मूक चेलाकू 15:29 - Korwa Bible

²⁹ अपे मुरतीकून मड़ंगरे मंडावतो तोनोंगाः जिनिसकून अहापे जोम, बलंगी अरू अइठाव गोएगतो जानरकूराः मास कहियो जोजोम कोवानेःआ अरू सनहा-सनहीते तोनोरे दोहोन लगा इदा। अपे नाःआ जमाकून अते सवासितीपे दोहोन दो नानाः अपे लगा ननपाय दोहोनता। नपायतेपे दोहोन।

मूक चेलाकू 15:29 ပူးပေါင်းရင်းမြစ်များ

लूका 9:61

अरू मी होड़ कताया, “ने परबू, मड़ंग ईंग ओड़ाःरिकुःआ होड़कू पइड़घाव अटूकू लगाम सेने ओवायिंग।”

मूक चेलाकू 15:20

मनदो हँकू एचेरे नाःआ कता ओजाः इदीगे लगा इदा। हँकू मुरतीकून मड़ंगरे मंडावतो तोनोंगाः जिनिसकून अहाकू जोम, सनहा-सनहीते तोरेकू दोहोन अरू अइठाव गोएगतो जानरकूराः मास जोजोम लगा कोवानेःआ अरू बलंगी कहियो जोजोम कोवानेःआ।

मूक चेलाकू 18:21

मनदो हाँय सेन मेला हँकू एचेरे नाःआ इयाय कतातेरा, “भगवानराः ओंगोल इदान दोयिंग कुदा वेगता।” हनते हाँय इपीसी सहर अते जहाजते तोराय।

मूक चेलाकू 21:25

मनदो बेगर एहूदा बिसवासी होड़कू अबू ओंगोल रायनेना हनाले ओजाः इदीतेरा, अपे मुरतीकून मड़ंगरे मंडावतो तोनोंगाः जिनिसकून अहापे जोम, बलंगी अरू अइठाव गोएगतो जानरकूराः मास कहियो जोजोम लगा कोवानेःआ, अरू सनहा-सनहीते तोरे दोहोन लगा इदा, माःआन।”

मूक चेलाकू 23:30

ईंगे उदुःवातेरा, नाँयग होड़ ञेड गोएगगे लगाकू सपड़ावकिया दो ओहेन ईंग आम एचेरेयिंग वारगोतेडीग अरू हाँयकू बदीःआ, हँकुःआ होड़कू हों अँकूराः लालिस आम मड़ंगरेकू उदुःगे लगायिंग हुकुमतेरा।

2 कुरिंती 11:9

अरू ईंग अपे एचेरेयिंग दोहोन मेला ईंग लगा हुडिंग बगरा होयानेना दो, ईंग अपे लगा तोनोंगाः बोझा मेरिंग एमेगाड। मनदो मकिदुनिया राइज अतेकू वेजेडा हँकुःआ बिसवासी होड़कू ईंगराः जरुरइतकू एमे पुरावगोतेरा। अरू इनिंग अपे लगा तोनोंग इयाःआ बोझा होयाः अतेयिंग रोंकावनेना अरूयिंग रोनोंकावगोड ञवनता।

2 कुरिंती 13:11

टुनुटीगरे ईंगरिकुःआ अजी-बोपोहकूतिंग, बनाहालतेपे दोहोन; अपेराः लूर नेवन उडु-बुडू इदीनपे; ईंगराः कतापे होमगोड; मी जीवकियानखनपे दोहोन; हेल-मेलपे दोहोन। दो अपेय दुलारता अरू सलसते एमेवापेता हाँयग भगवान अपे सुदाय दोहोनता।

1 तिमुतियूस 5:22

तोनोंगीग होड़राः बोःरे ओहेन तिःई खेपाकेडखन मूक होड़ अहाम बड़ाँवगेय। अरू आम तोनोंगीगराः कसूररे अहम मेसान अरू अनम आम सुदमे दोहोन।

एकूब 1:27

टुरा होड़कू अरू रंडियाहीनकू अँनकूराः सिकिसता मेलारेय संघरावाकूता अरू अनँयग जीव चउंदीसराः कसूर अतेय बनसावता हाँयग होड़राः लूर-नेवन अबूरीग अपांग भगवान मड़ंगरे, सुद अरू बेगर गारबारतेःआ लूर-नेवन हवे अरू हनानाः भगवान जुकूर इदा।

1 एहुना 5:21

ने ईंगरिकुःआ लइंकू इया होड़कू, अपे मुरतीकून अते तोरेपे दोहोन।

जूदा 1:24

अपे कसूरगे अतेय बनसाव अवेपेता अरू बेगर गारबार अरू मुरुक बहालते अनँयग मान मरजइतगेःआ मड़ंगरेय एचे चड़ाँ अवेपेता

उदुःतो कताकून 2:14

मनदो अपे बदीरे ईंगके तोनोंग तोनोंग बड़रा ककता लगा इदा; अपे अते अदोम होड़कू बिलामराः चेडतोकू मनाःता। हाँयग बिलाम, बालाक राजा एचेरेय कता उदुःवातेरा, इसराएल होड़कूम लहकावगोडकू, जेमहा हँकू मुरतीकून मड़ंगरे मंडावतो जिनिसकूनकू जोम अरू सनहा-सनहीकू एचेय, माःआन।

उदुःतो कताकून 2:20

हनते हों अपे बदीरे ईंगके मीटोंग बड़रा ककता लगा इदा; इजबील ञावीग अइमी मेरपे हिगार एंडायतना। हाँय ईंगरिकुःआ सेवकिया होड़कू अडिगकेडकूखने कतायता, ईंग भगवानराः बड़रा कतायीग अइमी हवे, माःआन। हाँयराः चेडतोते, मुरतीकून मड़ंगरे मंडावतो जिनिसकून जोम लगा अरू सनहा-सनहीपे एचेय लगा होड़कूय बहकावतना।