मूक चेलाकू 15:7 - Korwa Bible

⁷ हँकू मुरुककू कता होड़ेंगा अरू हना तयोमरे पतरस हँकू तलारे चड़ाँनेनखने कताया, “ने वपक बोपोहकूतिंग, अपे नाःआ कतापे सुसुदीतना। तोनोंग बरिस मड़ंगरे बेगर एहूदाकू ईंगते भगवानराः नपाय सरवन अयूमकेडखन बिसवासगे लगा अपे अते भगवान ईंगे सुनावकेरा।

मूक चेलाकू 15:7 ပူးပေါင်းရင်းမြစ်များ

एहुना 15:16

अपे ईंग मेरपे सुनावगडिंगा। मनदो ईंग अपेयिंग सुनावकेडपेःआ अरू अपे सेनेकियानखन सगर बेला वरी दोहोनता हना नपाय बुताराः जोःओकून अदेर लगायिंग एटाःकेडपेःआ। हनाते अपे ईंगराः ञावते ईंग अपांग एचेरेपे असेय हना हाँय एमेवापेता।

एहुना 3:27

दो एहुना कतातेरा, “भगवान सेरमो देसते तोनोंगीग एचेरे मेरेय एमेवा, हना वरी हाँय तोनोंगाः ओरोय पवावनेना।

मूक चेलाकू 1:16

अरूय कतातेड, “ईंग अजी बोपोहकूतिंग, मड़ंगरे भगवानराः सुद बिरुवाते दाऊद राजा जूदा बदीरेय कतातेरा हना कता पुराः दोहोना। हाँयग जूदा, ईसू साब लगाकू वेजेडा हँकुःआ होड़कूय अगुवाइतेडकुःआ।

मूक चेलाकू 1:24

हनते हँकू अरजीतेड, “परबू, आम जमा होड़कूराः इंदीरीम सुदीतना। जूदा गोएगनेनखन डंडियावराः ततेर हाँय लगा भगवान दोहोवातेरा हना ततेर अगी हाँयराः बिरुवा तोराःआ।

मूक चेलाकू 10:19

पतरस हना दरसन बदीरे ओओंगोलरेय दोहोना दो सुद बिरुवा हाँय एचेरेय कताया, “अयुमेमे, पेनेय होड़कू आमकू ञामतना।

मूक चेलाकू 10:20

रिमुःमे अरू लतार अगीम सेन। हँकुःआ होड़कू ईंग इनिंग वारगोतेडकुःआ। हनालगा हँकू सुदा बेगर ओंगोलतेम सलाव जुवाः।”

मूक चेलाकू 13:2

दो हँकू उपास घड़ीन परबूकू जाग मेला, सुद बिरुवा कतातेरा, “ईंग राःकेडकिना हना बुता एचे लगा बरनाबास अरू साहूलपे एटाःगोड।”

मूक चेलाकू 15:14

सिमोन पतरस अबू एचेरे नपायतेय कता उदुःकेरा, भगवान करा उड़ी मड़ंगरे बेगर एहूदाकू अते अनँयग लगा निकता होड़कू तुलाकू लगा अदोम होड़कू सुनावतेडखन अनँयग दुलारे उदुःवातेडकुःआ।

मूक चेलाकू 15:2

पउलूस अरू बरनाबास हँकू सुदा रायरे मेरकिन दोहोगान अरू हँकू सुदा मुरुक बेला वरी हना कता बदीरेकिन अड़ा-चउकीःआ। हनालगा अंतकियाराः कलसियारिकुःआ बिसवासी होड़कू पउलूस अरू बरनाबास एरुसलेम अगी सेनेडखन ईसूरिकुःआ मूक चेलाकू अरू कलसियारिकुःआ अगुवा होड़कू सुदा नाःआ कता बदीरे कता उदुःगे लगा हँकिनकू लुंबाड़तेरा।

मूक चेलाकू 15:39

नाःआ कता बदीरे हँकिन बना होड़ मुरुककिन अड़ा-चउकीयान अरू हना तयोमरे हँकिन एटाः एटाः अगी परसारगे लगाकिन सेनेडा। बरनाबास, मरकूस सुदा जहाजरे सइपरास डुगु अगी तोराय।

मूक चेलाकू 20:24

मनदो ईंग ईंगराः जीव इनिंग लगा तोनोंग नपाय इया मेरिंग ओंगोलतना, जेमहा परबू ईसू ईंग एचेरेय जिमाकेरा हना बुता अरू सेवायिंग एचे पुराव अवेय। अरू हना बुता ननानाः हवे। भगवान जमा होड़कूय मयावारा हना नपाय सरवन होड़कू एचेरेयिंग परसार उदुःगे लगा इदा।

मूक चेलाकू 21:16

कइसरियारिकुःआ तोनोंग तोनोंग बिसवासी होड़कू हों अले सुदाकू सेनेडा। सइपरासरीग मी होड़ होड़ हंडाय दोहोना। हाँयराः ञाव दोहोना मनासोन। हाँय मुरुक बरिस वरीते ईसूरीग चेलाय दोहोना। अरू मनासोनराः ओड़ाःरे अले रोंकाः लगा हँकुःआ बिसवासी होड़कू अलेकू गोःतेडलेःआ।

मूक चेलाकू 3:18

मनदो भगवानराः बड़रा कता होड़कू, मड़ंगरे ईसू बदीरेकू कतातेरा, मसी मुरुक कटसियाय सहावता, माःआन अरू हना जमा कताकून भगवान नाःआ इयाय पुरावकेरा।

मूक चेलाकू 4:25

आम नाःआ कता सुद बिरुवाते अलेरीग खुटिपहार होड़ अरू आमरीग सेवादारे दोहोना, हाँयग दाऊद राजाम एचे उदुःतेरा, बेगर एहूदाकू चिला लगा रीसतेकू रंजावकिया, अरू होड़कू चिला लगा बेगर लूर बुइदकू तुलातना,

मूक चेलाकू 9:15

मनदो परबू हनानियाह एचेरेय कतातेरा, “नाँय एटाः एटाः देस अगी बेगर इसराएल होड़कू अरू हँकूरिकुःआ राजाकू मड़ंगरे अरू इसराएल होड़कू एचेरे ईंगराः ञावते परसारगे लगायिंग सुनावकिरिया। हनालगा आम हाँय एचेरेम सेन।

पिलिपी 2:14

जमा इयाःआ बुता बेगर कुरबुराःते अरू बेगर अड़ा-चउकीतेपे बुता।