मूक चेलाकू 15:22 - Korwa Bible

²² हनते ईसूरिकुःआ मूक चेलाकू अरू कलसियारिकुःआ अगुवा होड़कू जमा बिसवासी होड़कू सुदा अँकूरिकुःआ तोनोंग तोनोंग होड़कू सुनावतेडखन पउलूस अरू बरनाबास सुदा वारकू लगाकू रायनेना। बिसवासी होड़कू अते बार होड़, कलसियारिकिनाः अगुवा होड़किन दोहोना हँकिनाः जूदा (हाँयराः एटाः ञाव दोहोना बरसाबास) अरू सिलासकू सुनावतेरा, जेमहा पउलूस अरू बरनाबास सुदा अंतकियाकिन सेन।

मूक चेलाकू 15:22 ပူးပေါင်းရင်းမြစ်များ

मूक चेलाकू 1:23

दो जमा बिसवासी होड़कू बार होड़ बदीरेकू सलाहनेना। हँकिन अते मी होड़ बरसाबास माःआनकू कतावायता हाँयग उसूप दोहोना। (हाँयराः एटाः ञाव दोहोना जसतूस) अरू एटाः होड़राः ञाव दोहोना मतियाह।

मूक चेलाकू 11:19

इसतपनूस गोएगनेन तयोमरे होड़कू एरुसलेम सहरराः कलसियारिकुःआ होड़कू मुरुककू संतावकुःआ। हनालगा हँकू अते मुरुक बगरा बिसवासी होड़कू हना ततेरतेकू ञीरबाःयान अरू फिनिका छतर, सइपरास डुगु अरू अंतकिया सहररेकू सोदोरयान। हँकू एहूदाकू एचेरे एकला नपाय सरवनकू कता उदुःतेरा।

मूक चेलाकू 11:20

दो सइपरास डुगुरिकुःआ अरू कुरेन सहररिकुःआ अदोम बिसवासी होड़कू अंतकिया सहररे वेजेडखन बेगर एहूदाकू एचेरे परबू ईसूराः नपाय सरवनकू उदुःवाकुःआ।

मूक चेलाकू 11:22

नाःआ कता एरुसलेमराः कलसियारिकुःआ होड़कू अयूमतेरा दो, हँकू बरनाबास ञावीग मी होड़ बिसवासी होड़ अंतकिया सहररेकू वारगोतेडीग।

मूक चेलाकू 11:27

हननमेला एरुसलेम अते अदोम भगवानराः बड़रा कता होड़कू अंतकिया सहररेकू वेजेडा।

मूक चेलाकू 15:23

हँकू हँकिन तिःईरे नाःआ चिठीकू एमे ओतोंगगोडतेरा। अले अपेरिकुःआ वपक बोपोहकू, ईसूरिकुःआ मूक चेलाकू अरू कलसियारिकुःआ अगुवा होड़कू, अंतकिया सहर, सिरिया सहर अरू किलिकिया छतररिकुःआ बेगर एहूदा बिसवासी होड़कू लगा अले अगीते मसी सलाम।

मूक चेलाकू 15:25

हनालगा अपे एचेरे बरनाबास अरू पउलूस सुदा सुनावतो होड़कू वारकू लगाले ओंगोल रायनेना।

मूक चेलाकू 15:27

हनालगा अले जूदा अरू सिलास, बरनाबास अरू पउलूस सुदा अपे एचेरेले वारकूतना। हँकू सेनेकियानखन अले ओजाःकेरा हना कता हँकू अँननकू अपे एचेरेकू कता उदुःगोडता।

मूक चेलाकू 15:3

कलसियारिकुःआ बिसवासी होड़कू हँकिनकू वारगोतेड। अरू हँकिन फिनिका छतर अरू समरिया छतर पारनेनखन एरुसलेम अगीकिन सेना अरू सेनेन दूरराः कलसियारिकुःआ बिसवासी होड़कू एचेरेकिन कता उदुःतेरा, बेगर एहूदाकू हों ईसू एचेरेकू बिसवासतेरा, माःआन। नाःआ कता अयूमकेडखन जमा बिसवासी होड़कू बहालयानकू।

मूक चेलाकू 15:30

दो हँकुःआ चइरगोटोंग होड़कू, कलसियारिकुःआ होड़कू वारतेडकुःआ अरू हँकू अंतकिया सहर तोराकू। हंडा सेनेडखन हंडाकुःआ बिसवासी होड़कू एचेरेकू जुमावनेन अरू हँकू हना चिठीकू एमेवातेडकुःआ।

मूक चेलाकू 15:32

जूदा अरू सिलास भगवानराः बड़रा कता होड़किन दोहोना अरू हँकिन, बिसवासी होड़कू ईसू एचेरे एचे बड़ियाड़कू लगा मुरुककिन कता उदुःतेरा।

मूक चेलाकू 15:40

मनदो पउलूस सिलासे सुनावतेरा, अरू बिसवासी होड़कू परबू हँकिने संभाड़किन लगाकू अरजीतेरा अरूकू वारगोतेडकिन।

मूक चेलाकू 16:19

हाँयग बेगारीनरिकुःआ मालिककू सुदीगोतेड अबूराः ढिबुवा अदेरगेराः असरा चलाः एंडानतना, माःआन। दो हँकू पउलूस अरू सिलास साबतेडखन बजार अगी हना सहररिकुःआ हातपात होड़कू एचेरेकू ओर गोःयाडकिन।

मूक चेलाकू 16:25

दो हटिंग बरा रइतरे हँकिन बना होड़ पउलूस अरू सिलास भगवान एचेरेकिन अरजीतेरा अरू भगवान लगाकिन सेरेंगा। हनमेला हना जेहेलरे सींगतोकू दोहोना हँकुःआ एटाः होड़कू हों हँकिनराः सेरेंगकू अयूमाः।

मूक चेलाकू 16:29

दो जेहेलरीग अगुरा होड़ मरसल अगूगे लगाय कतातेरा अरू बतकाव वेगवाडखन पउलूस अरू सिलास मड़ंगरे कलपाः घड़ीने उकुड़ोमनेना।

मूक चेलाकू 17:10

रइत होयानेन दो ओहेन तिसलूनिका सहररिकुःआ बिसवासी होड़कू पउलूस अरू सिलास बिरिया सहर अगीकू वारगोतेडकिन। हंडाकिन सोदोरनेन दो हँकिन एहूदाकूराः अरजी ओड़ाःरेकिन सेनेडा।

मूक चेलाकू 17:14

दो हंडाकुःआ बिसवासी होड़कू ओहेन पउलूस समुंदर धरीराः छतर अगीकू अगूगोतेडीग। मनदो सिलास अरू तिमुतियूस बिरियारेकिन दोहोयान।

मूक चेलाकू 17:4

तोनोंग तोनोंग एहूदाकू अरू भगवानकू मान मरजइतता हँकुःआ बेगर एहूदाकू अरू हना सहररिकुःआ तोनोंग तोनोंग मरंग मरंग अइमीकू हों नाःआ कता बिसवासकेडखन पउलूस अरू सिलास सुदा बिसवासी होड़कूराः गउदारेकू मेसायान।

मूक चेलाकू 18:5

मकिदुनिया राइज अते सिलास अरू तिमुतियूस वेजेडा दो पउलूस कुंबा तुला बुता अड़ाःतेडखन सरवने परसारगोड ञवना। हाँय एहूदाकू एचेरे ईसू, मसी हवे माःआने कतागोड ञवना।

मूक चेलाकू 8:14

एरुसलेमरेकू दोहोना ईसूरिकुःआ मूक चेलाकू अयूमतेरा, समरियारिकुःआ होड़कू भगवानराः सरवनकू मनेवातेरा, माःआन। दो हँकू पतरस अरू एहुना हंडाकू वारतेरा।

2 कुरिंती 1:19

दो ईंग अरू सिलवानूस अरू तिमुतियूस अपे एचेरेले परसारतेरा हाँयग भगवानरीग बेटात ईसू मसी बार जीवकियानखन हाव अरू ओरो मेरेय कतायता, मनदो हाँय जमा बेला हनाव हावे कतायता।

1 तिसलूनिका 1:1

ने अजी बोपोहकूतिंग, ईंग पउलूस, सिलवानूस अरू तिमुतियूस सुदा, अबूरीग अपांग भगवान अरू परबू ईसू मसी एचेरे बिसवास इदा, अपे तिसलूनिका सहरराः कलसियारिकुःआ होड़कू लगा नाःआ चिठीयिंग ओओजाःतना। भगवान अपेय मयावा लगा, अरू सलसतरेय दोहोगोड ञवनपे।

2 तिसलूनिका 1:1

ने अजी बोपोहकूतिंग, ईंग पउलूस, सिलवानूस अरू तिमुतियूस सुदा, अबूरीग अपांग भगवान अरू परबू ईसू मसी एचेरे बिसवास इदा, अपे तिसलूनिका सहरराः कलसियारिकुःआ होड़कू लगा नाःआ चिठीयिंग ओओजाःतना।

1 पतरस 5:12

दो ईंगरिकुःआ अजी बोपोहकूतिंग, ईंगरीग बिसवासगेयीग सउंगता सिलवानूसराः संघराते, ईंग नाःआ हुडिंग चिठीयिंग ओजाःकेरा। अपेराः जीविंग कता बहालगे लगा अरू भगवानराः मया अबू जीव लगा सताय हवे माःआनपे सुदीबाःका लगायिंग ओजाःकेरा। दो अपे नाःआ सताय मयारेपे सनालावगोड ञवन।