मूक चेलाकू 16:15 - Korwa Bible

¹⁵ हनते हाँय अरू आँयग ओड़ाःरिकुःआ जमा होड़कू हाँय सुदा बतिसमाकू गोःतेरा। अरू हाँय अलेय नेत-नेवारतेडखने कताया, “अपे ईंग मी होड़ बिसवासी होड़ माःआनपे ओंगलेयिंगतना दो, ईंग ओड़ाःरे गुतियापे वेग।” अरू अले हाँय ओड़ाः अरीनले सेन वरी हाँय रेनहातेडलेःआ।

मूक चेलाकू 16:15 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:41

भगवानराः बड़रा कता होड़े नेत-नेवारता हाँय, भगवानराः बड़रा कता होड़राः इमान भगवान अगीतेय पवाता। तोनोंगीग बेगर गारबार होड़ माःआन मनेवाडिगखने नेत-नेवारगेयता दो, हाँयग होड़ बेगर गारबारीग होड़राः इमान भगवान अगीतेय पवाःता।

मती ओजाःतेरा भगवानराः नपाय सरवन 3:6

अँनकूराः कसूरकू कबुलावनेना, हँकुःआ होड़कू लगा एहुना बतिसमाय एमेतेरा।

लूका 14:23

दो मालिक हाँयग सेवकिया होड़ एचेरेय कताया, आम संडककूनरे अरू दूरकूनरे सेनेकियानखन होड़कू रेनहाकेडकूखनमे राः अगूकू, जेमहा ईंग ओड़ाःरे होड़कू पेरेग जुवाः।

लूका 24:29

दो हँकिन कताया, “नुँहू अयूबगुःतना। हनलगा आम तिसिंग अलिंग सुदाम दोहोन।” दो ईसू हँकिन सुदा दोहोन लगा ओड़ाः पेंदारेय बोलोनेना।

मूक चेलाकू 11:14

हाँय अपे मीटोंग सरवने कता उदुःवापेता अरू आम अरू आम ओड़ाःरिकुःआ जमा होड़कू सडाव जुवाःता।

मूक चेलाकू 16:31

दो हँकिन कताया, “परबू ईसू एचेरेम बिसवासगे, दो आम अरू आमराः ओड़ाःरिकुःआ जमा होड़कू सडाव जुवाःता।”

मूक चेलाकू 16:33

हनते हना जेहेलरीग अगुरा होड़ रनइत रइतरे हँकिनराः घावकूने बुहालतेरा। हना तयोमरे हाँय अरू आँयगराः ओड़ाःरिकुःआ जमा होड़कू बतिसमाकू गोःतेरा।

मूक चेलाकू 16:34

हनते हाँयग अगुरा होड़ हँकिन आँयग ओड़ाःरेय गोःतेडकिनखन जोम लगाय एमेवातेडकिना। हाँय आँयग ओड़ाःरिकुःआ जमा होड़कू सुदा भगवान एचेरेकू बिसवासतेरा। हनालगा हाँय अरू आँयगराः ओड़ाःरिकुःआ जमा होड़कूराः जीव मुरुक बहालयान।

मूक चेलाकू 18:8

अरजी ओड़ाःरीग हातपात होड़ किरिसपूस आँयग ओड़ाःरिकुःआ जमा होड़कू सुदा परबू ईसू एचेरेकू बिसवासतेरा। कुरिंतीरिकुःआ मुरुक बगरा होड़कू, पउलूसराः परसारकू अयूमतेरा हँकुःआ होड़कू हों परबू ईसू एचेरे बिसवासतेडखन बतिसमाकू गोःतेरा।

मूक चेलाकू 8:12

मनदो पिलिप भगवानराः राइजराः नपाय सरवन अरू ईसू मसीराः ञाव बदीरेय परसारतेरा दो हँकुःआ जमा होड़कू, मरदकू अरू अइमीकू, हाँयराः कता बिसवासकेडखन बतिसमाकू गोःतेरा।

मूक चेलाकू 8:38

दो हाँयग मरंग हातपात होड़ रंत रोंकावगे लगाय हुकुमतेरा। हना तयोमरे बना होड़ उतरावनेनखन दाःरेकिन बोलोयान। अरू पिलिप हाँय बतिसमाय एमेवातेरिया।

रूमी 16:23

गयूसराः ओड़ाःरे ईंग दोहोनता अरू नंडाकुःआ बिसवासी होड़कू हाँयराः ओड़ाःरेकू जुमाःता। हाँय अपेय सलामतना। नाःआ सहरराः आन-धानकूनराः हातपात होड़ इरासतूस अपेय सलामवातना। अरू कुवारतोस हों अपेय सलामतना।

2 कुरिंती 12:11

ईंग इनिंग भल-भलायगुःतान अते बुयांगिंग बड़ाँवनेना। मनदो ईंग ननन इया भल-भलायगुः लगा अँननपे ईंगपे रेनहातेरा। ईंग तोनोंगीग कोवायिंगा। हनते हों तोनोंगीग मनारंग मूक चेलाकू अते हों ईंग हुडिंग कोवायिंगा। हनालगा अपे इनिंगपे भल-भलायवाकेःआ।

2 कुरिंती 5:14

जे हों सकालाःले एचेयता हना अले मसीराः दुलारतेले एनेचेयता अरूले सुदीबाःगोडता, मसी जमाकू लगाय गोएगनेना, माःआन। हनालगा अबू जमाकू हाँय सुदाबू गोएगयना।

गलातिया 6:10

हनालगा अबू जमाकू सुदा होया अवेन हनामिन, बिसेक बिसवासी होड़कू संघरागोड ञवन लगा इदा।

इपीसी 1:1

ने अजी बोपोहकूतिंग, ईंग पउलूस, भगवानराः हिछाते ईसू मसीरीग मूक चेला हवे। इपीसी सहररे ईसू मसी एचेरे बिसवासगे इयाकू दोहोनता भगवानरिकुःआ सुद होड़कू, अपे लगा नाःआ चिठीयिंग ओओजाःतना।

पिलिपी 1:7

नुँहू ईंग जेहेलरे इनिदानिंग मेला अरू मड़ंगरे नपाय सरवन, सताय हवे माःआनिंग कनता कताय मेला, अपे भगवानराः मया इया ईंगपे सेवा देंगवातेरा। अपे ईंगराः जीवरे इदानपेःआ। हनालगा अपे बदीरे नाःआ इयायिंग ओंगले दो नपाय इदा।

पिलेमोन 1:17

हनालगा आम ईसू मसीराः सेवारे आमरीग सेवा देंगवा होड़ इया ईंगमे ओंगलिंगता दो, ईंगमे नेत-नेवारता हान इया उनेसिमूस होंम नेत-नेवारगेय।

इबरानी 13:2

मुरुक होड़कू बेगर सुदीते सेरमो देसरिकुःआ बराहीलकूकू नेत-नेवारकेरा। हनालगा अनसिनहार होड़कू नेत-नेवारकू लगा अलोपे अड़गे।

1 पतरस 5:12

दो ईंगरिकुःआ अजी बोपोहकूतिंग, ईंगरीग बिसवासगेयीग सउंगता सिलवानूसराः संघराते, ईंग नाःआ हुडिंग चिठीयिंग ओजाःकेरा। अपेराः जीविंग कता बहालगे लगा अरू भगवानराः मया अबू जीव लगा सताय हवे माःआनपे सुदीबाःका लगायिंग ओजाःकेरा। दो अपे नाःआ सताय मयारेपे सनालावगोड ञवन।

2 एहुना 1:10

अरू तोनोंगीग होड़ एटाः इया लबरा सरवने चेड उदुःवाकूता दो, हाँय आम ओड़ाःरे अलोम नेत-नेवारगेय अरू अलोम सलामगेय।

3 एहुना 1:5

ने ईंगरीग सउंगता, बिसवासी होड़कू आम लगा भुलिया होड़कू दोहोन होले हों संघरा एमेवाकू लगा बिसवासगेयीग होड़मे दोहोनतना। हना दो ननपाय हवे।

3 एहुना 1:8

हनालगा अबू बिसवासी होड़कू नँकुःआ होड़कू नेत-नेवारकेडखन जमा इयाःआ संघरा एमेवाकू लगा इदा। नाःआते अबू हों हँकुःआ होड़कू सुदा सतायराः सेवा देंगवा होड़कूबू होयाःता।