सेरमो देस अते परबू भगवानरीग बराहील मड़गट अगीय उतराव वेजेडा। अरू हना मरंग दिरि, दुवारते कोलोंग चलाःतेडखन हना दिरि चोटरेय दुड़ुःयान।

मूक चेलाकू 12:10

दो हँकिन मड़ंग अगुरादारकू अरू एटाः अगुरादारकू तलारेकिन सेने पारयान। हनते होड़कू सहर पेंदारेकू सेना हना जेहेलराः हताराः लोहा दुवार हँकिन मड़ंगरे अँनपनते गीगनेना अरू हँकिन बहरीकिन सेनेडा। हनते हँकिन गुनमिन तान संडकरे संग संगकिन सेनेडा दो हाँयग सेरमो देसरीग बराहील पतरस अड़ाःतेडखन तोराय।

मूक चेलाकू 12:7

दो असाका परबू भगवानरीग बराहील पतरस गेतेगा हना छिनारेय एचे ञेलयान अरू मरसल विड़चेड़नेना। हाँय परतस ढोकलाव बेरेडतिडिगखने कताया, “हलीमे, रिमुः।” अरू हननमेला हाँयकू तोलतेरा हना सिकिड़ीकून हाँय तिःईते कसड़यान।

मूक चेलाकू 4:31

हँकू अरजीतेड हना तयोमरे हँकुःआ होड़कू दोहोना हना ततेरराः ओत डोलावनेना। हनते हँकुःआ जमा होड़कूराः जीव भगवानराः सुद बिरुवाते पेरेगयान अरू भगवानराः सरवन होड़कू एचेरे डीड़तेकू कता उदुःतेरा।

मूक चेलाकू 5:19

मनदो रइत मेला परबू भगवानरीग बराहील हना जेहेलराः दुवारकूने गीगतेरा अरू हँकू बहरी उडुंग अगूतेडकूखन

उदुःतो कताकून 11:13

हननमेला ओत मुरुक डोलावनेना अरू हना मरंग सहरराः दस बंटा अते मी बंटा वाः बोलोयान। अरू हना बिपइतरे सात हजार होड़कू गोएगयान। बनसावनेना हँकुःआ होड़कू बोरोयान अरू सेरमो देसरीग भगवानकू जागतेरा।

उदुःतो कताकून 6:12

ईंग ञेलतेरा, भेड़ा होन छो नमारराः मोहरे उघाड़तेरा। हनमेला ओत मुरुक डोलावनेना, अरू बेर कमड़ा इया भिंजीट कड़ियायान, अरू बांगो बलंगी इया अदग लालयान,